شــلّة بنــات

تصرفات غريبه !

أتمنى لكم قراءة ممتعه 😉😉

........................................................................
|إيمان |

إيمان : آلو خاله السلام عليكم
آم ريام : وعليكم السلام منو ؟
إيمان : خاله اني إيمان صديقه ريام .. موجوده ؟
آم ريام : حبيبتي ريام بالمستشفى...
إيمان : شنوووو ؟
آم ريام : ويه أبوها
إيمان : خير خاله شصاير ؟ ريام بيها شي ؟
آم ريام : ريام مابيها شي بس أبوها بالمستشفى.. يله عيني اني لازم اسد التلفون
إيمان : يطلع بالسلامه إن شاء الله ...

.
.
إيمان : الو.. هبه ؟
هبه : ها ميمو
إيمان : خابرتي ريام ؟
هبه : لا
إيمان : ؤچ اني خابرتها وطلعتلي امها وگالت ريام بالمستشفى ويه ابوها
هبه : شنوو ؟ ليش
إيمان : ماادري بس ابوها مريض يمكن
هبه : عده العافيه.. همزين خابرتي
إيمان : اگلج شخبار غاده ؟ شصار اليوم ؟
هبه : وچ رزلته رزاله مو طبيعيه.. بالچلاليق
إيمان : لااا فاتتني العركه! لو چنت وياكم چا استخدمت بعض من قدارتي الكونغ فوتيه
هبه : هههههه اي بس شنو من جلاليق.. فدشييي
إيمان : عفيه عليچ

.
.
.

في المدرسه صباح اليوم التالي :

هبه : هاي شنو عيني غاده! هاي شنو الشعر ؟
غاده : هيه شويه اووي
هبه : وج هذا شعري شايفته.. كل خصله من عده ذهب! سمعتي.. ذهب! مااقبل اي واحد يشوفه..
إيمان : خير اللهم اجعله خير .. هاي شنو ست غاده!
غاده : اهووووو دروحو
هبه : هاي شبيج!
إيمان : عيفيها.. مزاجها متعكر
هبه : ياربي شنو هالمصيبه هاي البنيه.. يوميه سالفه.. ذيج المره مكياج.. اليوم شعر.. الله يستر
إيمان : اكلج شلون ويه ريام! يمكن اليوم هم مراح تجي!
هبه : اليوم بابا راح يروح للمستشفى يزور صديقه يمكن أكله يسألي على ابو ريام
إيمان : ها أوكي..

في إحدى الدروس :

المعاونه : ممكن كم دقيقه من وقتچ ست ؟
المدرسه : اي تفضلي عيني
المعاونه : بنات.. احنه حبينه انبلغكم انو السفره الأسبوع الجاي لمدينه الالعاب والآثار ! باجر جيبوا الموافقه و 5 الآف كروة
.
.
إيمان : بنات منو تروح للسفره ؟
غاده : انييي
هبه : ها! شعجب ؟ مو كل مره مترحين من وره اخوانج ؟
غاده : لا أروح وهسه تشوفين
هبه : اي عيني روحي هسه اني شگايلتلچ.. بس يعني ليش واثقه
إيمان : هاي شبيها غاده! .. صدگ هبوش تروحين ؟
هبه : والله اني أهلي ماعدهم مشكله بس اني مالي واهس خخخ
إيمان : لا تعاي حبابه حتى اگله البابا ويه هبه.. لأن هوه يأمن بيج وب ريام
هبه : صدگ ريام مكانها خالي.. چا عرفت تحاچي غاده
إيمان : اي والله مدري شبيها متغيره.. !

.
.
في نهايه الدوام :

هبه : يله غاده لفي الشال ذبحتيني
غاده : منو گلچ تنتظريني!
هبه : ياا! هاي شبيچ! صارلي چم سنه وياچ يوميه تگولين انتظروني! شبيچ اليوم
إيمان : حبيبتي غدو شبيج ؟ !
غاده : مابيه شي.. يله مع السلامه
إيمان : اگلج هبه انتظري خلي اودي الدفتر مال الغياب
هبه : يله عيني ناطره..
* خلي اشوف غاده من الشباك.. طلعت!؟ * ..

إيمان : هاي شبيج هبه.. هبه 😮
هبه : ها 😨
إيمان : وچ شبيج وچهج أصفر
هبه : لا ماكو شي... يله امشي يمكن شوبه دخت من الرجيم
إيمان : يله امشي..

|هبه |

: يمه!
الأم : ها عيني
: يمه غاده مدري شبيها اليوم
الأم : يعني شون ؟
: يمه اول مااجتي چانت ما لافه الشال عدل انوب كل مااحاچيها تجاوبني ب نتر وبعدين ماقبلت تتطلع ويانه انوب....
الأم : اي شنو ؟
: ماادري ما متأكده بس اول مره اشوفها تركب هچي سياره
الأم : يعني قصدج انخطفت مثلا لو هيه بكيفها
: لا هيه براحتها طبت.. بس ماادري يجوز أجرت خط وماگالت !
الأم : ليش هيه تروح مشي للبيت!
: اي! اني اگلج.. يجوز أجرت خط من وره هذا الي لحگنه ذيج المره
الأم : اي يجوز
: بس هيه گالت انو اهلها ما مهتميلها.. يعني شعجب اجرولها سياره
الأم : هسه عيفينه منها وروحي بدلي دنتغده
.
.
: والله حيرة هاي غاده افففف!

على مائدة الطعام :
هبه : بابا عدنه سفره مدرسيه سبوع الجاي.. أروح ؟
الأب : ليوين؟
هبه : لمدينه الالعاب وللآثار والكروة 5 آلاف
الأب : اي روحي بويه
.
.
هبه : زين بابا انته اليوم مو تگول صديقك مريض ورايح تزوره ؟
الأب : اي شتردين!
هبه : أريدك تسأليّ على ابو صديقتي شبي ؟ اسمه علي موسى
الأب : وشمدريچ بيا مستشفى هوه ؟
هبه : هسه دجرب بلكي يطلع بهاي المستشفى.. ريام صارلها يومين ما مداومه وخابرناها گالت الامايه انو هيه بالمستشفى ويه أبوها!
الأب : ميخالف .. شسمه!
هبه : علي موسى!

.
.
هبه : الو ميمو شلونج
إيمان : هلو حبيبتي.. ها بشري
هبه : هسه بابا راح ووصيته على عمو ابو ريام
إيمان : اي خوش
هبه : وانتي شخبار السفره ؟
إيمان : انتي تروحين ؟ حته اگله ال بابا
هبه : اي أروح إن شاء الله
إيمان : اوكي صبري خلي احاچي
.
.
إيمان : هاچ بابا يريد يحچي وياج
هبه : السلام عليكم شلونك عمو
الأب : وعليكم السلام هله بنتي..
هبه : عمو خلي إيمان تجي ويانه الله يخليك اني وياها والله متضيع خخ
الأب : ههه لا بس يعني اگدر أأمن عليج ؟
هبه : طبعا.. إن شاء الله الله المسهل
الأب : يله ميخالف.. روحي
إيمان : يسسس .. شكرا حبيبتي هباوي
هبه : يمعوده شسويت
إيمان : راح اروح اشتري هدوم 😉
هبه : اويلي شنو عيد خوما عيد!
إيمان : لا ولچ ماعدي هدوم مال بنات كله مال ولد
هبه : ههههع اي طبعآ ميمو هذا مو بنيه
إيمان : وافتخر والحمد لله
هبه : مخبله
إيمان : أحسن منج 😜
هبه : انچبي
إيمان : انچبيت
هبه : عفيه.. يله مع السلامه
إيمان : چاااو 😉

........................................................................

شنو رأيكم بالأحداث ؟ شبيها غاده ؟ وابو ريام!