سيدنا عُمر بن الخطاب لما كان بيحصله مصيبه او مشكله ،، كان بيقول ٤ حاجات .. عايزك تقولهم لما يحصلك شيء صعب فـ حياتك .. مُمكن ؟! وياريت لو ليك حد صديقك مهموم او تعبان نفسيًا من امر صعب حصله ... توريله البوست ... لعله يرتاح بيه .. الله يرضي عليك اٍنت وهو
اولاً سيدنا عُمر حمد ربنا وقال : أنها " مُصيبتي " لم تكن في دين الاسلام .. مبتسمعش دُعاء يقول : اللهم لا تجعل مُصيبتنا في ديننا ؟! بمعني ايه ؟! ممكن يكون حبيب سابك .. اٍبن مات لك .. ماده محلتش فيها ... ودي امور ممكن تتلم جرحها ونتعامل معاها بمرور الوقت .. أما لو صحيت الصُبح قالولك ان الكعبه اتفجرت مثلاً !! او قبر رسول الله حرقوه .. ياتري هتحس بايه ؟! اكيد المُصيبه الشخصيه اهون بكتير جدًا من ان الكعبه او قبر النبي اللي احب عندك من كُل شيئ يحصلهم كدا صح ؟! ودا اول امر عاوزك تفكر فيه أول لما تبقي قُدام أمر صعب ومُصيبه قاسيه ..
طيب وثانيًا ؟! : كان بيقول ان المُصيبه لم تكن اكبر من التي حدثت : يعني ايه ؟! حصلك مصيبه ان محلتش فـ ماده احسن ما كنت متحلش فـ 3 وتعيد السَنه !! حبيبك سابك .. احسن من اٍن ابوك يموت او حد من أُسرتك .. او خطيبك سابك قبل ما يضحك عليكي ويحبك شهوه و يستغلك مثلاً !! اذا قَدر أخف من قَدر ديمًا قول الحمد لله انها جت علي قد كدا . وطبعا دا ميمنعش ان ابوك لو مات او شلت السنه انه ممكن يكون خير ليك ! لان دكتور مصطفي محمود لومكنش عاد السنه ف كلية الطب .. مكناش سمعنا عنه لانها سبب تغيُره تمامًا .. مصطفي حسني لو مكنش عاد السنه في كلية التجاره وفقد حبيبته مكناش سمعنا عنه .. لان ألمه ومجنته كانوا عامل أساسي فـ تغيُره .. النبي بقي عظيم رغم ابوه وامه ماتوا .. فتأكد تمامًا مفيش شيئ هيجعلك عظيم اٍلا ألم عظيم
ثالثًا قال : اني افتكرت مصيبتي في وفاة رسول الله وليس عندي مُصيبه اوجع من فٌراق رسول الله : لما سيدنا عُمر انهار نفسيًا يوم وفاة النبي وطلع السيف وصرخ وقال : من قال ان مُحمدا قد مات ضَربت عُنقه " هقتله " مُحمد لن يموت !! كان وقتها اصعب مُصيبه مرت علي سيدنا عُمر .. انت كمان افتكر اصعب مصيبه مرت عليك وانك تخطيتها وهتتخطي اي مُصيبه ان شاء الله زي اللي قبلها . :))
رابعًا قال : أن الله رزقني الصبر في مُصيبتي وبالصبر ادخل الجنه : عارف لما يموتلك حد وتقول انا لله وانا اليه راجعون .. يحصلك مُشكله ف تقول الحمد لله راضي بكل حال .. اي شيئ مؤلم يحصلك فـ تُصبر علي الوجع وترضي بالمكتوب ؟! اهو انت مذكور فـ القُرآن ,.. ازاي ؟! ربنا قال للنبي ف القُران : وبشر الصابرين .. أبشرهم بايه يارب ؟! بالجنه .. مبروك عليك الجنه باذن الله يا صديقي بكلمة #الحمد_لله لما تقولها وقت الهَم او تقولها دلوقت وانت بتتنهد وتقرأ البوست :)) .. ربنا يرزقك من اليقين والثقه في الله ما يُهون عليك جميع مصائب الدُنيا
#الله_يريح_قلبك.
#لـ.خالد
