matagal na akong gumagawa ng tula
ngunit sa sariling wika ay wala
wikang banyaga ang aking nakasanayan
kaya narito ako ngayon at nangangapa
nais ko mang ipahiwatig ang nararamdaman
hindi naman magawa sapagkat kulang sa kaalaman
wikang Pinoy unti unti ko nang nakakalimutan
ano ba ang dapat kong gawin kaibigan?
mismong sa aking bansa ay bihira
ang paggamit ng diretsong Pilipino sa pananalita
sa bawat pangungusap ay may halong wikang banyaga
ay naku, pambihira!
anu ba naman ito
hindi ko na alam ang idudugtong ko dito
ako'y nauubusan na ng wikang Pilipino
kaibigan, matutulungan mo ba ako?
paano ba malulunasan ang aking kalagayan
kaalaman sa Pilipino aking napabayaan.
huli na ba na magbalik sa paaralan
o baka maaari namang gawan ng paraan?
BINABASA MO ANG
koleksiyon ng mga tula sa wikang Pilipino
Поэзияmga tulang isinulat sa wikang tagalog.
