عراقية في دبي

Part21...:

مرت ايام وعلاقة مريم بفرات تتحسن يوم بعد يوم...بدأت مريم تحب وجوده في حياتها وفرات مرتاح معها فهي غيرت

الكثير من طباعها باتت تهتم به اكثر من قبل...تضحك معه كثيراً...ينام معها في نفس الفراش لكن تلك الرجفة التي تأتيها

كلما تلامست كفيه خديها لقبلة او احتضان لا تفارقها اصبحت علاقة فاطمة ولؤي علاقة صداقة حميمة...فاطمة تحكي كل

شيء لمريم ومريم ترى نظرات العشق في عينيا لؤي وهو كل ما اراد ان يكلم مريم في الموضوع يوقفه ذالك التردد

الرهيب الذي يشل كل اعضاء جسده...في ذالك اليوم قرر لؤي ان يكلم مريم في الموضوع وكان قراراً حاسماً

ذهب لؤي لمنزل مريم وفرات طرق الباب وفتح فرات

فرات:هلة لؤي تفضل ادخل

لؤي:هلو بيك

دخل لؤي للمنزل وراى مريم في المطبخ

مريم:هلة لؤي شلونك

لؤي:هلة مريم تمام وانتي

مريم:تمام

لؤي:مريم ممكن اكلمج بموضوع محد يكدر ساعدني بي غيرج

مريم:يا ستار شكو...تفضل اكعد

جلس لؤي على الاريكة ومريم وفرات على الاريكة التي امام لؤي...صمت لؤي لفترة قصيرة

مريم:لؤي ترة قلقتني صاير شي

لؤي:مريم تذكرين بالكريسماس مال سنة 2015

مريم:اي

لؤي:تذكرين لمن جنتي تخابرين صديقتج فيس تام وخليتها تحظر الحفلة عن طريق الفون

مريم:اي...لؤي ترة قلقتني شكو

لؤي:مريم اني اريد اخطبها على سنة الله ورسولة

مريم:هذا كلة علمود تخطبها واني عبالي صاير شي...اوك وشلون تريدني اساعدك

لؤي:اريدج تحجين وياها وتكليلها وبعدها تجين انتي وفرات ويانة للعراق علمود نخطبها اذا هي قبلت

فرات:دقيقة...ليش متروح انت وتعترفها Face to face

لؤي:انت شتحجي اني صالي شهر اريد اكول لمريم على الموضوع وكل مرة اتردد وما اكول وهسة اجيت بعد ما طاح صبغي وتريدني اعترفلها Face to face 

ابتسمت مريم:اوك لؤي اني اخابرها واكوللها

لؤي:شكرا مريم

نهظ لؤي يريد الذهاب لكن فرات قال له ان يتناول العشاء معهم لكنه رفض وقال لديه عمل...خرج لؤي بعد ان اغلق

باب المنزل صرخ تلك الصرخة التي تعبر عن الفرح وخرج من بيت مريم وفرات مسرور وفرح ويسمع اغاني ويرقص