شــلّة بنــات

يوم لك و يوم عليك !

بدايه النهايه لهذه الروايه..
أتمنى لكم قراءة ممتعه ✌
........................................................................

بعد مرور 4 سنوات! :

| إيمان |

كابوس وصارلي أربع سنوات عايشه بي! ياربي دخيلك اهديني عالحل الصحيح!
بعد ما عاندت أهلي علموده! واتزوجته وعفت كلشي.. انخدعت بكلام معسول! لكن الواقع غير . . .

" الندم.. أصعب إحساس! وخصوصاً إن كنت انت من أردت شيئا وغيرك منعك! هنا سوف تندم لعدم سماعك آراء الآخرين! "

مروه : ماما شبي وجهج ؟؟
إيمان : اتعورت حبيبتي..
مروه : لا انتي مااتعورتي! بابا هچي سوه بيج! اني شفته
إيمان : لا حبيبتي.. شلون بابا يضربني!
مروه : لا هو بابا دائما يصيح عليچ ويضربج! عبالج اني صغيره ومااعرف! اني ما احب بابا
إيمان : لا حبيبتي ميصير تگولين اني مااحب بابا! هو يحبج انتي بنته لعد شلون !
مروه : لا هو ميحبني لأن اني بنيه!
.
.
" عليمن اجذب! على بنيه عمرها 3 سنين تعرف كلشي! اووف ياربي! لوما هيه چان عفته من زمان.. بس! "

إيمان : خلي اروح اليوم اشوف امي ؟ مريضه وتعبانه!
طلال : لا ماكو طلعه من البيت! كم مره احچي!
إيمان : الله يخليك طلال امي راح تموت! ماطالبه منك بس اشوفها وارجع
طلال : كتلج ماكو طلعه ليش تجاوبين 😬👊
مروه : مامااا 😭😭
ايمان : روحي للغرفه بسرعه.. مااريدج تتاذين
مروه : ما.. اني اظل وياج
طلال : 😡 مروه طلعيييي بره!!!
مروه : لاا انته مو حباب اني مااسمع كلامك!!
ايمان : ماما روحي...
طلال : 👊👊
إيمان : هاي شسوييييت!! .. مروه ؟ مروه حبيبتي! يمه بنييتييييييي 😵😭😭
طلال : 😑😑 هسه تصير زينه!
إيمان : لك انته شنو ؟ ماعدك ذره رحمه! شنو گلبك! حجججر!!
.
.

| غاده |

مرت سنتين على زواجي منه.. وكأنها البارحه ! عندما أتى وفاجأني! نعم إنه هو.. هو نفسه .. الذي أحببته سابقا! كان قد تركني لأنه علم أنني أميره.. واستحق أن اتزوج بأمير.. وهو الآن أميري.. هو الان الملك لابنتي رهف! ما أجمل نظراته نحوها.. فهي نسخه مني.. نعم لقد احبني ولازال..

عوده إلى الوراء :

قبل سنتين :

غاده : يمه الحمد لله اليوم الامتحان سهل.. مابقه شي وأخلص مرحله ثانيه طبيه!!
الأم : يا الله على هالاخبار الحلوه..
غاده : اخبار ؟ هو خبر واحد!
الأم : مو اليوم اجو عليچ خطابه! عريس ماكو منه
غاده : يا يمه! اني بعدلي 4 سنوات ياله اخلص طب انتي شدتحچين..
الأم : والله إذآ الولد يحبج شكو بيها قابل راح تبطلين ؟ همه اليوم حچوا ويه ابوچ وباجر يجون النسوان ..
غاده : زين منو وشيشتغل ؟ نعرفه منعرفه ؟ شلون عرفني واجه عليه!
الأم : أخو وياچ بالكليه وهو من هذا الباب اجه.. همه ما شاء الله كلهم دكاتره العائله
غاده : يعني هوه هم دكتور ؟
الأم : لا هو مدرس
غاده : واني بختي اجه ويه المدرس! شلون تقبلون ؟
الأم : والله اذا خوش ناس.. شكو بيها
.
.
هند : بس بسس غاده.. تعاي
غاده : ها
هند : تردين تشوفي ؟
غاده : من هوه ؟
هند : العريس الصاگ
غاده : انتي شلون شفتي ؟
هند : أخذت اسمه من عمو وبحثت بالفيس وطلعلي
غاده : وانتي عرفتي اسمه ؟ هو اني ماادري
هند : اسمه امير حسين
غاده : " بس لا! " .. زين راويني صورته ؟
هند : هذا شوفي شلون . . .

"اول ماشفته فقدت إحساسي! معقوله ؟ معقوله مانساني.. ياربي "

هند : غاده دتسمعيني ؟
غاده : شكراً بس أريد أروح أنام..
رحت للغرفه على أساس أنام وأني ماادري شأسوي ؟ شلون راح اقبل بي ؟ وشلون اگدر ارفضه! گلبي گام يوجعني .. لازم اخابر هبه
غاده : الو هباوي.. خوما مشغوله ؟
هبه : هلو حبيبتي.. اي أخبار عن إيمان ؟؟
غاده : لا والله بعدها مختفيه ومحد يدري بيها!!! بس اني جايتج بموضوع ثاني
هبه : ها شنو ؟
غاده : اليوم اجه واحد يريد يخطبني لأبويه.. ويمكن أبويه موافق!
هبه : اي حبيبتي وين المشكله ؟ اذا أبوج موافق يعني أكيد خوش إنسان.. بعد ابوچ ادره بمصلحتج!
غاده : مو هنا المشكله.. المشكله انو هوه..
هبه : شبيچ غاده!
غاده : هو نفسه الي قبل 5 سنين...
هبه : لتكملين! عرفته! بس هذا معناه انو مانساج طول هاي المده!
غاده : اي شلون!!
هبه : لازم تشوفي وتسأليه شنو چان غرضه لمن شرد ذيج المره واختفى!!!
غاده : اني خايفه تطلع نيته مو خير!
هبه : شلون مو خير وهوه اجه خطبج! هذا أكبر دليل انو هوه ناوي خير إن شاء الله !
غاده : زين واني هسه عدي امتحانات!! شلون يعني يردوني اسقط!
هبه : ههه لا حبيبتي لتشغلين بالج! أتوكلي على رب العالمين وهو يحلها!

اجو واجه وياهم واني مو بس مرتبكه! مرعوبه! المشكله نظراته إليه چانت اعتياديه! يعني شلون اعتياديه! شلووون ماارتبك او حتى راد يعرف اني شنو داافكر!
بعدها بيومين كان عدي أمتحان ثاني.. رحت للكليه! وتخيلو اجه ويه اخوه!

أمير : .. غاده! تتذكريني!
غاده : رجاء عدي امتحان..
أمير : غاده لتشردين.. اني اجيت ووفيت بوعدي لأن احبج
غاده : والله ماادري شأكول امير! اني بالموت گدرت اتناساك علمود مستقبلي وو وعلمود السادس وهسه رجعت! انته شنو المغزى من رجعتك ؟

أمير : غاده اني من رحت وماسويتلج مشاكل.. لأن ادري بيج انتي حبابه! واني صدگ چنت احبچ ومو ذنبج انو صارت هالمشكله.. اني چنت طايش! بس من كبرت عرفت انو حبي الج چان حقيقي! لأن ماگدرت انساج لحظه وحده
وطلبت من رب العالمين انو يسوي الي بي الخير.. وراها عرفت انتي ويه أخويه! گلت هاي خوش أشاره انو رب العالمين قاسملنه نكمل سويه!
غاده : احچي وياك بعدين.. عدي أمتحان
أمير : بالتوفيق!

~~~~~~~~~~~~
غاده : يمممه حبيبتي انطينياه..
أمير : شلونج بالكليه ؟
غاده : زيينه الحمد لله.. خوما تعبتك رهف ؟ شوكت رجعت
أمير : قبل ساعتين.. جبتها من امي واجيت..
غاده : الله يخليها خاله ماادري شسوي من دونها
أمير : يله خالتج طابختلنه أكل يخبللل واني جوعان
غاده : يمه حبيبي تخسه الجوع هسه ناكل .. بس أبدل ملابسي وأجي
أمير : ورهوفه يا رفرف والحلوه بالمصرف تسحب مصاري تأكل محاشي..
غاده : هههههه هاي شنو ؟ ولاكلمه تشبه الثانيه.! ؟ 😅
أمير : هيه جمالها يخربطني 😉
غاده : الله يديمك تاج فوك روسنه حبيبي 😘

........................................................................

السلام عليكم
رأيكم بالأحداث ؟ توقعاتكم! أي رأي استفسار انتقاد كتبولي..
احبكم 💜