لما تبقي عاوزه تتطفشي عريس .. وامك وابوكي مصممين انه كويس ولازم تتجوزيه .. بتعملي ايه ؟ بتكرهيه في عِشته .. والستات بالذات لما يكون ف دماغهم حاجه بيعملوها ;D .. ممكن تقوليله انك ف قلبك حد عشان يبعد عنك .. ولانه لزقه بتعملي البدع .. اهمالك وصمتك وطناشك بيخليه يبعد .. ويقول انا اللي هرفض مش هي وبكدا تكوني نجحتي انك تتطفشيه !
عاوز اقول ان زي مافي عريس لزقه وبنعمل شوية حاجات نطفشه بيها .. في برضه ذنوب وغم وهم ومشاكل وقلق واحباط بيهدوا حيلك .. ( امتحانات .. حُب خايف يضيع .. خوف ملازمك ولازقلك ! ) طب تعمل ايه عشان تتطفش الكلام دا ؟ انا عندي الحل :) سيدنا يونس لما زهق من قومه لانهم كفروا بيه .. قرر يهاجر ويبعد عنهم .. وركب السفينه .. ربنا وقتها غضب منه .. فكان عقابه انه وقعه في البحر وخلي الحوت يبلعه ويفضل في بطن الحوت ٣ ايام .. في غم وضلمه وخوف ورُعب بمعني الكلمه .. طب عمل ايه عشان ربنا ينجيه ويريحه ويغفرله ويطمنه ويسامحه ويهون عليه ؟ معملش حاجه غير انه فضل يقول " لا اله الا انت سُبحانك إني كُنت من الظالمين ! " بس كدا ؟ اه والله بس كدا .. طب وايه حصل لما قال الجُمله دي ؟ ربنا بيقول " فنجيناه من الغَم " نجيته من همه وغمه وضيقته ومشاكله وغفرلته وسامحته ! .. ماتستهونش بالكلامدا ! ربنا صدقني هيريحك بسبب الجُمله دي لو قولتها بكل يقين وصدق .. كل اللي قالقك ايًا كان ايه .. هيطفش ويفارقك مهما كان لازقلك .. وهيبقي ثوابك جبال من الحسنات ولو قالها اي حد بسببك .. ربنا يحبك و يريح قلبك :)
#لا_اله_الا_انت_سُبحانك_إني_كنت_من_الظالمين☝️👐
