نايل و لوي و زين قاعدين في الصاله.
الباب بيخبط
نايل: حد يقوم يفتح
زين: ما تقوم تفتح انت
نايل: باكول
زين: قوم افتح يا لوي
لوي: مليش مزاج
زين: ليه ان شاء الله
لوي بيطلع المطوه في وش زين
لوي: لما اقول مليش مزاج يبقي خلاص متتكلمش تاني...و قوم افتح بدل ما الحمار اللي بره ده يكسر الباب.
زين: خلاص يا معلم و تتعب نفسك ليه هقوم افتح حاضر
لوي: ما كان من الاول ناس متجيش غير بقلة الادب.
زين قام يفتح الباب و هاري كان نازل علي السلم.
زين: ايه ده طنط آن عامله ايه؟
آن: اهئ اهئ اهئ
زين: اتفضلي يا طنط... الحق يا هاري امك بتعيط شكل ابوك طلقها هيهيهيهي
قال الجمله من هنا لقه حد رزعه علي قفاه من هنا
هاري: بس يا ابن الظريفه.....مالك يا مامي في ايه و ايه اللي انت عاملاه في نفسك ده.
آن كانت لبسه جلبيه مشجره و ايشارب بترتر و شعرها منكوش و الكحل مالي وشها و حالتها مبهدله علي الاخر
آن: ابوك الكلب الحيوان كان بيعاكس الخدامه قدامي و لما اتخانقت معاه قالي مش عايز اشوف وشك تاني.
نايل: هو الخسران يا طنط هو ميستهلكيش اصلا عشان مش مقدر القمر اللي معاه.
آن: قوله يا اخويا مش عارفاه عجباه علي ايه المعصعصه دي.
هاري: ماما ممكن توريني صوره الخدامه دي بعد اذنك.
آن: اتفضل (بترميها في وشه)
هاري بيبص علي الصوره و علي مامته
هاري: ليه حق يعكسها طبعا يا ماما
آن: نعم يا روح امك (بتردح)
هاري: لا ده انا بقول دي وحشه اوي ده انتي جميله و حلوه.
زين: بقولك ايه يا طنط ايه رايك نكلمك البت صوفيا صحبت ليام تيجي تظبطك شويه.
لوي: الا صحيح هو فين ليام.
زين: متلقح فوق نايم.
آن: و الله فكره مش بطاله انا اصلا زي القمر لوحدي مش هحتاج تظبيط كتير.
هاري: اه طبعا ( بيتريق في سره).
اتصلو بصوفيا عشان تيجي المهم شويه كده و جت.
صوفيا: ازيكو يا عيال عاملين ايه... ازيك يا طنط عامله ايه؟
آن: كويسه يا حبيبتي يلا بقي عشان تظبطيني.
صوفيا خدت آن و دخلو الاوضه يجي ساعتين كده.
لوي: هما اتاخروا كده شكلهم ماتو جوه انا زهقت.
نايل: ما انت عارف يا لوي البنات اكيد بيبقي في مرحلة صنفره و محاره و بعد كده التشطيب.... هما خارجين اهم.
اول ما آن خرجت كلهم كانو متنحين.
صوفيا : اخر انجازاتي. ( بتقول بفخر)
هاري: و الله يا بت يا صوفيا انت فنانه.
زين: مكنتش اعرف ان امك مزه كده.
هاري: احترم نفسك ياض.
آن: يلا يا هاري خدني لبوك.
هاري: ماما اتكلمي برقه شويه اسلوب الكلام مش لايق علي الجمال ده خالص.
آن: ملكش دعوه
هتري خد مامته البيت و اول ما وصلو هاري خبط علي الباب و باباه فتح.
ابو هاري: ايه ياض يا هاري ده عملت حاجه مفيده في حياتك و جبتلي ستات البيت هيهيهي
هاري: احم.. بابا دي ماما.
ابو هاري: مش معقول دي آن مراتي فين الحلاوه دي من بدري يا وليه.
آن: عشان تعرف بس ان انا حلوه مش الخدامه دي.
ابو هاري: خدامة ايه بس اعتبريني طردتها خلاص.
و دخلو البيت و قفلو الباب في وش هاري.
هاري : صبرني يارب.
__________________________
ايه رايكو عايزه تفاعل بليز ڤوت و كومنتس
لو عجبكو قولو عشان اكمل.
Love ya😘
أنت تقرأ
Imagines بالمصري
Humorاعزائي القراء في كل مكان اعزائي القراء في كل بيت السلام عليكم و رحمة الله و بركاته الايماچينز دي هتبقي كوميدي و ان شاء الله هتعجبكو المهم تضحكو حتي لو مضايق و قرفان من حياتك هتضحك برده بعبكو اوي ________________________ #الايماچينز نضيفه. البدايه:...
