السلام عليكم
الوصفه دي لياسو
المكونات :-ورق عنب -بصل -شبت ارزابيض -زيت -التسبيكه بتاعتنا -طماطم - ملح -ليمونه -فلفل اخضر
طريقة التحضير:-اول حاجه بنحط ميا في حله علي البوتجاز وعليها رشة ملح وليمونه ونغطي عليها علشان تغلي بسرعه ولما تغلي نحط فيها ورق العنب لمدة دقيقتين علشان يبقي طري شويه ونطلعه نحطه في مصفا علشان يصفي من الميا خالص
تحضير خلطة المحشي:-
اول حاجه نغسل كمية الارز المناسبه للورق
ونصفيها خالص خالص من الميا
نخرط الشبت والكزبره ناعم خالص ونحطهم علي الارز
نكون مجهزين التسبيكه بتاعتنا ونحطها عليهم ونقلبهم مع بعض كويس ويكوت لون الارز بعد التسبيكه احمر
كدا خلصنا الخلطه
تجهيز حلة المحشي :-
نجيب الحله الا هنعمل فيها المحشي
نقطع البصل والفلفل والطماطم طرنشات ونحطهم في ارضية الحله ونجيب شوية شبت صغيرين متقطعين ونحطهم ورشة زيت ورشة ملح صغيرين عليهم
وبعدين نجيت الورق ونحط جواه الخلطه ولما نظبطه علي شكل صوابع نحطه في الحله بنظام لغاية ما نخلص الورق خالص
نحط عليه ميا لو عندك شوربه ممكن تحطيها
(الميا او الشوربه ) نغطي المحشي بيها
وبعدين نحطه علي البوتجاز ولما ينشف نكون مجهزين الزيت علي النار ونحطه عليه ونهدي النار خالص ونبص عليه كل شويه ونطلع وحده ونشوفها لو الارز الاجواها استوا يبفي كدا
تومام اوي
كدا خلص المحشي
------------------------------------------------------
قولولي بقي سهل ولا صعب
ومين حب طريقته
ايه اكتر اكله بتحبوها
