هااي بابي جيرلز وحشتوني اوي انتو و كومنتاتكو العسل زيكو. 😍🙈
عاملين ايه في جو السودان ده؟ ارحمنا يارب. 😂
شوفتو دانكيرك و لا لسة؟ انا لسة من الشرفاء اللي لسة مدخلتهوش. 😂😂
ناو يو ار ويز نيو ايماچن انچوووي. 💜
_____________________________
ليام بيجري بسرعة علي البويز
ليام: الحقو يا عيال زين عايز ينتحر.
هاري مندهش: ايه؟
لوي مندهش: ايه؟
نايل كان بيخلص السندويتش اللي في ايده و بعدين..
نايل مندهش: ايه؟
ليام: اخلصو
جريو علي الاوضة بتاعة زين لقوه واقف مدلدل رجلو من الشباك و ماسك ازالة ديتول في ايده و مشغل اغاني حزينة.
هاري: زين يخربيتك بتعمل ايه بإزازة الديتول؟!!
زين: عايز انتحر يا اخي سيبني اموت سيبني
نايل: احنا كنا ماسكينك.
زين: بس ياض متخرجنيش من مود الانتحار.
قال و شرب بوق ديتول.
لوي: طب انت مالك في ايه؟
زين: البت چيهان قرفاني يا جدع كل يوم تروحلي اسرار فيكتوريا و تخلصلي الكريديت لحد ما قربت افلس.
لوي: بص يا صاحبي انا ماشي علي مبدأ سامي في الحياة اسمه'بعد الكلكعة هتيجي الشخلعة'
نايل: جايز تعالو نطلع علي بورا بورا.
هاري: ايه برابير دي كتك القرف.
نايل: اسمها بورا بورا دي جزيرة في هاواي يا جاهل.
هاري: اهااا حلوة ديه بس فيها قطط؟
نايل: اه فيها قطط يا معلم هيهيهي
هاري: اشطة يا معلم انا دايس معاك.
لوي و زين وافقو.
ليام: لا يا عم مش هينفع شوشو هتزعل عشان اكيد هيبقي في مزز امز منها هناك.
لوي: انت هتعملي فيها محترم مش كفاية عامل سينجلز strip that down و Get low و ان شاء الله Bedroom floor .
ليام: ايوة عشان انا Daddy فعلا هيهيهي.
<<<<<
المهم جهزوا شنطهم و اقنعو ليام يجي معاهم
طول الطيارة نايمين كالعادة و الطيارة نزلت المطار بعد يجي خمشاشر ساعة في الجو.
نايل: ياااااه بحر اخيرا
زين كان بيعاكس واحدة لبسة بيكينيز
زين: ايييه يا موووزة
البنت: ايه يا ابن الكلب في ايه؟
قالت و مشيت
زين: احم ايه ده مكنتش متوقع.
لوي: مش كفاية حك في بنات الناس بقي.
بعد شوية نزلو البحر و جت موجة عليا
زين: عاااا انا بغرق... بؤ بؤبؤ... بمووووت ساعدوناااي.
الواطيين قاعدين بضحكو عليه بعدين طلعوه علي الشط.
* انا متخيلة منظر زين زي رضا في كركر. 😂😂😂😂*
هاري: ايه يابني مش نازل تاني؟
زين: لا يا عم معنديش استعداد اغرق دلوقتي
اتا هعد اعاكس في البيكينيز احسن.
و في ظل ما زين قاعد يبصبص لقي چيهان طلعالوه من حيث لا تدري.
الواد اتخض و افتكر ان ده تأثير الحشيش بس لما حس بقلم علي وشه قام اتنفض.
زين: ايه ده چيچي حبيبتي بتعملي ايه هنا انتي عرفتي مكاني منين اصلا...
چيچي: حطالك جهاز تتبع في ودانك
زين في نفسه: يابنت الكاااالب و انا كل ده فكرها دبانه لزقة.
چيچي: انا شوفتك و انت بتعاكس البنات يا سافل يا حقير ايه مش قد المقام انا ولا ايه.
خلاص انا هسيبك.
مشيت و سبته و هو بيجري وراها.
زين: چيچي استني والله الموضوع مش كدة.
چيچي: امال ايه؟
زين: انا هفهمك الموضوع_
لقي هاري جاي من وراه.
.هاري: ايه ده چيچي هاي..... امال فين المزة الكانت معاك من شوية يا زين.
زين: يخربيييتك يا بعيد.
بيبص لچيچي عشان يفهمها ضربته حيث لا تشرق الشمس و مشيت و هو اترمي علي الارض.
زين: صحيح اللي قال no women no cry
زين قضي بقيت اليوم نايم و العيال التانية بتصيع في الجزيرة و بيركبو عجل و بيفرقعو صواريخ و بيكلو كابوريا و_
زين: خلاااااص عرفت اسكتي عايز اتخمد.
انا: اخم خلاص آسفين، يا زيزو.
___________________________
آسفة ان الايماچن دمه تقيل بس نفسيتي وحشة اليومين دول بس نزلت عشان متأخرش، اكتر من كدة. 😂❤
Love ya. 😍
أنت تقرأ
Imagines بالمصري
Humorاعزائي القراء في كل مكان اعزائي القراء في كل بيت السلام عليكم و رحمة الله و بركاته الايماچينز دي هتبقي كوميدي و ان شاء الله هتعجبكو المهم تضحكو حتي لو مضايق و قرفان من حياتك هتضحك برده بعبكو اوي ________________________ #الايماچينز نضيفه. البدايه:...
