Mautak Na Puso

Chappy 4

"Lys...anne."

Nagising ako sa mahinang pagtawag sa akin ni Shaheen. Gising na siguro siya.

"Please wake up. We have to get up now. Magsi-six fifteen na." Narinig ko pang sabi niya. Pero 'di ko siya pinansin at nanatiling kunwaring tulog pa.

Kung parati lang akong magigising na kayakap siya, malamang sa malamang maganda talaga ang umaga ^_^

"Lysanne." Sinisimulan niya ng tanggalin ang kamay kong nakayakap sa kanya. Gusto ko sanang higpitan pa para hindi niya matanggal kaso baka masabihan na naman niya akong manyak. Hindi ko pa naman alam ang takbo ng mood ng isang 'to kapag bagong gising.

Naramdaman ko na lang ang dahan-dahang paglayo niya ng katawan niya sa akin. Nagtulog-tulugan parin ako. Hihintayin ko na lang na bumangon na siya tsaka ko imumulat ang mga mata ko.

Pero halos dalawang minuto na ata akong naghihintay, hindi pa rin siya nababangon.

Bakit kaya? Kanina pa naman siya nagyayayang bumangon. Hmmm... hindi kaya?

Mabilis akong nagmulat at agad na hinanap ang mga mata niya. Hindi ko napigilang mapangiti nang mahanap ko 'yong mga mata niya...

Sa akin. Matamang nakatingin. Glued specifically on my lips, dahan-dahan paitaas sa ilong ko... patungo sa mga mata ko. At ganoon na lang ang panlalaki ng mga mata niya nang makitang gising narin ako.

"Shit!" Mura niya kasabay ng pagkahulog niya sa kama.

Bigla tuloy akong napabangon para tignan kung ayos lang ang lagay niya.

"Shaheen!" Tinulungan ko siyang makatayo. "Ayos ka lang?"

"Y-yeah. Nagulat lang ako sa'yo." Hindi makatinging sagot niya sa akin.

Napigil ko na lang bigla ang hininga ko nang hawiin niya 'yong nakaharang niyang buhok sa mukha at dalhin 'yon sa likod ng tenga niya. Tumambad sa paningin ko ang mapula-pulang mukha ng isang dyosa.

"Sorry kung nagulat kita. Pero sigurado ka? Ayos ka lang talaga? Walang masakit sa'yo?" Nag-aalalang tanong ko.

May kataasan kaya ang kama! Baka napano siya.

"Oo nga po." Sagot niyang nakangiti pero nakataas naman 'yong isang kilay.

Napako ako sa kinatatayuan ko't nanatiling 'di makapaniwalang nakatingin lang sa kanya. Lalo na dun sa mga nakangiti paring mga labi niya.

Dahil for the first time in forever, sa halos apat na taon naming magkaklase, ay ngayon ko lang siya nakitang ngumiti nang ganyan sa akin!

"Lysanne? O-okay ka lang?" Napapakunot-noo'ng tanong niya sabay hawak sa magkabila kong pisngi.

Omaygas na talaga 'to! Sobra naaa! Kanina lang nginitian niya ako tapos ngayon hinahawakan niya na ako! Sa magkabilang pisngi ko pa't ang lapit-lapit lang namin sa isa't isa ha! Uwaaahhh!!!

"Y-yeah." Lunok-laway kong sagot sa kanya. "Uhm and actually m-may napansin lang ako." Dugtong ko.

"Ano?"

Mas maganda ka pa sa umaga.

"W-wala, 'wag mo ng pansinin." Sagot ko instead.

Hay, natotorpe ako pre :(

"Okay." Nakangiting sagot niya.

Sinundan ko lang siya ng tingin habang inaayos niya na 'yong kama.