التملك بل حبيب

زُوَاجْ اجْبّارَيَ

بعدد مرور شهرين على زواج منى
نور:كعدت الصبح من وكت اليوم تجينه منى وزوجه علي بدلت ونزلت اساعدِ ماما.وره متريكت صوت وحده تصيح.
منى:ماما ماما وينج
ام نور:هلو حبيبيتي شلونج اشتاقيتلج.
نور:هاي شنو واني متحبوني زعلت ☹.
منى:يمه فديته للزعلانه تعاي احضنج مشتاقتلج.
نور:واني هم حبي ولج صدوك وين علي
منى:كاعد بل استقبال ويه رامي
نور:يله خلي اروح اسلم عليه رحت سلمت على علي وراه ضلت يمنه منى يومين واني رحت للكليه حته استلم شهادتي بدلت واخذني رامي بل سياره نزلني كدام الكليه وراح.

ــــــًـــــــــــــــــٍــــــــــــــــــــ
حسام:اليوم هو يوم النتائج خلي ابدل وهم اشوف نور بدلت ورحت للكليه بسيارتي وصلت لكيت احمد واكف ويه الشباب رحت سلمت عليهم وراه رحنه استلمنه النتائج طلعنه اني واحمد ناجحين رحت اشوف ساره ونور.

ساره:شفت نور واكفه ومستلمه النتيجه هلو نور هاي شطلعتي
نور:هلو حبي ناجحه وانتي
ساره :اني هم الف مبروك
نور:الله يبارك بيج ومبروك الج هم ضلينه نسوالف جان يجي علينه حسام سلم علينه وباركلنه على النجاح. يله من رخصتكم اني لازم اروح
حسام:خلي اوصلج البيتكم
نور:تسلم اخويه وصل هو يوصلني
حسام:اها اوكي.نور:ودعتهم ورجعت للبيت ....
ـــــــــــــــــــــــــــــــ
       العطله الصيفيه
ام نور:نور كعدي عمتج اليوم تجي علينه كومي تريكي نوووووووووررررر
نور:اوف ماما يعني اكوم اخذله تحيه من تجي كعديني. 😪
ام نور:لا يمه عيب تشوف كفشتج .
نور:هہِهَہهَہهَہِہِهَہهَہهَہهَہهَہِ وشبيه كفشتي عيني.
ام نور:الي يشوفه يخترع
نور:😡😡😡😡 روحي زعلت
ام نور:الله يهديج وطلعت من الغرفه
نور:بدلت ونزلت جوه تريكت وجتي عمتي وياه بناته ضليت اسولف وياهن وكللي انو ابن عمي خالد يريد يزوج وهنه يتمنن ياخذ وحده منهن ضحكت عليهن لان اني كلش اضوج منه مزعج.وره فتره رحنه لبيت جدي والكل جان مجتمع عمامي فتحو موضوع انو يخطبوني الخالد اني ضليت مصدومه والي صار انو والدي وافق بدون مياخذ رائيي. رجعنه للبيت.
نور:بابا شلون تكول اني موافقه اني ماريده 😭😭
ابو نور:ليش متريدي ابن عمج احسن من الغريب واني انطيت كلمه العمج والخميس الحفله وهاهيه ماكو اعتراض بعد.
نور:حرام عليكم هاذه زواج مو لعبه وخالد ماتزوجه يو مدري شيصير 😭😭
ابو نور:انتي تعانديني ضرب نور راشدي
نور:😯😰😭😭😭😭😭 صعدت لغرفته وتبجي ضلت يومين متاكل وحابسه نفسه بل غرفه.
ام نور:صعدت احجي ويه نور ماما نور افتحي تحجي وياج.
نور:كمت فتحت الباب ورجعت كعدت على الجربايه.
ام نور:ماما ليش هيج تسوين بنفسج انتي تحبين واحد ومتريدين خالد
نور:لا ماما ماحب احد بس خالد ماحبه وميعجبني 😟.
ام نور:تره خالد خوش ولد. وحلووَ شتريدين بعد.
نور:اني ماريده انتحر وما ازوجه. 😭😭😭
ام نور:هو قسمتج وهاهيه بعد حضري نفسج نروح للسوك العصر حته تشترين هدوم للخطوبه.
نور:كلشي ماشتري وماكو خطوبه مازوجه يو مدري شيصير
ام نور:هاذه حجي يفيدج عافت نور ونزلت.
نور:اوف ياربي شلون هسه شسوي خلي اخبار ساره.
ساره:هلو نور حبي شلونج
نور:هلو ساره موزينه. 😢
ساره :خير نور شصاير وياج
نور :سولفت الساره على كلشي صار وياه متدري ساره رح تفرح لان رح تخلص من نور ويبقه حسام اله.
ساره:يا خطيه يله شسوين هاي قسمتج بعد الف مبروك.
نور:هاي شبيج ساره اني ماريده وانتي تباركيلي.
ساره:شسوين قابل خاف انتي تحبين واحد كوليلي منو خما حسام.
نور:انتي بيج شي شجاب حسام للموضوع يله باي 😭
ساره :باي
نور:ضليت ابجي عبالي اشكيله همومي بس هيه متغيره عليه ليش جابت سيرت حسام ياربي ساعدني. وره يومين صارت الحفله ونور كلش مقهوره وبس تبجي امه عزمت ساره للخطوبه بدون مدكول لنور.

حسام:بدت العطله واني بعد مشفت نور قررت انو اروح اخطبه من اهله واعترفله بحبي اله نزلت لامي وحجيت وياه على نور بس الي صدمني انو امي تكول نور اليوم خطوبته مصدكت بيه وخابرت ساره
حسام:الو ساره صدك اليوم خطوبت نور.
ساره:اي واني هسه رايحه للحفله
حسام:سديت التليفون واني مصدوم ضليت. الوم بنفسي لان مخطبته اني اوف شلون هيجي راحت من ايدي 😭😭.

نور:اليوم يوم الخطوبه واني بس ابجي امي جبرتني انو البس فستان وحطولي مكياج واني ماحجي كلشي وياهم نزلت كل عمامي موجودين والبنات وخالد مبتسم من شافني كامو يباركولي كعدت يمه لبسونه الحلقات كامت تنزل دموعي كلهم عبالهم من الفرحه خلصت الحفله .وره يومين اجاني خالد بدلت ونزلت كعدت يمه قررت احجي وياه بلكت يعوفني
نور:هلو خالد شلونك
خالد:هلو نور بخير وانتي
نور:موزينه واريد احجي وياك وحدنه جان رامي كاعد.
خالد :اوكي رامي عوفنه وحدنه طلع رامي وهو يباوع عليه ويريدني ماحجي.
نور:خالد اني ماريدك وهمه غاصبيني عليك اترجاك عوفني.
خالد:شنو انتي شجاي تحجين شنو غاصبيج وليش متريديني. 😠😠
نور:اني وياك منتوالم انته كلش تختلف عني.كام يعيط ويحجي عليه جتي امي ورامي كام يحجي كدامهم وهمه يعتذرون منه.
خالد:تحلمين اعوفج سواء رضيتي او مرضيتي انتي اليه فهمتي .
عافني وراح كامو يحجون امي ورامي عليه عفتهم وصعدت فوك حبست نفسي بل غرفه وبس ابجي 😭😭😭.وره فتره اجاني اتصال من رقم غريب ضل يدك واني مارد عليه وراه ضجت كلت خلي افتح واشوف منو.
نور:الووووو
..:انتي ليش هيجي تعذبيني
.............

هلاووووو شلونكم اسفه على التاخير بس والله ماكو واهس شنو رائيكم بل احداث مال اليوم
#تْبّارَكِ الُْعبّيَدِيَ 😙😍