مرت ايام بسرعة وانتهت السنة الاولى لمريم في الجامعة بخير...وحجزت لتعود للعراق في العطلة التي مدتها شهر
واحد وتأتي في ايام الدراسة...كانت تودع ساندرا ولؤي في المطار قبل ان تذهب...وكانت تحظن ساندرا
ساندرا:لاح اشتاقلج هواي
مريم:واني هم
ابتعدت عن ساندرا وصافحت لؤي
لؤي:لمن ترجعين احنة نستقبلج بالمطار
مريم:اوك
لؤي:ديري بالج على نفسج
مريم:مع السلامة
ذهبت مريم اجرت المعاملات ودخلت الطائرة جلست في مكانها واخرجت كتاب وان دايركشن وبدأت بقرائته
كانت تقرأه طول الوقت حتى قاطعتها فتاه بعمرها تجلس بجانبها
الفتاه:عفوا بس سترتج عجبتني
مريم:بالعرضة
الفتاه:سبع عافيات
كانت مريم تكلم الفتاه حتى رأت فرات في الطائرة كان يجلس في المقاعد التي خلفها ورأها هو ايضاً عندما راته
مريم:العن الساعة السودة
الفتاه:شنو شبيج
مريم:عيني شوفي ممكن تسويلي خدمة
الفتاه:نعم تفضلي
مريم:لمن ننزل من الطيارة نتبادل الستر اوك
الفتاه:اوك مو مشكلة
بقيت مريم تكلم الفتاه وفرات ينظر اليها وتاكد انها هي التي يبحث عنها
اذاعة الطائرة:الى جميع الركاب رجائاً اربطوا حزام الامان حان وقت هبوط الطائرة
#مريم...:
اوك يا رب انقذني من هذا الموقف...هبطت الطائرة ونزلت اني والبنية وفرات جان بعيد عليه هواي...نزلنة بسرعة بدلنة الستر وراحت البنية...اني شعري جان ظفيرة فتحتة وهديتة...غيرت كلشي تقريباً وتحركت والبنية جانت تمشي كدامي وشفت فرات حجة وياها عبالة اني...ظميت روحي بين المسافرين وهو ايس من الوضع وراح...صايرة هواي اخوض مغامرات هل ايام
دخلت مريم واجرت المعاملات وذهبت لقاعة الانتظار ورأت والديها ذهبت اليهم وحظنتهم...في هذه الاثناء
رأى فرات مريم واراد ان يكلمها لكن عندما رأى اهلها موجودين تنازل عن تلك الفكرة وقرر الذهاب
ذهبت مريم للمنزل وكانت تتناول الغداء مع والديها
الاب:اي بابة شلونها دبي وشلونج بالجامعة
مريم:والله دبي تخبل والجامعة كلش حلوة والدراسة بيها احلة ما جنت اتوقع دراسة الجامعة هيج سهلة...يعني اني سنة اولى جنت دائما احجي وي طلاب السنة الثانية والثالثة وهمة يساعدوني واخذت منهم معلومات اني وساندرا...غير ان الدكاترة متساعدين مو مثل هنا
أنت تقرأ
عراقية في دبي
ChickLitفتاه عراقية تذهب الى دبي لداسة الجامعة... تتعرف على اصدقاء جدد واناس جدد... ولانها فتاه تتعرض لبعض المصاعب... كيف ستواجهها...؟؟ شخصيا حقيقية... اسماء حقيقية... ورواية من نسج الخيال... اتمنى لكم متابعة ممتعة
