الفصل ال49°°ابن قلبي°°😍
"داخل الشركه كان احمد ووالده يتحدثان ،،بشأن المشكله التي يمرون بها بشأن اختفاء اوراق كثير داخل الشركه"
احمد متابعه:مفاجأه ايه يا بابا اللي هتعملهالوا؟!
عبد العزيز بمتابعه:عرفت قبل كدا من تسنيم واحنا بنتكلم ان مالك وحياء،،فرحهم متوقف علي الشغل والشقه
احمد متابعا:اه بس مالك قالي من كام يوم انه لقي شقه في اليكس وقرب يشتريها باقي حاجات بسيطه في الفلوس
عبد العزيز متابعا:طيب وليه!!.. هو ساعدنا كتير اوب في الشركه الفتره اللي فاتت واثبتلي اني مخلفتش واحد بس،،هو بجد كان نعم الصديق والابن،،وانا شايف اني لما اقدمله شقه هنا في القاهره،،دا في حد ذاته حاجه بسيطه اوي علي اللي عمله
احمد بحيره:مش عارف بس معتقدش انه هيوافق علي دا
عبد العزيز متابعا:وليه ميوافقش دا حقه!!!
احمد:بصراحه مش عارف رد فعله بس سيب الموضوع دا عليا
عبد العزيز بتفهم:ماشي،،هو راجع النهاردا بالليل،،ياريت تكلمه في الموضوع دا
احمد مسرعا:حاضر ويلا بقا علشان وصلت تسنيم للفيلا وسايبها قاعده مع ماما،،وقلتلهم اني هروح اجيبك من الشركه لانك مش عاوز تتحرك وناسي ان تسنيم معزومه علي الغدا النهاردا
عبد العزيز بتذكر:تصدق كنت ناسي والله يابني،،يلا بينا بقا
احمد وهو يقف:يلا بينا يا كبير
*********
"في بيت حياء"
"كانت تجلس امام التلفاز في ملل،،وما هي الا لحظات حتي وجدت والدتها تدخل الغرفه،،ثم جلست بجانبها"
هدي:مالك يا مشمشتي!!
حياء بملل:زهقانه يا مامتي
هدي متابعه في خبث:زهقانه ولا زعلانه علشان حبيب القلب منزلش القاهره
حياء بحزن:براحته اصلا،،لو دا اللي هيريحه ،،خليه هناك
هدي بضحك:بكاشه اوي
حياء متابعه:بقولك ايه يا ماما ،،امال فين يوسف!!!
هدي:زهق من المذاكره فقال هيروح الجيم
حياء بمتابعه:فاضل شهر ونص علي
امتحاناته،،جيم ايه بس دلوقتي؟!
"وفي تلك اللحظه دلف يوسف الي المنزل،،ثم القي السلام وجلس علي اقرب اريكه "
يوسف بارهاق:دا الجيم دا عاوز واحد اكل لحوم بشر
هدي بضحك:ههههههههه تستاهل ،،ما قلتلك ذاكر وخلاص
يوسف بملل:زهقان يا دودو والله
حياء مقاطعه:وانا كمان يا جو ،،بقولك ايه ما تيجي نخرج؟!
يوسف بتفكير:مش عارف،، او يمكن مش عاوز
حياء بزعل:بلييييز يا جو والله زهقانه
يوسف بضحك:ماشي يا مشمشتي،،البسي علي ما اخد شاور واجهز
حياء وهي تنهض من مكانه:هييييييه وهخرج لولولوي
هدي بضحك:الله يعينك يا مالك
********
"علي الصعيد الاخر في احد الاماكن المهجوره،،كان سعد يجلس بصحبه ليلي،،ويتحدثون فيما وصلو اليه"
ليلي بمتابعه:ها ايه رايك بقا فيا
سعد بضحكه شريره:تعرفي يا لولا الورق اللي في ايدينا دا معناه ايه؟!
ليلي بدلع:ايه ؟!
سعد متابعا:معناه اننا مش بس عارفين ميعاد تسليم الصفقه،،دا احنا عرفنا الوقت بالتحديد والمكان كمان لا والاهم الماديات اللي هتخرج من الشحنه دي،،برافو عليكي يا لولا
ليلي متابعه:استاهل مكافأه مش كدا
سعد متابعا وهو يغمز لها:طبعا يا لولا
********
"في فيلا عبد العزيز فهمي،،وصل احمد بصحبه والده الي الفيلا،،ليجد تسنيم جالسه بصحبه والدته وانسجما في الحديث"
نيفين متابعه:كل دا تأخير يا عزيز
عبد العزيز متابعا:معلش الشغل النهاردا كان كتير جدا والوقت اخدني
احمد مقاطعا:امال فين الاكل يا موزه
نيفين متابعه:ولد حسن الفاظك
تسنيم بضحك: فعلا يا نوفي ،،الفاظوا سوفاح اوي
احمد وهو ينظر لها بجانب عينيه،،ثم بدأ يقترب منها:الفاظي ايه يا قلبي!!!
تسنيم وهي تحتمي في نيفين:ابعديه عني يا ماما
نيفين موجهها حديثها له:ابعد عنها يا زفت ،،انا بحذرك
احمد :في ايه يا وليه دي مراتي
نيفين وقد جحظت عينيها:وليه!!!!... الحقني يا عزيز شوف ابنك بيقولي ايه!!!
عبد العزيز وهو يجره من ياقه قميصه ويجلسه علي الاريكه:اقعد يا ابن المجانين،،هتبلطج عليهم،،ثم قام بضربه علي كتفه
احمد بضحك:تسلم يا سيد المعلمين
نيفين وتسنيم:ههههههههههههههه
ثم اكمل عبد العزيز قائلا:الاكل مجهزش ولا ايه يا نوفي!!!
نيفين متابعه:لا جهز علي السفره،،يلا بينا
احمد متابعا:اه ياريت علشان هستني مالك في محطه القطار واجيبه علي هنا
تسنبم متابعه:مالك!!!... راجع النهاردا
احمد متابعا:اه
تسنيم:بس دا قال لحياء ان لسه قداموا كام يوم،،وهي قلباهالي مناحه
احمد بخبث:عاوز يعملهالها مفاجأه
نيفين بضحك:والله انت وصاحبك بلوي
احمد وهو يقترب من تسنيم هاتفا:انا بقول كدا بردو،،ثم حملها مره اخري بين ذراعيه
تسنيم في خضه:لا نزلني يا احمد
احمد بضحك وهو ينظر لوالديه:انا بس هوديها لحد السفره،،انا مبحبش مراتي تمشي علي الارض ابدا،،معلش احنا بنتكلم
نيفين بضحك:اقسم بالله انت مجنون
تسنيم متابعه في كسوف وهي تهمس له:احمد نزلني بقا ،،انا مكسوفه
احمد وهو بنزلها:خلاص وصلنا يا اوزعتي ،،اقعدي يلا
"وبالفعل جلس الاربعه يتناولون الطعام وهم يتضاحكون ويتجاذبون اطراف الحديث في مرح،،وعقب انتهاء احمد هتف قائلا:انا بقا هروح اجيب مالك،،يادوب الحق علشان بيرن عليا،،ثم توجه بحديثه الي تسنيم قائلا:مش هتأخر عليكي يا قلبي
تسنيم في خجل:ماشي
*********
" كانت حياء تسير بصحبه اخيها في الشوارع وهما يتضاحكان"
حياء بمرح:تصدق يا جو كان نفسي اخرج اوي،،ربنا ميحرمنيش منك
يوسف متابعا:اي خدعه يا مزتي،،بس ارحمي امي،،انا فلست من وراكي،،هو انا رافض الارتباط من شويه
حياء بزعل مصطنع:كدا يا جو ،،دا انا اختك حبيبتك
يوسف متابعا في هزار:اختي اه وحبيبتي طبعا،،لكن ايشي عزل بنات،،ودولسي،،وبلالين وشيكولاتات،،لحد هنا وابيعك انتي ودودو امك
حياء بضحك:ماشي يا جزمه ،،ثم تنحنحت في متابعه قائله:احم ،،جو انا عاوز اروح الملاهي
يوسف وهو يضع رأسه بين يديه هاتفا:اه يانا يما،،انا ايه اللي عملته في نفسي دا،،انتي جوزك بيستحملك ازاي،،الله يعينه😂
حياء متابعه:اخس عليك يا زفت،،وبعدين مالك مش بيحرمني من حاجه اصلا،،وخد بقا بلالينك
يوسف ضاحكا:بلاليني،،طب وبالنسبه للشيكولاته ام 10 جنيه وغزل البنات اللي اتبلعوا
حياء برخامه:ارجعهملك يعني!!!... عبو شكلك،،سديت نفسي عن حته غزل البنات اللي متبقيه،،وعن الملاهي كمان،،خلينا نتمشي في الهوا بقا وخلاص
يوسف بضحك:الصبر يارب
"ظلا يوسف وحياء يتمشيان في الطريق،،وقد احبت حياء الهواء العليل الذي كان يداعب عينيها،،واثناء سيرهما بلحظات وقفت حياء فحأه ثم هتفت لاخيها قائله:جو بص
" نظر يوسف الي حيث تشير ليجد احد المحلات المخصصه لبيع،،طعام الاطفال(السريلاك)😂
يوسف متابعا:اوعي يكون اللي في بالي
حياء وهي تتصنع الكسوف والبراءه:بليز يا جو علبه واحده
يوسف بضحك:انتي مش لسه كنتي بتكليه الصبح
حياء بمرح:العلبه خلصت،،بليز بقا يا جو
يوسف وهو يضحك:قدامي يا اخر صبري
**********
"قام احمد بانتظار مالك في محطه القطار حتي وصل بالفعل،،فقام احمد باحتضانه في حب قائلا:مالك،،اقسم بالله وحشتني اوي
مالك بضحك :والله وانت يا صاحبي
احمد متابعا:طيب هات الشنطه دي ويلا بينا علي العربيه بقا ،،علشان وحشني الرغي معاك
مالك مكملا:تمام،،يلا بينا
" انطلق احمد بالسياره بصحبه مالك،،وظلا يتحدثان طول الطريق،،ويخبرا بعضهما بما حدث في غيابهما،،وبعد مرور ما يقرب من النصف ساعه،،وصلا الي الفيلا،،ثم ترجلا من السياره ودلفا داخل الفيلا"
عبد العزيز بحب وهو يحتضنه:مالك،،والله ليك وحشه يا غالي
مالك بسعاده:وحضرتك والله يا عمي
عبد العزيز: اخبار اليكس علي حسك ايه
مالك مكملا:زي الفل يابني
"وفي تلك اللحظه دلفت نيفين بصحبه تسنيم بغرفه الصالون،،ورحبوا بوجود مالك"
تسنيم متابعه في لوم:كدا يا مالك،،متقولش لحياء انك جاي النهاردا وتخليها تعيط
مالك بضحك وقد تذكر جنان زوجته:انا والله عاوز افاجأها مش اكتر
تسنيم:ماشي هعديهالك المرادي،،بس بطل تزعل صاحبتي
مالك بضحك:حاضر
هتف عبد العزيز قائلا:طيب ورايا يا شباب علي المكتب بقا وبعد اءنك يا نوفي وصيلنا علي قهوه بقا
نيفين بتفهم:حاضر
"وبالفعل انطلقوا الثلاثه الي غرفه المكتب،،ثم هتف عبد العزيز متابعا:بصوا بقا يا شباب،،بعد الورق اللي اتسرق دا في غفله مننا ،،انا قررت اقدم ميعاد تسليم الصغقه شهر
مالك متابعا في استفهام:ازاي!!!... والشركه المتعاقده معانا هتوافق بدا
عبد العزيز متابعا:وايه يخليهم ميوافقوش،،مفيش اي ضرر من الموضوع خالص وانا هفهمهم كل الموضوع،،يعني سيبوا كل حاجه عليا،،المهم بقا،،ورق الصفقه الجديد اللي بيتضمن ميعاد ومكان التسليم ،،هجهزوا في خلال اسبوع وهيكون مع مالك في البيت
مالك متابعا:معايا انا!!!
عبد العزيز مكملا:ايوه،،انا متأكد ان الورق معاك هيكون محفوظ والصفقه هتتم في امان
احمد متابعا:دماغك دي الماظات يا حج والله
عبد العزيز بضحك:اتعلم ياض من ابوك،،ثم تابع قائلا:ها عرفتوا ايه اللي هيتم في الايام الجايه
احمد ومالك في نفس واحد:تمام
ثم اردف عبد العزيز مكملا:الموضوع التاني بقا،،دا خاص بمالك
مالك باستغراب:انا؟!!!
عبد العزيز مكملا:ايوه يابني،،وبصراحه كدا وبدون مقدمات،،انت تعبت معانا اوي في الفتره اللي فاتت وكان قلبك علي الشركه يمكن اكتر مننا ،،وعلشان كدا انا ليا عندك طلب وعلشان خاطري متعترضش
مالك متابعا:اتفضل يا عمي،،كمل
عبد العزيز متابعا:انا جهزتلك شقه هنا في القاهره،،هديه مني ليك،،بس هي في الحقيقه حقك
مالك معترضا:ايه اللي بتقولوا دا بس يا عمي،،انا قريب جدا هشتري شقه في اليكس
عبد العزيز متابعا:مفيش داعي صدقني يابني،،انا جهزت الشقه ومتكسفنيش بقا
مالك متابعا:صدقني مش هينفع يا عمي
احمد مقاطعا:خلاص بقا يا مالك قالك الشقه جاهزه وعلشان،،تكلم والد حياء وتعملوا الفرح بقا قريب
مالك متابعا:طيب انا هوافق بس بشرط
احمد :قولي يا خويا
مالك متابعا:المبلغ اللي حضرتك اشتريت بيه الشقه هيتخصم من مرتي كل شهر لحد ما المبلغ دا يخلص
عبد العزيز مكملا:يابني مفيش داعي لكل دا
مالك متابعا:معلش علشان اكون مرتاح
عبد العزيز متفهما:خلاص اللي يريحك يبني،،ثم اتجه الي غرفه مكتبه واخرج منها مفتاحا،،ثم هتف قائلا:ودا بقا مفتاح شقتك الجديده مبروك عليك
مالك بسعاده:تسلم يا عمي،،بس انا عندي طلب ،،دا بعد اذنك طبعا
عبد العزيز بحب:انت تطلب علي طول
مالك بضحك:بقولك يا عمي انا عاوزك تيجي معايا لوالد حياء ونقنعه نخلي الفرح الاسبوع الجاي
عبد العزيز بضحك:نفس جنان احمد ،،بس مفيش مشاكل،،نروحلوا بكرا
مالك بسعاده:تمام،،استأذن انا بقا
احمد مكملا:يلا بينا هوصل تسنيم واوصلك
"وبالفعل انطلق احمد الي بيت مالك اولا،،ثم ودعه وانطلق بزوجته الي بيت اهلها"
"مالك وهو يصعد السلام،،ثم اتجه اولا ناحيه بيت حياء وطرق الباب في شوق،،وما هي الا لحظات حتي قامت هدي بفتح الباب"
مالك بسعاده:دودو وحشتيني جدا
هدي بفرح:مالك حبيبي،،جيت امتي!!!
مالك متابعا:حالا اهو،،امال فين بنوتي وحشاني اوي
هدي متابعه:كانت زهقانه فخرجت هي ويوسف وزمانهم علي وصول
وهنا قطع حديثهم صوت حياء هاتفه:مالك
"التفت لها مالك في حب،،ثم هرولت هي ناحيته وارتمت بين احضانه واخذت تبكي"
مالك وهو يحتضنها بقوه:طيب بتعيطي ليه دلوقتي،،افهم بس!!!
حياء ببكاء:علشان وحشتني اوي
مالك بحب :يعني علشان واحشك تعيطي يا عبيطه،،بدل ما تستقبليني بغمازاتك الحلوين دول،،اللي وحشوني
حياء وهي تمسح دموعها ثم هتفت وهي تنظر له:جبتلي تشوكليت معاك
وهنا تدخل يوسف قائلا:لا اله الا الله،،انت مستحملها ازاي دي،،دي طلعت عين اللي جابوني وخليتني فلست بدري،،دي واكله ب10 جنيه شيكولاته،،ولسه عاوزه تانيه
"وهنا ضحك مالك بشده علي طريقته،،ثم تابع قائلا:وانت مالك يا عم يوسف ،،تعيش وتاكل،،ولو علي العشره جنيه خدها
يوسف متابعا:لا ومش بس كدا،،علبه سريلاك ب35 جنيه يسطي
هدي في ضحك:ههههههههه هو انت مش عارف اختك يا يوسف
يوسف بضحك:اتبريت منها خلاص
ثم تابعت حياء قائله:اديله يا مالك فلوسه مش عاوزين منه حاجه،،ثم اخرجت له لسانها
يوسف بضحك:هقصهولك قريب ان شاء الله
مالك متدخلا وهو ينظر له بجانب عينيه:لا يا شيخ طيب تعالي كدا قصهولها ياض
" ضحكوا جميعا سويا ومر اليوم بسلام"
"في صباح اليوم التالي،،استيقظ احمد علي صوت رنين هاتفه"
احمد بضيق:هو الواحد ميعرفش ينام شويه
"ثم التقط هاتفه وقام بالرد"
احمد بنعاس:ايوه يا زفت
مالك بغيظ:تصدق انك بتستهبل
احمد متابعا:ليه بس!!
مالك بضيق:الساعه 3 العصر وباباك بيرن عليك علشان تروح تاخده من الشركه وتيجوا علي بيت حياء علشان نكلم ابوها
احمد وهو ينهض من سريره مسرعا:اسف والله نسيت،،يخربيت الزهايمر،،هلبس اهو وربعايه وهنكون عندك
********
"في بيت مالك كان يجلس مع السيده هاله،،وقرر مالك ان يخبرها بما ينوي فعله"
مالك متابعا:ها ايه رأيك بقا!!!
هاله متابعه:انا فرحانه اوي بتفكيرك دا يا مالك،،بس تفتكر والدها هيوافق
مالك متابعا:ميوافقش ليه!!!.... كل اللي طلبوا جاهز حاليا
هاله متابعه:لا بخصوص دراستها
مالك متابعا:متقلقيش ،،انا هقنعه بالموضوع دا
هاله بسعاده:ربنا يتممها علي خير
مالك وهو يؤمن:اللهم امين
"وبعد مرور ما يقرب من الربع ساعه وصل عبد العزيز بصحبه احمد الي بيت مالك،،ثم اتجهوا سويا لمقابله والد حياء
عبد السلام بعد سماعه لحديث عبد العزيز:بس انت مش شايف انه بيستعجل الامور اوي،،دي لسه بتدرس ،،هتتحمل المسؤليه الكبيره دي ازاي
مالك متابعا:ان شاء الله يا عمي مش هخليها وقصر في مذاكرتها،،وكل طلبتها مجابه،،وكل اللي حضرتك طلبته مني،،انا جهزته،،يبقي نأجل ليه الفرح تاني!!!!
احمد مكملا:أرآف بحاله يا عمي،،مالك غلبان ومسكين
مالك وهو يضحك:انت هتشحت عليا يا جدع
عبد العزيز بضحك:ههههههه،، اتهدوا بقا،،ثم تابع قائلا:ها قولت ايه يا حج عبد السلام
عبد السلام متابعا:هقول ايه بس ،،ما هي مراته وطالما هي عاوزه كدا يبقي علي البركه
" كانت هدي في تلك اللحظه تستمع الي حديثهم،،وعقب اعلان زوجها بالموافقه اطلقت الزغاريد،،ثم انطلقت الي غرفه حياء لتعلمها عن موافقه والدها"
حياء وهي تحتضن والدتها:بجد يا امي انا فرحانه اوووي،،انا ومالك هنكون في بيت واحد💜
هدي بسعاده:علي خير يارب
"وفي تلك اللحظه قامت هدي بتوزيع الشربات عليهم وسط سعادتهم ،،وما هي الا لحظات حتي دلفت تسنيم داخل المنزل
تسنيم وهي تري الشربات:ها وافق صح ،،صح يا دودو؟!
هدي بفرح:ايوه يا سمسمه،، واتفقوا علي ميعاد الفرح بعد اسبوع
" دلفت تسنيم مسرعه الي داخل غرفه حياء،،لتجد هاله تحتصنها بفرحه قائله:مبروك يا قلبي يسعدلي ايامك،،واخيرا بقا هشوف عيال مالك
تسنيم وهي تهتف في سعاده:احضنوني معاكم
"ارتسمت الفرحه علي وجوه كل ابطال روايتي وخاصه بعد اخبار مي وعائلتها بموعد الزفاف،،ولكن هل الفرح ستدوم كثيرا!!!!!
**********
" بعد مرور ما يقرب من اسبوع في احد القاعات المطله علي النيل بمحافظه القاهره"
"كان مالك وحياء يجلسان في سعاده هي بفستانها الابيض وتاجها الالماسي،،كأميره متوجه علي عرش قلبه،،وهو يجلس ببذله السوداء ،،ويهمس في اذنه قائلا:بقولك ايه تيجي نعمل حركه مجنونه
حياء مسرعه:ايه!!!!
مالك بحب:اخدك ونهرب
حياء بضحك:لا مش لاعبه انا عاوزاك تغنيلي زي ما وعدتني
مالك بحب:بس كدا!!!... من عيوني
"قام مالك من مكانه،،ثم اتجه الي كورنر الدي جي واخد المايك وعاد مره اخري اليها،،ثم قام بتقبيل يدها واخذها الي وسط القاعه،،وبدا في الغناء لها كما وعدها
**** اسمــــى يفرق فى اه ويــــاكـى انا حـد عــاشـق ولــقــاكـى♥♥ انـا انـســــان☺ عــمــرى لو الــف عـام فـى عنــيــكـى بلاقــيـنـى طـفـل وبلاقـيـكى☺☺ دفـا وامـان♥♥ انا عــندى ل عنـيكى كـلام محـدش غـيـرى فى الدنـيـا يقـولـو فى يــوم مـن الايـام ليــكـى او لـنـاس تـانـيـة♥♥ ولـو كـل الـكـلام اتـقـال عـنـيـكـى فـى غــربـتـى مـوال هخـلق مـنه مـعـنى جـديـد معـنـى فـيه كـل الخــيـــال♥♥ انا زادى فـى هــواكــى الــشـوق وزوادى وانـا الــمــعـشـوق♥♥ انـــتـى الشـمــس مــهــمــا تــغــيــب تـــانــى تنــــورى دنـــيا♥♥ وهـــمــشـيــلك بــلا دوار☺☺ وهـــحــكى لــكل خــلق الله♥♥ عن ســيـــرة هــواا عاشــق♥♥ عن تايــب الـى مـــولاه♥♥ ...... انتـــــــى ☺☺ انتــــى مــــوجــه عـــالـــية جـــداا وبـرغــم انــى فـى الـــسبـــاحة مش غـــشـــيم بـــس بـأرادتــى غــرقــت فـــيها ☺☺ انتـــى☺☺ انتـــى زى الارض تـــمــام وانا مـــــنك♥♥ شـــيـــلانــــى وانا عـــايـــش♥♥ حضـــنانـــى لمـــا بمـــــوت♥♥ منــك ولــيـكــى بــعـــود....مــــــــــــــنـــــك وليــــكـــى بــــعـــــود*****
"ثم قام برفعها بين ذراعيه واخذ يدور بها في القاعه وسط تصفيقات الناس وانطلاق الصفافير،،لقد حقق اخيرا ما كان يحلم به،،ومن شخصيته اثبت ان الشخص اللي بيتعب علشان يوصل لحاجه،،بيوصلها المهم صدق النيه"
"وعقب انتهائه من القاء الاغنيه قام بانزالها ثم جذبها من ذراعيها وسط ضحكات الناس هاتفا:كفايه كدا عليكوا
" ثم انطلق بها الي بيتهما"
تسنيم وهي تحتضن احمد في فرح:الله شكلهم يجنن💜،،عقبالنا بقا
احمد بضيق:هو ابوكي راضي،،دا هيجنني
تسنيم بضحك:معلش متزعلش يا قلبي
"وبالفعل انتهي اليوم بسلام وعاد الجميع الي بيوتهم في سعاده"
*********
"داخل بيت مالك وحياء"
"مالك وهو يقترب من حياء ويقبل يدها هاتفا:واخييييرا بقيتي معايا ولو حدينا،،بحبك اوووي،،ثم اقترب منها وقبل جبينها"
"وهنا هتفت حياء قائله:مالك انا جعانه
مالك وهو ينظر لها بجانب عينيها:قطعتي اللحظه الرومانسيه،،وقتوا الاكل دلوقتي!!!
حياء بزعل مصطنع:بقولك جعانه ،،،عاااااا
مالك بغيظ:طيب يا اخر صبري
" وبالفعل تناولت حياء الطعام لشعورها بالجوع الشديد،،وما ان انتهت حتي هتفت قائله:ياه كنت جعانه اوي الحمد لله،،عاوز حاجه بقا انا نعسانه اوي تصبح علي خير
مالك وقد جحظت عيناه:نعم ياختي،،تعاليلي هنا يما تنامي ايه ياختي افهم بس!!
حياء بضيق:نعسانه يا مالك خالص يوه
مالك وهو يقترب منها:مفيش نوم
حياء وهي تجري من امامه :والله انت رخم يا مالك،،سيبني بقا
"استطاع مالك امساكها ثم حملها بين ذراعيه قائلا:نامت عليكي حيطه يا شيخه
**مر اليوم بسلام وفي صباح اليوم التالي***
" استيقظت حياء علي صوت مالك قائلا:الحقي يا حياء
حياء بخضه وهي تنهض من سريرها ثم اتجهت خارج الغرفه لتجد مالك يجلس امام التلفاز ويتناول العصير،،حياء وهي تنظر له في غضب:كدا يا مالك خصيتني،،انت بتهزر علي فكره
مالك بحب:اديلي نص ساعه،،بصحيكي ويا قلبي ويا روحي وانت مفيش فايده،،فلازم اعمل كدا اصلك وحشتيني،،ثم اقترب منها وقام بتقبيل وجنتيها قائلا:بحبك بقا يا بنوتي
حياء بزعل:مبكلمكش اسكت بقا
مالك بحب وهو يقف باغماض عينيها بايشارب قائلا:استني هوريكي حاجه
حياء باستفهام:مالك انت بتعمل ايه؟!
مالك وهو يقبل يديها ثم يسير بها عده خطوات،،ثم قام بازاحه الايشارب من علي عينيها قائلا:ها ايه رايك
حياء بفرح:الله دي انا
مالك بمرح:فاكر اول لقاء بينا لما عملتيلي ارتجاج في المخ
حياء بضحك:ههههههه اه
مالك مكملا:بعدها بيوم علي طول ،،رسمت الرسمه دي ولما دققت في ملامحها اتأكدت انها انتي،،بس معرفش ازاي رسمتك بشعرك وبالبيجامه كدا وتخيلتك صح
حياء بضحك وهي تحتضنه:لا انت متخيلتنيش انت شوفتني بشعري فعلا ،،بس ساعتها انت كنت لسه بتفوق وانا لحقت نفسي وجريت بسرعه لبست حجاب
مالك بحب:انا بحبك اوي يا حياء
حياء وهي تطبع قبله علي وجنتيه:وانا بعشقك يا قلبي،،ودلوقتي بس اتأكدت اني"مصريه الجنسيه،،وفلسطينيه القلب" وافتخر بدا💜
مالك وهو يدور بها في سعاده:بحبببببببك
***********
"وبعد مرور 7 اشهر ،،في احد الشقق بمدينه القاهره"
"قامت ليلي مسرعه بالاتصال علي سعد وهي في قمه غضبها وحسرتها،،فاجاب هو عليها"
ليلي مسرعه في غضب:الحقني يا سعد
سعد وهو يعتدل في جلسته:في ايه!!!
ليلي متابعه:الصفقه تمت النهاردا
سعد بذهول:نعم!!!!..... مش المفروض انها بعد شهر
ليلي بغضب:مش عارفه ايه اللي خلاهم يغيروا الخطه
سعد وهو يوبخها:اكيد عرفوا انك انتي اللي سرقتي ورق الصفقه،،انتي غبيه،،دا انتي هتشوفي مني ايام سودا
ليلي بضيق:مش وقته اللي انت بتعمله دا،، احنا لازم نتصرف
سعد بشر:يبقي احنا مش قدامنا غير تنفيذ الخطه الجديده
**********
"في بيت والده حياء"
"كانت تجلس هي بصحبه والدتها وتسنيم"
حياء متابعه:ماما ،،ممكن تجيبيلي اكل تاني
يوسف بضحك:يا ماما دي مخلصه لحد دلوقتي5 اطباق،، هي حامل في دراكولا انا خايف لتاكولنا
حياء بغضب:بس يا زفت مش انا اللي جعانه،،دا البيبي
تسنيم بضحك:بالهنا والشفا ياروحي
يوسف متابعا:اللي يشوفك ميقولش حامل في السابع دا يقول حامل في ال15
حياء وكادت ان تبكي:يا ماما خليه يسكت عني بقا
هدي :بس يا يوسف ما انت عارف لو عيطت مش هنعرف نسكتها
تدخلت تسنيم متابعه:طيب يلا يا مشمشتي،،علشان ميعاد الدكتور فاضل عليه ساعه
حياء وهي تنهض من مكانها:ماشي،،يلا علشان اطمن علي بنوتي
تسنيم بحب:دي هتبقي احلي بنوته بغمازات
"انطلق حياء وتسنيم الي الطبيب،،لكي تطمئن حياء علي جنينها،،وبعد مرور الربع ساعه وصلت حياء بصحبه تسنيم الي باب العياده
" وقبل دلوفهما نظرت تسنيم امامها ثم هتفت في صريخ:حاااااااسبي يا حياااااء
#يتبع
