انتقام أعمي
الفصل الثاني عشر
في ڤيلا جاسر
دلف جاسر الي ڤيلته فإستقبلته سوزان قلقة .....
سوزان بقلق : اطمنت علي حماك عامل ايه دلوقتي .
جاسر بتعب : الحمد لله يا ماما خرج من المستشفي.
سوزان بتنهيدة : الحمد لله ويارا عاملة ايه .
جاسر بحزن : كانت منهارة اوي يا ماما خايفة تخسره زي مامتها ،، بس الحمد لله هديت لما باباها فاق وخرج .
سوزان بحزن : يا حبيبتي معاها حق .
جاسر بتنهيدة تعب : احنا لازم نزورهم في البيت .
سوزان بتوتر وتلعثم : اا نزورهم لا لا مش هينفع .
جاسر بإستغراب : مش هينفع ليه .
سوزان بسرعة : لما باباك ييجي نبقي نزوره مش هينفع اروح من غير باباك .
استغرب هو ولكنه اردف بتعب : براحتك انا طالع ارتاح .
سوزان بحنان : مش هتتغدي الاول .
جاسر وهو يقبل راسها : لا مش قادر انا هنام .
........................................................................
في ڤيلا سليم الهواريجلست يارا تسرد لعمر ما حدث هي واخواها ....
عمر بنبرة حزينة : ومحدش قالي ليه .
حسام بحدة : وهو حد كان فاضيلك ،، ما انت بتتسرمح هنا وهنا وما انتش داريان بحاجة .
ادهم بجدية : اهدي يا حسام مش وقتو .
عمر بغضب قليل : علي فكرة انا كنت في الجامعة كان عندي امتحانات انهاردة واول ما خلصت جيت علي البيت يعني مكنتش بتسرمح .
قام حسام غاضبا واردف بعصبية : والله كبرت وبتعلي صوتك عليا ولا عشان دخلت الجامعة فكرت نفسك بقيت راجل .
عمر بغضب وهو يقف هو الاخر : انا راجل غصب عنك بس مش هرد عليك عشان انا راجل .. ثم تركه وصعدالي غرفته وهو يتمتم بإنزعاج .
بينما وقف حسام ينهره فقام ادهم واجلسه واردف : اوووف يا حسام اهدي بقي انت مش هطلع زهقك عليه .
حسام بعصبية : دا لازمو تربية من اول وجديد والله عال بيعلي صوتو عليا .
كانت يارا مستغربة عصبيته المفرطة فاردفت بإستغراب ورهبة : حسام انت مزودها اوي .
نظر لها حسام بضيق فجفلت هي في توتر ثم اشاح بنظره بعيدا ...
عم الصمت قليلا ثم تنفست يارا الصعداء ثم اردفت بنبرة مهتزه : هو ايه اللي حصل يخلي بابا يجيلو ساكته قلبية دي اول مرة تحصل .
نظر كلً من ادهم وحسام لبعضهم بينما انتظرت يارا رداً وهي رافعة لحاجبيها علي نظراتهم ....يارا بنيرة واثقة : اظاهر ان في حاجة معرفهاش .
حسام بنبرة واثقة : هيكون في ايه يعني .
اذهم بجدية : شوية مشاكل في الشغل يا يارا .
يارا بتعجب : ومشاكل ايه دي اللي تعمل تتعب بابا بالشكل ده .
حسام بتأفف : اووف قلنا شوية مشاكل خلصنا .
يارا بضيق : انا مبقتش صغيرة ولازم اعرف كل حاجة .
تأفف حسام وقام غاضبا ودلف للمكتب بينما قام ادهم واردف : يارا هو مش طايق حد دلوقتي انا هروح اشوفو .
اومأت له يارا واخذت طريقها لغرفتها بينما دلف ادهم خلف حسام المكتب .
ادهم بسخرية : من عصبيتك دي اقدر اقول ان انكل فؤاد اتصرف وخفاهم .. ثم ضحك بإستهزاء : فلت منها المرادي .
حسام بعصبية : امسك بس عليه دليل واحد ووحيات اللي حصل لبابا مش هسيبه .
ادهم بضيق : وهنعمل ايه دلوقتي .
حسام بحدة : معرفش بس اهم حاجة متجبش سيرة لبابا علي فؤاد ده عشان صحتو .
ادهم : اكيد انت عملت ايه انهاردة لما رجعت الشركة .
سرد حسام عليه كل ما حدث وامر الظابط ايضا .....
ادهم بتفكير : استغل الوضع وهربهم ،، المهم هنروح للظابط ده بكري ونفتح المحضر ويمكن يساعدنا بحاجة وكمان لازم ...........
حسام بمنطقية : انا هعمل كدي من بكري .
................................................................
في شقة ناريمان
أنت تقرأ
انتقام اعمي
Romanceعندما يكون هناك ماضي مؤلم سببه اقرب الناس اليك ومع ذلك غادرت تركت كل شئ خلفك ونسيت ولكن عندما يعود خيط من هذا الماضي عندها سيتولد الكره من جديد لينشئ انتقام اعمي وحينما يكون هناك حب يواجه هذا الانتقام فماذا سيكون مصيره .. ومن سيكون الضحية ... ...