tumunog na ang kampana
misa de gallo ay tapos na
naglalabasan na ang buong parokya
nag uunahan sa pagbili ng puto bungbong at bibingka
ngunit paa mo ay iba ang tahak
binibilang ang bawat apak
patungo sa panaderya ni aling christy
upang hot pandesal iyo nang mabili
"sampu", "bente"
sigaw ng mga mamimili
ang mga ate at kuya ay di na mapakali
na makuha ang pandesal na pinaka mimithi
tustado o puti
anu man ang iyong mapili
basta pandesal ay mainit
ito ay dali-daling kakainin
sa bawat kagat
gutom ay napapawi
lagyan mo pa ng mantikilya
bawi na ang pagod mo sa pagpila
habang naglalakad pauwi sa tahanan
lalagyan ng pandesal unti unti nang nauubusan
kawawa naman ang mga naghihintay sa bahay
sa susunod dadagdagan na lang ang pandesal na alay
BINABASA MO ANG
koleksiyon ng mga tula sa wikang Pilipino
Poesiamga tulang isinulat sa wikang tagalog.