التملك بل حبيب

انته اليه وبس

بعد مرور 4سنوات على طلاك نور من خالد كملت نور دراسته وتوضفت بمدرسه كونه مدرسه للغه العربيه ..
حسام :الو هلو ماما شلونج.
ام حسام:هلو وليدي كلبي يمك حموت وماشوفك ..
حسام:اسم الله عليج يمه خلص اني رح ارجع كلش اشتاقيتلكم على الاسبوع الجاي اني ارجع ...

خلي نرجع شويه بل احداث
خالد اتزوج من البنيه الي يحبه وصار عنده ولد سمو محمد.
اما رامي اخو نور اتزوج صارله 5تشهر ..
منى اخت نور:عده بنات اثنين وعايشه حياته بسعاده ..

اما بطلنه حسام: كمل دراسته وفتح شركه بامريكا بس مكدر ينسه نور ومرت خمس سنوات هو بل خارج مجان ناوي يرجع بس امه جبرته لان هيه مريضه وتريد تشوفه لهاذا السبب قرر يرجع ........

نور:كعدت الصبح بدلت ونزلت حته اروح للمدرسه اليوم اريد اسوي امتحان للطلاب   وصلت للمدرسه دخلو الطلاب سلمت عليهم وكتلهم حضرو اوراق واقلم حته امتحنكم

الطلاب (طلاب سادس مدرست ولد):لاست حبابه اليوم مقارين
نور:ليش مقارين لعد البارحه اني المن كلت اقرو.. 😡
احمد:ست والله اخويه البارحه رجع من السفر واني صارلي 5سنين مشايفه فمكدرت اقره..
نور:خلص كافي رح ابجي عليكم بس والله باجر اذا ممتحنتو 25درجه من كل واحد منكم ...
الطاب:اوكي ست شكرا..
نور:ابتسمت من كلامهم مع العلم ماكو فوق بيني وبينهم هواي بل عمر احسهم اصدقائي مو طلابي ...
خلص اليوم رجعت للبيت واني كلش تعبانه بدلت ونمت كعدت العصر اتغديت وبدلت وطلعت للامام ازور ..

حسام :كملت مستلزمات السفر
ورجعت للعراق استقبلني ابويه واخويه احمد الي من شفته تعجبت عليه صاير رجال وعمره 18سنه وصلنه للبيت وشفت امي اول مشافتني ضلت تبجي مشت الايام وهاي صارلي شهر يم اهلي قررت انقل شركتي للعراق واترك فرع واحد منه لصديقي يديره هناك اليوم طلب مني احمد انو اروح وياه للجتماع مال اولياء الامور الي مسوي بمدرستهم حته اسئل على مستواه الدراسي ويعرفني على اصدقائه مكدرت ارفض طلبه ..

نور:ماما اليوم عندي بل مدرسه اجتماع اولياء الامور اليوم ارجع من وكت ...
ام نور:ان شاء الله بنيتي ديري بالج على نفسج ...
نور:ان شاء الله ودعت امي ورحت للمدرسه بده الاجتماع والاباء والامهات جوي يسالون على اولادهم صارت ازدحام عليه دخت ارد على هاذه وله على ذاك لحد مخلصو .😩.وراه انتبهت انو احمد واكف وحده وهو كلش ضايج عندي احمد من الطلاب الموئدبين وشاطر كلش رحت عليه.
نور:خير احمد اشو ضايج صاير وياك شي.
احمد:لاست بس اخويه كلي يجي عليه والحد الان موصل 😔
نور:هسه يجي بعدله الاجتماع نص ساعه من يجي عود خلي يجي عليه حته اكله عليك ....
احمد:اوكي ست مو تحجين عليه..
نور:ههههههه اشكيله منك عفته ورحت كعدت يم المدرسات وره ساعه طلعت من المدرسه واني بل طريق سمعت شخص يصيح عليه ..
احمد:ست نور ممكن احجي وياج.
نور:انداريت شفت احمد وياه حسام اتجمدت بمكاني بس اباوع عليه بدون اي كلام وهو انصدم من شافني ..
احمد:ست نور هاذه اخويه الي كتلج عليه هسه وصل وانتي طلعتي ..
نور:حسام انته رجعت.
حسام:اي رجعت شلونج..
نور:يم الله انته شلونك ..
حسام:الحمد لله طلعتي انتي الاحمد خبصني عليج ..
نور:ههههه صدفه مو
احمد:انتو تعرفون بعض.
نور وحسام:اي.
نور:انته جاي تسال على احمد كلش شاطر وحباب وان شاء الله طبيه السنه وهسه من رخصتكم ..
حسام :شكرا نور
نور:عفوا...
رجعت للبيت والطريق كله افكر بحسام من شفته اتذكرت كلشي صار ويايه صح اشتاقيتله بس هو صاير احله من قبل وصلت للبيت سلمت على ماما وبدلت وكعدنه على السفره ناكل ..
ام نور:شلونه الاجتماع اليوم
نور:زين بس شفت شخص متصدكين منو..
ام نور:منو يمه شفتي
نور:حسام.
ام نور:حسام رجع مو كالو مسافر وشعنده بمدرستج .
نور:اخوه احمد طالب عندي واجه يسال عليه ..وسلم عليه وبس عفت امي وصعدت بغرفتي طلعت الصور وراه نمت ..

حسام:تاخرت على احمد لهوني اصدقائي وصلت للمدرسه لكيت كم مدرس ومدرسه سالتهم عليه كالو شاطر بس احمد ضل يدور على مدرسه ملكيناه طلعنه للشارع شفناه جاي تمشي بل شارع صاحله احمد من اندارت طلعت نور من شفته انصدمت كلش ضعفانه جان بودي احضنه وكله انو اشتاقيتله بس تذكرت انو هيه متزوجه سلمت عليه وسالته ورجعت للبيت سلمت عله امي وكعدنه نتغده ...
احمد:يمه حسام يعرف ست نور وهيه تعرفه ..
ام حسام:نور مدرستك..
حسام:اي يمه هيه نفسه
احمد: حسام انته وين تعرفه
ام حسام:سدو الموضوع
حسام:بعدين احجيلك قصه طويله
احمد:اوكي

♥♥♥♥♥♥♥
هلاو شلونكم اسفه على التاخير هاذه البارت قبل الاخير والبارت الاخير احتمال العصر انشره