راح نيار لغرفته ويوم طاح على السرير بدت دموعه تطيح ورا بعض وكل ما يرتفع صوته وتزيد شهاقته.. يلقها من المريض الي تحت ولا من اهله الي مايدرون عن حاله؟
"سأصبر حتى يعجز الصبر عن صبري
سأصبر حتى ينضر الرحمٰن في أمري
سأصبر حتى يعلم الصبر
أني صبرت على شيء امّر من الصبر"
يهدي نفسه وهو يشهاق بمراره حاس ان روحه بتطلع, بالنهايه هو محكوم عليه يتحمل الي بيجيه وماراح يصدق اي شيء الى لما يسمع الكلام من فم امه وابوه انهم مايبونه
بمكان ثاني..
: وليدي ي سالم وينه؟؟؟ قرة عيني وفلذه كبدي وين راااح؟
تنوح وهي تطق رجلينها بقهر وعيالها متجمعين حواليها ومن امس بالليل وهي مو متطمنه لحال ولدها خالد وعرفت ان السالفه فيها إن
فارس: استهدي بالله ياميمه يمكن عند واحد من اصدقاه!
فراس: احسن روحه بلى رده ان شاء الله..
سكتت امهم من الصياح فجئه من الكف القوي الي جاء فراس من ابوه سالم
سالم: يالي ماتربيت!! تروح انت ولايروح ولدي الغالي ي حقير!! اطلع مابي اشوف وجهك اليوم!!
فراس: يلعن اليوم الي جابت امي فيه نيار
يقولها بحقد! هذا وهو مو موجود بينهم مسبب مشاكل!!
طلع من البيت ومسك جواله يكتب بحقد وقهر
فراس\ انتبه على الولد الي ببيتك عوايده يجيب شباب آخر الليل وانت مو منتبه..
نرجع لنيار,
يمسح دموعه بكم البجامه,, وانا كل عيشتي صياح بصياح؟ اروح للمتسلط الي تحت واتفاهم معه واخذ العلوم منه ليه مكدر خاطري وانا اعرف اجي معه بأسلوب؟
راح لدورة المياه يغسل وجهه الي محمر من الصياح وخدوده الحمراء مره من كم البجامه الي بس يمسح عليهم عشان يوخر آثر دموعه.. نزل بالدرج وهو يشوف المتسلط يقراء الجريده وبيده كوب قهوه فايحه ريحتها ولابس نضاره رفع راسه يوم شاف البزر قدامه
طلال: وش عندك يالبزر جاي؟
نيار:ماني بزر!
قال بعصبيه وهو يحاول يتمالك نفسه عشان مايخرب الي كان يبي يخطط عليه, تنفس الصُعداء عشان يبداء هرجه برواقه ويتجاهل اي استهتار بيطلع من الي قدامه!
نيار:اسمع ياولد الحلال أنا لا اعرفك ولاتعرفني ليه ماتعين من الله خير وتوديني لبيت اهلي؟ يعني المسأله مايبيلها فهم.. وبعدين ليكن بعلمك انه مهماً قلت عن اهلي انا استحاله اصدقك.
قال بأبتسامه خفيفه بناهيه كلامه والي قدامه حاط النضاره ع فمه وهو يناضر كيف النتفه ضايع ببجامته الي توه يلاحظ انه لابسه
نيار: تسمعني انت ولا كيف؟!
طلال ببرود: اشوف اعجبتك بجامتي؟
استحى وحاول مايخلي وجهه احمر من الحياء وعقد حواجه بعصبيه وهو يبي يقتل اللي قدامه من القهر..
نيار: وراك كذا انت؟ يعني اعيد كلامي؟؟ طيب راح اعيد, قعد نيار جنبه وهو يحاول مايبين خوفه عشان الي قدامه رفع حواجبه بأستنكار عشانه قعد..
نيار: اسمعني ياطويل العمر انا وياك مابيننا شيء عشان تقول انك اهلي هذا اولاً *فرد اصبعه الصغير*
وابيك ترجعني للبيت بحكم ان اهلي قلقين علي الحين * فرد اصبعه السبابه بعدها* و..
طلال: اوجعت راسي ياورع قوم قبل لا اعطيك كف تنسى اسمك منه
