في بنت ممكن تكون بتدعي ربنا بشخص مُعين ليل نهار ... وترفض كتير بيتقدمولها وبيعرضوا عليها الارتباط برغم انه ممكن يكون مُستحيل الشخص اللي بتحبه يبقي معاها او نصيبها من وجهة نظر الناس .. بلاش ترغموا بنتكم علي ارتباط بحد .. بلاش تحسسوا صحابكم باليأس من التمني والدُعاء بشخص مُعين .. النبي حس ببنته " زينب " وحُبها لزوجها الكافر " ابو العاص بن الربيع " وبرغم ذلك ما ارغمهاش علي انها تتجوز غيره او تبطل تحبه واستنته سنين طويله يدخل الاسلام ومفيش راجل يلمسها غيره ! وكان راجل عنيد .. طلع مع الكُفار يحارب النبي في غزوة بدر .. وكانت السيده زينب قلبها محروق بتدعي " بان ابوها ينتصر علي الكُفار .. وربنا يجعل زوجها سليم ميحصلوش اذي ! " وفعلاً ربنا استجاب لها .. و انتصر النبي .. والمُسلمين أخدوا زوجها أسير في الغزوه ومماتش .. ولما زينب عرفت ان زوجها اسير .. ارسلت الفِديه " الديه " علشان يسيبوه وكانت الفديه قلاده " غويشه " بتاعت امها " السيده خديجه زوجة رسول الله " فمرضيش النبي ياخدها وطلب من الصحابه يسيبوا زوج بنته .. ورجعلها غويشة امها " وفعلاً سابوه لأجل خاطر رسول الله ! وبرده متعظش ومأسلمش ! .. ولما كانت تشوفه قلبها كانت يتملي لهفه واشتياق وتقول يارب اجعل قلبه يتملي بنور الاسلام .. وبعد مرور سنين ربنا هداه ورجع اتجوزها من جديد ! .. وماتت بعد رجوعها لزوجها بسنه واحده بس !! .. دعت ربنا بصدق رغم ان كان مستحيل دخوله الاسلام من وجهة نظر الناس لكنها لجأت للمُجيب ! كان عندها ثقه ويقين في اله .. والسنه اللي عاشتها في قُربه بالنسبالها .. افضل من مليون سَنه في قُرب غيره .... فمتيأسش ولا تيأسي مهما طال الوقت ! ربنا هيستجيب .. ربنا لا يُمكن يخذلك .. ان الله يا يخذل عبدًا بكي .. عبدًا شكي .. عبدًا حَني رأسه ثم دعي .. أُقسملك ربنا مجعلكش تبكي الا علشان تضحك .. ومحرمكش من شيئ الا عشان يعطيك كُل شيئ .. #ربنا_كريم☝ :)
خالد
