الفصل ال48°°ابن قلبي°°😍
"كانت تسنيم تبكي في قهر وهي تهتف قائله":بس انا مش عاوزه اتجوز يا امي،،لما اخلص كليتي ابقي افكر في الموضوع
الام:بس يا بنتي دا انسان كويس،،نرفضه ليه من غير اسباب؟!
تسنيم ببكاء:مش عاوزه يا امي،،مش عاوزه اتجوز حد
" وفي تلك اللحظه اتاها صوتا من ورائها تعرفه جيدا وهتف قائلا:ولا حتي انا
"التفتت تسنيم لمصدر الصوت وهي في قمه صدمتها،،من رؤيتها له وكان يخالطها ايضا شعور بالسعاده لاحساسها بانها لم تخسره بعد"
تسنيم في ذهول:انت مسافرتش؟!
احمد بجديه:اسافر واسيبك!!!
تسنيم وهي تبكي:انا اسفه بجد حقك عليا
احمد بحب:في حد بيزعل من قلبه
وفي تلك اللحظه تدخل والد حياء قائلا:احنا قاعدين،،هتعاكسها قدامي ولا ايه!!!
احمد بضحك وهو يقترب منه:حقك عليا يا عمي وهات راسك ابوسها اهي،،ويلا بقا اتصل بالمأذون
فاطمه بضحك:مالك التاني،،هههههههه اتعدي من صاحبه
الاب متابعا:يابني طيب استني لما ناخد موافقتها ونعمل فتره خطوبه وتفهموا بعض اكتر
احمد مسرعا:لا لا لا احنا عارفين بعض كويس اوي
"في تلك اللحظه وصلت حياء الي بيت تسنيم ورأت كل ما يحدث وكانت السعاده تضفي علي جميع ملامحها،،علي عكس تسنيم التي مازالت الصدمه تلجمها عن الكلام
ثم تابع عبد الرحمن قائلا:موافقه يا تسنيم!!!
تسنيم وقد انتبهت لصوت والدها ثم هتفت قائله:اه يا بابا موافقه
وهنا هتف احمد قائلا:الله اكبر،،ملكش حجه تاني يا عبده
عبد الرحمن متابعا:لا يا فالح،،لسه في مشكله الشهود
احمد بضحكه خبيثه:ومين قالك ان دي مشكله،،ثم وجه حديثه للبناات قائلا:حياء ممكن تاخدي الاخت اللي. في ملكوت تاني دي وتدخلوا الاوضه
حياء بتفهم:حاضر
احمد متابعا:لحظه واحده يا عمي
" ثم قام بمهاتفه شخصا ما قائلا:اطلع يسطي،،وما هي الا لحظات،،حتي وجد عبد الرحمن ،،مالك وهو يدلف داخل البيت بصحبه شخصين اخرين ومعهم المأذون
احمد بسعاده:اقدملك يا عمي مالك ومصطفي وحسام صحابي والشهود باذن الله😈
عبد الرحمن بضحك:يخرب عقلك دا انت مجنون رسمي
مالك متدخلا بضحك:معلش يا عمي بنتك جننته،،وانا من رأيي مفيش حاجه تمنعنا اننا نتم كتب الكتاب دلوقتي،،علشان عندي سفر والاستاذ مصمم يوصلني
عبد الرحمن بسعاده :علي بركه الله،،قومي يا حاجه هاتي كل الورق الخاص ببنتك
"وبالفعل دلفت فاطمه داخل الغرفه"
فاطمه متابعه:هاتي يا تسنيم كل الورق الخاص بيكي،،وبالفعل ناولتها تسنيم كل ما هو مطلوب
تسنيم متابعه:بس يا ماما ،،دا مفيش شهود
فاطمه بضحك:لا يا ناصحه ،،الاستاذ عامل حسابه بكل حاجه ومالك جه ومعاه مصطفي وحسام والمأذون كمان
حياء بذهول:مالك!!!!.. جوزي؟!
فاطمه متابعه:ايوه يا بنتي والله برا
حياء وهي تجز ع اسنانها:مااااشي،،بس هو مسافرش يعني!!!!
"اتجهت فاطمه خارج الغرفه،،ثم تابعت تسنيم هاتفه:انتي يا بت انتي مش هتبطلي تعملي فيا مقالب
حياء بضحك:بس ايه رايك مقالب حلوه اهو ،،ونهايتها مش خطوبه دا جواز علي طول
تسنيم بخبث:بس انتي مبتحرميش،،ثم بدأت بالاقتراب منها قائله:تعاليلي هنا بقا
حياء وهي تجري :ابعدي عني العضه بتاعتك لسه معلمه في ايدي
" وبدأت الفتيات يتضاحكن ومر الوقت عليهما،،حتي قطع ضحكهما صوت والدتها تدخل هاتفها،،تسنيم البسي حجاب وتعالي امضي
"وبالفعل خرجت تسنيم بصحبه حياء ثم ادلت بتوقيعها،،حتي هتف المأذون قائلا:" بارك الله لهما وبارك عليهما وجمع بينهما في خير"💜
وهنا تعالت الزغاريد من قبل السيده فاطمه تنبأ بسعادتها بتلك الزيجه،،ثم قامت باحتضان ابنتها قائله :الف مبروك يا عيوني
تسنيم بسعاده:الله يبارك فيكي يا مامتي
"انتهي المأذون من عمله ثم استأذن بالرحيل وايضا مصطفي وحسام،،بعد ان قاما بتهنأت احمد"
"وفي تلك اللحظه ،،اقتربت حياء من مالك وهي تهمس له بصوت خفيض:مسافرتش يعني
مالك بهزار:احمد ثبتني بمطواه وقالي لازم اشهد علي عقد الجواز
حياء بزعل:مقولتليش ليه كدا!!!
مالك بحبك:كنت عاوز اعملهالك مفاجأه يا قلبي
حياء بحزن:ماشي،،بس انت مصر تخليني اعيط
مالك بحب:ما عاش ولا كان يا مزتي
" في تلك اللحظه هتف احمد قائلا:طيب انت عاوز حاجه مني يا عمي،،وفي تلك اللحظه اقترب من تسنيم وحملها بين ذراعيه
عبد الرحمن بضحك يخالطه بعض الدهشه:عاوز حاجه يا عمي!!!....نزل البنت يا زفت،،رايح بيها فين!
احمد بغيظ:الله هي مش بقت مراتي يا عمي،،هاخدها واهرب
عبدالرحمن بضحك:نزل البنت هههههههه الله يهديك
تسنيم في خجل:نزلني يا احمد ،،بطل رخامه
"وبالفعل قام احمد بانزالها،،ثم هتف موجها حديثه لوالدها قائلا:بص يا عمي انا جاهز من كل حاجه والفيلا كبيره ومش هخليها تحتاج حاجه
عبد الرحمن بجديه:متستعجلش الامور يا احمد ،،علشان بنتي لسه مجهزتش،،وانا مش موافق باللي بتقوله دا
احمد وقد فهم الجديه في ملامحه:خلاص يا عمي اللي تشوفوا ،،بس قولي وقت
عبد الرحمن متابعا:ان شاء الله بمجرد ماتجهز هقولك وكمان هي لسه في تانيه كليه،،يعني نستني لما تكون في اخر سنه ثالثه علي الاقل
احمد بزعل:هستني كل دا!!.. ماشي يا عمي
" وبالفعل اتفقوا جميعا علي كل شيء ثم قرر احمد الذهاب حتي يوصل مالك بسيارته الي الاسكندريه"
***************
"علي الجانب الاخر،،كانت مي تجلس ،،بصحبه اختها،،ثم رن هاتفها،،فقامت بالرد"
مي مسرعه:ها يا حسام ،،وافقت علي الخطوبه!!
حسام بضحك:وافقت علي الخطوبه،،ههههههههه ،،تسنيم بقت مرات احمد حاليا
مي في صدمه:ايه دا بجد!!!!
حسام بضحك:اه والله،،احمد المجنون اتصل بينا وخلانا جبنا المأذون وروحنا،،وساعتها كان هو اقنع والدها
مي بضحك:مجنون،، بس انا مبسووووطه اووووي بجد يا حسام
حسام بحب:عقبالنا يا قلبي،،وتكوني مراتي ان شاء الله،،وقريب اوي
مي بسعاده:ان شاء الله
حسام متابعا:الحق انا بقا اروح الشغل،،علشان اتأخرت
مي متابعه:ماشي ،،ربنا يحميك ليا
حسام بسعاده:يارب
"وبالفعل اغلقت مي الهاتف معه ثم اخبرت اختها ووالدتها بخبر زواج تسنيم"
والده مي:الف مبروك ليها،،ما شاء الله عليكم جايين ورا بعض،،والله انا ابتديت اقلق عليكم من العين
مي بضحك:متقلقيش يا ست الكل
منه بمرح:عقبالي يارب
الام بضحك:ان شاء الله
******
"علي الجانب الاخر قام احمد بتوصيل مالك الي اليكس بسيارته،،واثناء سيرهما كانا يشعران بالفرحه العارمه،،ثم هتف احمد قائلا:فاكر يا مالك،، اليكس واول لقاء لينا فيها
مالك بضحك:اه لما فرمتك،،دا انت كلت بونيات مني ياراجل
احمد بغيظ:رغم اني اطول منك
مالك بضحك:مش بالطول يسطي،،الرك علي التأسيس،،بص العضلات يابني
احمد بضحك:انت مسمي دول عضلات امال لو شفت الناس اللي في الجيم هتعمل ايه!!
مالك بضحك:لا يا حبيبي احنا الاصل،،دول كبيرهم اوي دبوس😂
احمد بضحك:هههههههه ،،مجنون ،،بس عارف يا مالك انا حببتك اوي ومكنتش اتخيل انك هتكون اعز صاحب ليا
مالك بابتسامه :لا محبه الا بعد عداوه
*********
" في بيت عبد العزيز فهمي قامت نيفين بالاتصال علي زوجها"
نيفين بسعاده:عزيز حبيبي،مفيش مبروك
عبد العزيز مكملا:علي ايه،،تسنيم ضربت احمد بالنار
نيفين بغيظ:بعد الشر عنه،،تسنيم بقت مرات احمد رسمي
عبد العزيز بضحك:الكلام دا حقيقي ولا بجد
نيفين بضحك:الاتنين،،الحمدلله واخيرا بقا هيكون عندي احفاد
عبد العزيز مكملا:هو اصلا من ساعه ما قالي هيروحلها البيت ويكتبوا الكتاب،،وانا قايل ان الواد دا اتجنن رسمي وهيطردوا😂،،بس ابنك لاعيبك
نيفين متابعه:المهم الموضوع تم علي خير،،وعاوزين نعزمهم علي الغدا ونتكلم في موضوع الفرح
عبد العزيز بتفهم:تمام
***
"داخل شركه عبد العزيز فهمي،،كان يجلس الي مكتبه،،حتي سمع صوت طرقات الباب،،فأذن للطارق بالدخول"
ليلي بتتابع:اسفه يا فندم اضطريت،،اسلم البوسطه،،وارجع للبيت علشان والدتي
عبد العزيز بتتابع:ولا يهمك يا بنتي،،هستأذنك اخرج للدرو الثالث وراجعلك حالا
ليلي بتتابع:اكيد اتفضل يا فندم
"خرج عبد العزيز من حجره المكتب،،وعقب خروجه بدأت ليلي في استكشاف كل ما بداخل الادراج الخاصه بالمكتب بحثا عن اوراق الصفقات والمبالغ التي ستتم بها،،وحاولت ايضا ضرب اي ارقام لفتح الخزنه ولكن محاولاتها باءت بالفشل،،وما هي الا لحظات حتي سمعت صوت عبد العزيز يأتي من الخارج ،،فعادت تجلس مره اخري ،،ثم دلف هو مره اخري "
عبد العزيز متابعا:اسف يا بنتي اتأخرت عليكي
ليلي:ولا يهمك يافندم
عبد العزيز متابعا:انا دلوقتي عندي مؤتمر بعد اسبوع وهحتاح سكرتيره خاصه معايا،،ودا طبعا لو مش هيعطلك عن شغلك الاساسي
ليلي بعدم تفكير:لا مش هيعطلني يافندم انا تحت امر حضرتك
عبد العزيز متابعا:تمام اوي ودلوقتي تقدري تتفضلي
"توجهت ليلي خارج الغرفه،،وعقب خروجها نظر عبد العزيز الي احد زوايا المكتب ثم غمز لاحدا وهو يبتسم"
"في تلك اللحظه كان مالك يراقب كل ما يدور،،داخل المكتب عن طريق كاميرات المراقبه الموصله باللاب الخاص به،،وعندما قام عبد العزيز بالغمز ابتسم مالك بشده لما فعله،،ثم هتف لاحمد قائلا:ابوك دا صايع علي كبير
احمد بضحك:انت وهو عاملين دويتو جامد اوي
مالك بضحك:طبعا يا بني اصلا ،،ابوك مرح اوي والاهم من دا كله،،ذكي ودا الشرط الاساسي في اي رجل اعمال ناجح
احمد بسعاده:انا مبسوط اوي للعلاقه اللي احنا وصلنالها سوا وخصوصا بقا فرحه بابا بينا
مالك:ربنا يديم السعاده،،ثم تابع قائلا:المهم بقا شوفت البت دي عملت ايه في الفيديو دي مش سهله خالص،،بس اللي انا واثق منه اوي انها اغبي كائن ممكن تقابله، ازاي متعرفش ان شركه كبيره زي دي،،مفيهاش كاميرات مراقبه يعني،،غشيمه اوي😂،،وقريب اوي هتتنفخ،،دي نهايه مستنقع القذاره
احمد متابعا:المهم دلوقتي اننا وصلنا
مالك وهو يصافح صديقه ثم يحتضنه:هتوحشني يسطي الشهر دا
احمد بضحك:عيب عليك دا انا هتصل عليك 24 ساعه،،اعتبرني انا مراتك
مالك بضحك:ههههههههه،،بس امانه عليك متزعلش تسنيم وياريت بدل الانفعال اللي بينكوا دا تستبدلوا بالتفاهم وربنا يهديكوا لبعض،،وحاجه كمان،،حياء سلامتها ،،امانه معاك لحد ما ارجع،،من بعيد لبعيد كدا او عن طريق تسنيم متحسسهاش يعني بحاجه،،علشان انا قلقان عليها
احمد متابعا:في عيني يسطي
مالك بغيظ وهو يضرب علي كتفه:لا مش عاوزها في عينك ياض انت،،خليك ف مراتك ،،بنقول من بعيد لبعيد
احمد بضحك:ههههههههه مجنون،،المهم خلي بالك من مذاكرتك بقا واقابلك علي خير بعد شهر
مالك وهو يترجل من السياره:ان شاء الله
*********
"في بيت تسنيم،،قامت حياء بالاتصال علي مالك لتطمئن علي سلامه وصوله"
حياء بحزن:الحمد لله انك وصلت
مالك بحب:وحشتيني علي فكره
حياء بابتسامه خفيفه:بس بقا علشان هعيط
مالك بضحك:انت متعاقده مع العياط كدا علي طول،،بقولك وحشتيني يا وليه
حياء بغيظ:متقوليش يا وليه
مالك بخبث:طيب لو مقولتليش بحبك يا ابو العيال،،هغير اسمك علي الفون من بنت قلبي واسميكي الوليه
حياء بذهول:عااااااا،،طيب ابقي اعمل كدا وانا اقتلك
مالك وهو يتصنع الحزن:اهون عليكي يا مشمشتي
حياء :لا مش تهون والله
مالك بضحك:طيب يلا قولي بقا
حياء بحب:بحبك اوي يا ابن قلبي💜
مالك بضحك:شكرا
حياء بغيظ:تصدق انك رخم واوي كمان
"ضحك مالك وحياء كثيرا وفي تلك اللحظه،،كانت تسنيم تحاول الاتصال علي احمد وفي كل مره تجد هاتفه مشغولا وما ان انتهت حياء من حديثها مع زوجها حتي هتفت تسنيم بها قائلا: نفسي افهم بيكلم مين كل الوقت دا وسايبني انا عاااااا
حياء بضحك:من اولها كدا يا بنتي،،تلاقيها مكالمه شغل
تسنيم بغيظ:ماشي اما نشوف
حياء متابعه:طيب يلا نشوف هنعمل ايه في المنهج اللي مش ناوي يتلم دا،،بيتمدد بطريقه رهيبه
"في تلك اللحظه كان احمد يتحدث مع والده علي الهاتف اثناء عودته من اليكس"
احمد بمتابعه:بس حركه ذكيه اوي منك انت ومالك دي يابابا
عبد العزيز بمتابعه:انا كدا فهمت البنت دي عاوزه ايه،،وعينت حد يراقب تحركاتها،،وانا دلوقتي بكلفها علي اد ما اقدر بحاجات تلهيها عن اللي بتخططله دا شويه،،لحد ما نعرف هي شغاله لصالح مين ونمسكها هي والشخص دا متلبسين
احمد بتساؤل:تمام اوي،،بس هي تعرف حاجه عن الصفقه اللي بعد 9 شهور دي!!!
عبد العزيز بتهكم:طبعا،،الجواسيس اللي في شركتنا مش هيستنوا علي خبر زي دا لحظه
احمد متابعا:بس احنا لازم نتصرف معاهم قبل ما يبوظولنا كل حاجه،،الصفقه دي بمليارات ودفعه كبيره للشركه واسمها في السوق
عبد العزيز متفهم:متقلقش يابني،،طول ما احنا ماشيين صح مش هيقدروا يعملوا حاجه
احمد بتفهم:بإذن الله يا بابا
"وبالفعل اغلق احمد الهاتف مع والده ثم قام بالاتصال علي تسنيم"
احمد بحب:وحشتيني يا اوزعتي
تسنيم برخامه:والله!!!
احمد بغيظ:يعني بقولها وحشتيني،، وانتي بتنكدي
تسنيم بزعل:انا نكديه!!!
احمد وهو يجز علي اسنانه:لا العفو انا اللي نكدي
تسنيم بزعل:خلاص اسفه،،بس انت كنت بتكلم مين!!
احمد متابعا وقد فهم تغيرها:اه قوليلي كدا ابتدينا نغير اهو
تسنيم بغضب:الله مش جوزي،،انطق كنت بتكلم مين
احمد:انطق،،طيب كويس انك مش في وشي
تسنيم بغيظ:اولا مبخافش،،ثانيا بقا انت ميتهزرش معاك خالص،،كنت بتكلم مين
احمد بضحك:خمسين كلمه في الثانيه،،كنت بكلم زيزو
تسنيم بتفهم:ماشي يا خويا
احمد بغيظ:ماشي يا ام حسين
تسنيم بضحك:هههههههههه مزعلتش
احمد بحب:احبك وانتي بتضحكي،،ووحشتيني اوي بقا،،وجهزي نفسك علشان هنتعشي سوا النهاردا
تسنيم بفرح:بجد يا احمد
احمد :بجد يا عيون احمد
"اغلق معها الهاتف ،،ثم هتفت حياء قائلا:هنذاكر في اليوم دا ولا هنقضيها حب احنا الاتنين
تسنيم بضحك:انا من رأيي نذاكر لا بعد تلشر نشيييل😂
حياء متابعه بتهكم:علي الوضع اللي احنا فيه دا... هنفتح فرنه في النتيجه😂
*************
" مرت الايام علي ابطال قصتنا رتيبه جدا ولم يحدث اي جديد قد يذكر،،فكل شخصا منهم كان مشغولا ،،بما يريد اجتيازه او تحقيقه،،وبعد مرور شهر علي الابطال،،في صباح احد الايام"
"استيقظت حياء فزعه علي صوت المنبه"
حياء وهي تهب واقف من علي سريرها:الامتحان هيفوتني،،ثم قامت علي الفور وفتحت خزانتها،،ولكنها توقفت فجأه قائله:يوه ايه الزهايمر دا ما انا مخلصه الامتحان امبارح،،اظاهر ان الضغط الايام اللي فاتت دي اثر عليا اوي،،ثم عادت الي سريرها مره اخري وغطت في ثبات عميق
**********
"علي الجانب الاخر في محافظه الاسكندريه،،استعد مالك للذهاب الي الشركه وقبل خروجه من المنزل ،،قام بارسال رساله لزوجته،،ثم انطلق بعدها نحو الشركه"
*******
"في تمام الساعه ال3 عصرا ،،داخل بيت تسنيم دلفت والدتها الي الغرفه لايقاظها ثم هتفت قائله:يا تسنيم اصحي بقا يا بنتي،،جوزك قاعد مستنيكي من بدري برا
تسنيم وهي تتململ في فراشها:حرام عليكوا انا ماصدقت اخدت الاجازه
فاطمه:يا بنتي امتي ناسيه انك معزومه علي الغدا عند حماتك،،عيب هتتأخري عليهم
تسنيم :لا سيبيني انام
" وفي تلك اللحظه دلف احمد الي الغرفه ،،ثم نظر لها بحانب عينيه واشار الي والدتها بالصمت وكانت هي في تلك اللحظه مغمضه العينين،،وما هي الا لحظات حتي هتف احمد قائلا:استعنا علي الشقه بالله،،ثم قام بحملها بين ذراعيه
تسنيم وهي تحملق به:يالهوز،،خضيتني،،سيبتي انام بقا!!!
احمد بغيظ:دا انتي هتضربي بالجزم يا هانم
"ثم قام باخدها الي باب التواليت قائلا:يلا في لحظه تكوني غسلتي وشك وواقفه قدامي برا،،ولكن لم يجبه احدا،،فنظر عليها مره اخري،،ليجدها غطت في ثبات عميق علي كتفه
احمد هاتفا:الحقي يا حماتي،،الزفته نامت،،هو انا مرتبه سفنج لمؤاخذه
فاطمه وكادت ان تنفجر من الضحك:هههههههههه،،يخربيت سنينها
احمد بغيظ:طااااايب،،ثم دلف بقا الي داخل التواليت وقام بفتح صنبور الماء ووضع راسها اسفله
تسنيم بفزع:عااااا،،حرام عليك
احمد بضحك:تستاهلي
********
" في شركه عبد العزيز فهمي بفرع اليكس"
"وصل مالك الي مكتبه ثم بدأ في انهاء كافه الاوراق والاعمال داخل الشركه،،وذلك لانه سوف يعود الي القاهره مساء هذا اليوم،،واثناء انتهائه من اعماله الخاصه،،رن هاتفه"
مالك:الوووو يا بنوتي
حياء بغضب:انا مش بنوته حد
مالك بضحك:ليه كدا بس!!!
حياء بغيظ:علشان اديلك اسبوع مخلص امتحانات ومنزلتش لحد دلوقتي،،ولا عاوز ترجع،،ايه عجبك الوضع بعيد عني
مالك وهو يتعمد اغاظتها:حد يسيب بحر اليكس ويرجع القاهره
حياء بغيظ:طيب وانا
مالك متابعا:انتي القلب،،يا بنوتي
حياء :طيب هتيجي امتي بقا
مالك بخبث:مش عارف،،بس قريب اوي
حياء بحزن:براحتك
مالك بحب:تعرفي انك وحشتيني اوي والله غصب عني،،وكل دا علشان ربنا يجمعنا علي خير في اقرب وقت،،لاني بصراحه زهقت من البعد دا
حياء بتفهم :ماشي خلاص،،بس الله يخليك متأخرش عليا كتير
مالك بحب:من عيوني
**********
"في شركه عبد العزيز بفرع القاهره"
كان عبد العزيز يجلس بصحبه احمد،،يتحدثان عن امور الشركه"
احمد متابعا:قصدك يا بابا ان في اوراق ناقصه
عبد العزيز متابعا:بالظبط كدا،،بس مالك قدر يعرف الاوراق دي مع مين
احمد باستفهام:ازاي؟!
عبد العزيز:ذكاء محامي
احمد بضحك:ايه رايك بقا فيه،،انا كنت واثق انك هتحب شغله
عبد العزيز متابعا:منكرش مجهوداته معانا طول الشهر دا ابدا وعلشان كدا،،عندي لمالك مفاجأه كبيره اوي
احمد متابعه:ايه هي يا بابا!!!!
عبد العزيز متابعا:كنت.....
يتبع😃
