شــلّة بنــات

حفله و وداع !

جزء جديد مليئ بالأحداث.. 
أتمنى لكم قراءة ممتعه ✌
........................................................................

| غاده |

فرحتي بمعدلي لا توصف! الحمد لله الي وفقني أرفع رأس أهلي فوگ!
والحلو انو وره فرحه معدلي عدي هوااااي فرحات! وكانو الله فتح باب السعاده الطريقي!.. 
هبه قررت تسوي حفله بالقاعه وتعزم بنات المرحله كلهن..  ومرت أخويه مصطفى راح تجيب ولد! يعني راح أصير عمه! وأختي حبيبتي راح تتزوج! يعني الحفلات هالايام رگع.. 
وطبعاً لاحقاً فرحه القبول.. 

.
.
في حفله هبه :

هبه : يله الكل ينزع الأحذية لأن اليوم راح ندبچ 😉 .. اليوم نذب لحم!  بگد التعب الي تعبناه طول ال 12 سنه الي درسنه بيها !
.
.
طبعآ چانت حفله تخبللل بس كلنه بچينه لأن راح تسافر وتعيفنه!..
بس الي فاجأتنه بي هبه انو هيه حاچيه ويه أهلي وأهل ريام وإيمان..  حتى نبات يمها ونروح وياها للمطار نودعها! 
.
.
ف بما انو طيارتها الظهر يعني لازم تگعد من الصبح حتى تلحگ تكون بالمطار الصبح!  .. قررنه اني والبنات نسويلها مفاجأه!..  طبعا اول شي خليناها تنام واخذنه موافقه خاله انو نطب للمطبخ!.. 
وقررنه نسويلها كيكه وشغلات وريوگ وأجواء حفله سريعه..  حتى تظل ذكرى من عدنه إلها! 
اشتغلنه عالكيكه وزيناها بالكريمه و سوينه بيتزا بس ماشويناها علمود الصبح نشويها وبقيه الحبشكلات وأهم شي الميز زينا ورتبنا ونفاخات وشغلات..  يعني من صدگ راح تصير مفاجأه حلوه !

في الصباح :

غاده : هبه...  هبه گومي تأخرتي!
هبه : ها ؟ ! اتأخرت
ريام : لا حبيبتي چذب..  هاي مخبله! گومي غسلي وچهج يله

إيمان : يله بنات گعدتوها ؟
غاده : اي خرعتها 😈
ريام : يله تحظرن!..  كلچن تگولن" راح نشتاقلج "مثل ما اتفقنه!

إيمان ، غاده ، ريام : حبيييبتي راح نشتاااااقلج 💔💔
هبه : وااااو..  😢😢 حبيبااتي شكراً يحلوات والله ماانساكم انتو خواتي! 
غاده : يله صوره سويه.. 
.
ريام : يله عيني گصي الكيكه خلي نلحگ المطار
إيمان : صدگ ماگلتيلي..  منو راح يستلمج هناك ؟
هبه : خالي..  خالي الأعزب فديته
غاده : اي الله ربهم..  الي عدهم خال صغيرون 😉
.
.
في المطار :

هبه : بنات اني مااحب الرسميات! يله كل وحده تنطيني بوسه وبدون بچي!  ..
حبيباتي بس اريد اگللكم انو أريد اسمع عنكم أخبار حلوه ! ويوميه نتخابر زيين!  وطلعوا سوه وتونسوا حتى لو كل وحده كليه..  مو وحده تنسه اللخ! 
غاده : لا أكيد نظل نطلع سوه..  ونطلعچ ويانه عالنت 😜

" لا شيء اجمل من صديق تحبه كأنه اخ وتراه في عينك أغلى منه حتى.. ولديه في قلبك مكانة الأمير! "
.
.
الأم : ها حبيبتي..  جاهزه ؟
هبه : يمممه گلبي شلون راح اگدر أعيش بعيده عنج!  😭
الأم : حبيبتي لتبچين .. هسه تعيشين وتكبرين..  أهم شي تتفوقين بدراستج وتنجحين وترفعين راسنه 😘😘😘

بعد ما سافرت هبه..  اجه اتصال ال ريام!
ريام : الو ها ماما
الأم : ريام اتي وين ؟ تعاي ابوچ اتخربط من جديد!
ريام : شنو ؟ وهسه انتو وين ؟ اني بالمطار! 
الأم : هسه احنه بالمستشفى **

إيمان : ها ولچ شكو ؟
ريام : ابويه اتخربط وهسه هوه بالمستشفى
غاده : واني هم مصطفى خابرني وكال سمر بالمستشفى دتجيب!..  راح يجي عليه واخلي يوصلج
ريام : اي والله إذآ متصير زحمه
الأم : لعد إيمان انتي تعاي ويانه نوصلج
إيمان : اي هوه هيج مبين.. 

ريام في المستشفى :

: ها يمه شكو ؟
الأم : والله ماادري وگع وبعد ماادري شصار بي!
: وين سلام ؟
الأم : هذاك ناطر الطبيب!
ريام : ياربي تعدي على خير!!! 

غاده في المستشفى :

: ها يمه بشري ؟
الأم : بعدها ما جابت
: مصطفى دروح يم مرتك خطيه
.
.
مصطفى : الله أكبر .. يمه اجه غيث
الأم : اللهم صلّ على محمد وآل محمد..  كبر بإذنه يمه كبر
غاده : يا هلا بغيوثي..  يمه باركيلي صرت عمه
الأم : لعد اني صرت بيبي..  كبرتوا وكبرتوني! الله يجعله ولد صالح ويحفظه .. شلونها سمر ؟
مصطفى : زينه الحمد لله  ..

                     ................................. 

|هبه|

ركبت الطياره واني وحدي! يمممه خاايفه كلش بس متحمسه اشوف خالو علي من أوصل! 
خالو علي عمره بال30 درس بلندن وكمل ماجستير ودكتوراه وحصل اقامه بلندن والحلو انو هوه بعده عزابي ! يعني راح اتونس ونسسه! 
.
.
علي : يا هلا بالغاليه..  حمد الله عله السلامه
هبه : حبيبي خالو الله يسلمك..  شلونك شخبارك ؟
علي : هسه صرت زين..  والله أسبوع ناطرج ومتحمس للنشاطات الي راح نسويها!
هبه : الله اني هم متحمسه كووولش بس هسه من التعب بعد مااگدر افتح عيوني
علي : اي يله تعاي بس نطلع من المطار واوديج للشقه مالتي تخبلل جهزتها علمودج .. !
.
.
رحنه للشقه وشمرت  نفسي عله الفراش وماادري بيش الساعه چانت بس إلي اتذكره چان ليل وچنت جوعانه بس النوم سلطان..! 
گعدت الصبح على صوت خالي وهوه يغني 😂 وديحضر الريوگ..
طبعا چنت جوعانه بشكل مو طبيعي رأسا بديت آكل.. 
علي : الف عافيه بس ديري بالج هسه معدتج تكوم تضرب بوكسات
هبه : هههه والله خالو جوووعاانه! 
علي : يله أكلي واليوم نطلع ويه أصدقائي نفتر بالمدينه علمودج 😉
هبه : يله أوكي.. 

.
.
هبه : اصدقائك هواي خالو 😁
علي : كلهم أجانب  بس فراس الي بگدي واخو وليد يمكن بعمرج او أكبر شويه..  هذوله اجو ..
مايكل : أهلا علي كيف حالك ؟
علي : أهلا بك مايك..  هبه هذا مايك..  مايك هذه هبه
هبه : تشرفت بمعرفتك.. 
علي : اهلا جاستن ، ادوارد ، كيفن ، آدم..  هذه هبه
هبه : سررت بلقائكم
.
.
علي : يا أهلا وسهلا بالعرب الحلوين..  فرااس ووليد
فراس : يا هله بالضلع
وليد : يا هلا وغلا
علي : هذي هباوي بت اختي.. الأولى عالمدارس
فراس : يعني طبيبه إن شاء الله ؟ عدنه وليد طبيب بمعدل 99.2
هبه : لا صيدله..  الطب مو من اهتماماتي حتى وإن كان معدلي أعلى من معدل اخوك ب 3 أعشار
وليد : واااو ، موفقه إن شاء الله..  أهم شي الإنسان يسعى وراء أحلامه..  وميهتم لضغوطات المجتمع
هبه : شي أكيد
علي : يله تعالو الشله هناك ..
 
" نظرات اسرت قلبي!  إعجاب ، أهتمام مفاجئ!  يالحظي! "

..............................................................

السلام عليكم
شنو رأيكم بالأحداث ؟ ومنو متحمس للباقي ؟
أي تعليق اكتبولي.. 
احبكم 💜