عارفه اني اتاخرت عليكم بس معلش والله عشان بدأت دروس و مذاكره و حاجه نيله خالص😂
عارفه انكو طيبين و هتسمحوني😂💔
6 votes=new part
يلا نبدا...
_____________________
سبحان الله وبحمده سبحان الله العظيم❤
_____________________
و اول ما نزلو مطار القاهره لقو ناس كتير بيجرو عليهم و بيصوتو.
هاري: هاارسود.
نايل: اجرييي يا مجدييي.
البويز كلهم طلعو يجرو من الكائنات اللي بتجري وراهم دي.
"استنو هنا عايزاكو تمضولي علي التيشيرت"
"استني ياض يا امور انت عايزه اخود بوسه"
البويز و بعد عناء طويل تخلصو منهم و كانو بيجرو لباب الخروج قام نايل خبط في الباب الازاز عشان مكنش شيفو.
لوي: هههههه شكلك وحش اوي ههههه.
نايل: يارب يا لوي يابن كارن الهي تتخبط في بابا حديد وشك يطبق و ما يتعدل ابدا يا بعيد عشان تبقي تتريق عليا كويس. اهئ اهئ .
نايل كان بيدعي بعشم كده و هو مضايق و بيمثل انو متاثر اوي.
ليام: ايه يا نايل دعوة الامهات دي.
نايل: الواحد قرف و الله يا شيخ من الاشكال اللي بيشوفها في حياتو دي.
نايل طبعا كان بيكلم علي لوي.
لوي: انا هعمل نفسي مش واخد بالي.
خرجو من المطار عشان يشوفو تاكسي و فجأه لقو سواقين تاكسي اتلمو عليهم زي الرز.
"تعالو معايا يا بشوات و هعملكو ديسكونت"
"معايا انا يا اساتذه ده انا التاكسي بتاعي خمس نجوم. "
و مره واحده شخص طلع من وسطهم و تحسوه ضارب بانجو و بيطوح و طلع مطوه من جيبو.
" عليا الطلاق من انتو راكبين مع حد غيري... وسع ياض انت هو كده"
طبعا السواقين مش هيسوبوهم بسهو‘له كده و طبعا قعدو يتخانقو مع بعض.
زين: اوباااااا الحقو نيكي ميناچ هناك اهيه.
زين قالها بصوت عالي و كلهم جريو مكان ما شاور و البويز استغلو الفرصه و هربو من هنا.
و بعد شويه بطلو جري.
هاري: اعوذ بالله يا اخي ايه المناظر دي.
نايل: يا عم دول مش بنادمين دول شبه الزوميز.
ليام: يا جدعان مفيش اي تاكسي في المنطقه دي خالص.
لوي: ما طبعا كلهم عند المطار.
وقفو يستنو يجي ساعه كدا و هاري قعد علي الشنطه و نايل و لوي قعدو علي الرصيف و زين قعد علي الارض و ايدو علي خدو و عامل زي عبله كامل و ليام واقف مستني يوقف اي حاجه.
ليام: فورجت فورجت يا جماعه.
البويز: في ايه.
ليام: في عربيه جايه من بعيد اهيه.
نايل: انا بتتكلم جد.
و هوب دبل كيك كلهم قامو بسرعة البرق مستنيين العربيه.
و اول ما العربيه جت و وقفوها الابتسامه راحت عشان اكتشفو انها عربية نقل معيز و خرفان.
ليام: اظن معندناش خيار تاني.
لوي: خيار ولا جزر هيهيهي.
ليام ضرب لوي بالقفا.
ليام: مش وقت ظرافة امك هي
لوي : معلش يسطا.
راحو عند العربيه عشان يقولو للسواق رايحين فين.
هاري: Ramses Hilton Hotel.
السواق: نعم يا حبيبي؟ ده كباريه ده ولا ايه.
لوي: وسع كده يا هاري..... الصحراوي يسطا.
السواق: ايوه.. اتفضلو اقعدو ورا.
البويز راحو يقعدو مع المعيز و الخرفان وره و هما قرفانين.
نايل: ايفف هي الخرفان دي مبتستحماش ولا ايه.
ليام: يا عم كلها نص ساعه و نوصل.
البويز نامو في الطريق و فجاه معزه صرخت في ودان هاري.
"مااااء"
هاري اتنفض و صحي من النوم. بيبص جنبو اتخض كان وشو لازق في وش المعزه.
هاري بيزعق بصوت واطي: يابنتشكلب صحتني من احلي حلم...
فجاه و هو بيتكلم قام السواق لابس مطب محترم قام كل البويز اتنفضو و صحيو.
زين: في ايه بسم الله الرحمن الرحيم العربيه اتقلبت ولا ايه.
السواق: يلا يا اخوانا وصلنا.
البويز نزلو و السواق خد اللي فيه النصيب.
ليام: توشكر يسطا.
السواق: اي خدمه.
السواق مشي و البويز مشيو شويه لحد ما وصلو الفندق عشان السواق نزلهم في حته بعيده. و دخلو الفندق و هما مبهدلين و رحيتهم خرفان و حليتهم نيله خالص.
ليام راح عند الريسبشن و طبعا كل الناس بتبصلهم بقرف.
لو سمحتي في حجز خمس غرف باسم وان ديركشن.
الموظفه بصتله بصة شك.
الموظفه : طب ثانيه واحده اتاكد.
راحت الموظفه من قودام ليام و هو راح للبويز يستني معاهم.
شويه كده و لقو الامن جاي عليهم.
نايل: هو في ايه حضرتك في مشكله.
الامن : لا مفيش بس هنقبض عليكم بتهمة انتحال شخصيه.
نايل: انتحال شخصيه ايه لو سمحت مش فاهم.
الامن: يعني انت جاي يا حبيبي انت و هو و عملين فيهم الفرقه المشهوره وان ديركشن.
لوي: لا انت مش فاهم ده احنا.
طبعا محدش سمعهم و اقبضو عليهم وراحو القسم.
#في القسم..
الظابط: فاكرين نفسكم هتضحكو علينا.
هاري: يا حضرة الظابط حضرتك مش فاهم احنا اتبهدلنا.
وطبعا بعد الكثير من المحاولات الفاشله في الاقناع.
الظابط: يا عصمت يا عبصمد خدلي العيال دي علي الحجز.
عبصمد: ماشي يا حضرة الظابط... يلا يالا اودامي انت و هو.
ليام: انا مكنتش متفائل من السفريه دي من الاول......
_____________________________
انتظرونا في الجزء الثالث و الاخير من im. 4 😂😂✌
يا رب يكون البارت عجبكو متنسوش الفوت و الكومنتات 😃
سؤال اليوم*مين الفيڤ بوي بتاعك؟*
انا ناري جيرل😍
6 votes = new part.
Love ya😘
أنت تقرأ
Imagines بالمصري
Humorاعزائي القراء في كل مكان اعزائي القراء في كل بيت السلام عليكم و رحمة الله و بركاته الايماچينز دي هتبقي كوميدي و ان شاء الله هتعجبكو المهم تضحكو حتي لو مضايق و قرفان من حياتك هتضحك برده بعبكو اوي ________________________ #الايماچينز نضيفه. البدايه:...
