التملك بل حبيب

صدفه

حسام:من حسيت انو انطخيت كلت عمه متشوفين رفعت رأسي وجان أشوف ساره 😰كتله انتي شعندج هنا .
ساره :جنت جاي امشي ومن دون مانتبه طخيت بولد من شفت استغربت حسام ابن عمي كتله لا ما شوف طالعه عليك .
حسام:هههههههه هاي وين لكيتيه.
ساره:طبعا عيني اني كمر وانته صخل😂😂.
حسام:كافي ولج صدك انتي شعندج هنا .
ساره:اني بل كليه الي طلعتلي وهاذه قسمي وانته شعندك هنا.
حسام:واني هم مثلج يله امشي نكعد صدك معرفتج صديقي أحمد
أحمد هاي ساره بت عمي .
ساره :أهلا وسهلا.☺
أحمد:هله بيج😊.
نرجع لنور
نور:واكفه باب القاعه وتستحي تدخل وتحجي بكلبه ياربي شلون اوووف يله نور خليج سبعه دخلت جانت القاعه كلش جبيره باوعت لكيت بنيه كاعده مشيت ورحت وكفت يمه كتله تسمحيلي اكعد كلتلي تفضلي عرفته بنفسي اني نور .
ساره:جنت كاعده وجان تجي بنيه تستأذن مني حته تكعد كتله تفضلي عرفتني بنفسه اسمه نور كتله أهلا وسهلا واني ساره تشرفت بمعرفتك.
نور:الشرف إليه.
وبدت المحاضره وجان الدكتور كلش لطيف ويانه لحد مخلصت المحاضره طلعت اني وساره ورحنه للحديقه وضلينه نسولف ونتعرف على بعض الحد مخلص الدوام رجعت للبيت .دكيت الباب جان تفتح أختي منى باوعت عليه عيونه حمر وجه أصفر كتله شبيج صاير شي .كلتلي اي اهى اهى 😭😭وحضنتني ضليت أهدي بيه لحد مجتي ماما كلتله لتكبرين الموضوع منى كتله ماما شكو كلتلي جايين خطابه ال منى وهمه خوش ناس وكرايبنه .كلتله زين منى ليش تبجين كلتلي اريد أكمل دراستي ماريد أتزوج بعدني زغيره 😢.انداريت على ماما كتله حقه لبنيه .كلتلي مو بكيفجن رح تزوجه وهاذه آخر كلام .كتله قابل غصب كلتلي هاهيه .سحبت منى ودخلته للغرف وحجيت وياه كتله اني وياج واني اساندج وانتي مدام متريدي اني حوكف وياج ولتخافين يجي بابا من الشغل ونكله على الموضوع والله كريم 😐.