: نيار وانا اخوك قوم!, يهزه بخفه وهو مقصر صوته عشان مايقوم اهله
نيار: نعم وش تبي امدان بسم الله انام الى وانت منكد علي؟,
يفرك عيونه وصوته مبحوح وشكله تقل طفل مو واحد بيتم الـ18
:امش معي واللي يسلمك نياري ضايق خلقي وتعرفني م ارتاح الى لك من بد اخواني,
قال بنبره حزن عشان يقنع اخوه الصغير
نيار: الساعه كم خويلد ماشبعت نوم ابد.
خالد: الساعه 3 الفجر
انفجع نيار: وش مقومني هالحزه اعنبوا دارك؟
خالد: امش ي حبيلك ان شاءالله انه اول مره وآخر مره وعد,
اومئ نيار بأيه وقام يغير ملابسه ويفرش اسنانه
نيار: خويلد خلاص اطلع ياقلبي راح اجيك بسرعه, تفهم خالد الوضع وطلع بسرعه من غرفة اخوه وعيونه يدمعن "ياربي سامحني والله ماعندي الى هالحل ياربي ساعدني" يقولها بقلبه وهو مو معجبه ابداً الي بيصير بعدين
نيار: وش فيك ياخوي واقف كذا؟, قال نيار وهو قلق على اخوه الي يحس ان فيه شي ومو متطمن على حاله ابد
خالد: لا ابد مافيني شي، وبعدين وش هاللبس ترانا بنتمشى على رجليننا ماراح نركب السياره, كان لابس شورت أسود فوق الركبه وسيع حبتين وبلوفر سُكري طويله اكمامه مره ووسيع عليه مع كاب,
نيار: خلاص عاد لبسته مالي خلق افصخ من جديد, مسك يد اخوه الكبير وجره للباب بعجله عشان مايكثر قرق زايد عن اللزوم
نيار: الى اقول ياخوك وش فيك مصحيني هالوقت اكيد ضيقة صدرك كايده؟
خالد: ايوالله ي نيار مدري وش فيني احس الدنيا ضايقة فيني وهموم الناس اجمع فوق كتوفي, يمشون بالطريق وهو منزل راسه تقل مسويه خطيه ع شكله الي مايسر!
نيار: ليه يالغالي؟ فضفضلي احكيلي ياروح نيار قولي وش الي مكدر خاطرك وخلاك تحط هالهم فوق كاهليك, خالد ضاقت فيه اكثر مايبي يسمع كلام اخوه اكثر! مايبي يتراجع على الي بيسويه مايبي يلين قلبه عليه بعد فوات الأوان!
خالد: تعال ضمني خلني احس فيك واطلع دموعي ع ذراعك وافتك من كل شيء, فتح ايدينه ع الأخر ينتضر اخوه يتقدم له...علطول نيار استغل هالشي وضم اخوه بخفيف بس اخوه شده له بقوه كأنه يبيه يدخله جواء ضلوعه كأنه يبي يخبيه عن هالحياة يخمه كأنه ماراح يشوفه ابد بعد ذي ، وبحيث ان نيار قزم كان هو الي حاط راسه بصدر اخوه وخالد حاط حنكه براس نيار ودموعه تطيح ورا بعض
خالد بنفسه (ياربي ارحمني ماراح اتحمل ياربي قوي قلبي ياربي صبرني)
نيار: خلاص اخيي ليه الصياح؟ انا جنبك امي عندك ابوي بقربك واخواني كلهم معك وزوجتك كمان! كلنا يمك ليه ضيقه الصدر والصياح؟! وش فيك انطق وربك مقدر اسمعك تصيح كذا وانا مدري وش الي فيك!
صاح خالد زياده يوم نطق بـ(انا جنبك)
خالد وبضحكه حزن خفيفه: خلاص قلبتها مناحه والله يا أنا اسد النفس امش امش بس خن نروح البقاله بشريلي كم غرض, اومئ نيار وعرف انه يتهرب وكملوا مشيهم للبقاله وكان طول وقتهم صمت، صمت، صمت..نيار يفكر وش فيه اخوه؟ وليه هو الي اخذه من بد اخوانه بنص الليل عشان يفضفضله؟ عنده فارس وفراس ويعقوب! وكل واحد قريب لمه قوه من ناحيه الأسرار ودايم لاضاق صدره راح فارس ليه فجئه جاء لمي؟, كانت تساؤلات كثيره تدور براسه ومو لاقي لها اي جواب مقنع! وكان خالد نفس الشيء بس بضياع اكثر ومالقى لنفسه سؤال اساساً عشان يقدر يجاوب عليه
خالد: وصلنا, اقول نيار وقف برا وانا بدخل هالبقاله الكبيره وبطلع بسرعه خلاص؟, اومئ نيار وهو يحط ايدينه بمخابي البلوفر ويتكئ بضهره ع الجدار وحاط رجل فوق رجل ويناضر الأرض بسرحان وكانت الدنيا هااديه والناس مختفيه ومحد موجود حوالين البقاله بشكل مشكوك فيه.. مرت حوالي عشرين دقيقه واخوه للحين ماجاء! استغرب وش الي آخره كذا؟ بيروح يشوف وضع اخوه فجئه حس بأيد كبيره تمسكه مع ايده بعنف وقوه ويجره وهو يحاول يحط نيار فوق كتفه! ونيار مو مستوعب ابداً بس يوم انتبه ع نفسه بداء يتحرك ويضرب الجسم العملاق عشان يخليه بس ولا اثر باللي شايله ابداً!
نيار وهو يصرخ بقوه: خااااالد خالد سااااعدني!! ابعد ي كلب عني لاتلمسني ي حيوان!!!, كان خالد واقف عند المُحاسب ويسمع صراخ اخوه وهو مطمس يحتري صوت اخوه يختفي عشان يطلع برا
المُحاسب وهو يطبطب ع راس خالد: قوي قلبك ي خالد ذا هو القرار الصحيح والأخير, خالد يهز راسه بأي وهو به ضيقه الصدر
خالد: تضن انهم خلاص اخذوه؟
المُحاسب: انتضر شوي بس. وش رايك تنام عندي الليله؟, يقولها يبي يخفف عن خالد لو شوي
خالد: شكراً صالح بس مابي, بروح للبيت عشان اهلي مايشكون فيني.. اومئ صالح بتفهم
بمكان ثاني
نيار وهو يشاهق: الله ي يوفقك خل ن. ني اروح لأهلي ا. ابي ار. ارجع لأهلي! ر. رجعني, يفرك عيونه بكموم البلوفر وهو يشاهق تقل بتطلع روحه من المشاهق وكان الي يسوق والي جنبه لابسين اسود ونضاره سوداء رغم انه لليل وكانو معضلين بشكل مُبالغ به! ويسمعون المسكين يشاهق ويصيح من قلب بس ماهز فيهم لا كلامه ولا صياحه كانت قلوبهم اشد من الصخر...
لهم ساعه ونص وهم بالسياره يمشون وهو للحين يشاهق ويصيح والقزازه حقت السياره كانت سوداء تماماً مايقدر يشوف اي شيء ولايدري وين متجهين وقفوا فجئه والي جنبه مسك ايده يسحبه بعنف عشان يطلعه من السياره
نيار بصراخ: لاااا ابعد وللي يرحم والديك خلني رجعوني البيييت!!!
