دخلنا عمطعم كان كتير راقي ... رحنا عطاولة كان عليها رامز ومرته وتنين من اصحابه ... ونسوانهم ... احنا بالعادة ومتعودة عند اهلي انه الزلام لحال والنسوان لحال ... وهاي اول مرة اتعامل مع رجال غير زوجي ... الجو ما كان عاجبني ... والوضع كان كتير فري ... انا مو متعودة عهيك جو ... وكنت طول الوقت مكشرة ... غمزتني سارة ( مرت رامز ) واعتذرت من الموجودين بدنا نروح نظبط مكياجنا .... وفعلا مسكتني من ايدي ... ورحنا عالحمام ... وطلعت سارة الحمرا عشان تعدله ...
سارة : شو مالك هيا حبيبتي ... في شي ؟!
انا : ولا شي ...
سارة : عفكرة ستايلك الجديد بجنن ....
انا : بس مو حاسيتك مستغربة او متفاجئة من ستايلي
سارة (ابتسمت ابتسامة صفرا ) : يعني عاجلاً ام اجلاً رح تشلحي الحجاب ...
استغربت من كلامها : شو عرفك ...؟!
سارة : كلياتنا عهالطاولة كنا غير ...
انا : شو قصدك ... كلكم كنتو محجبات ؟!
سارة : انا ونسرين اه ... بس لميا لا ... بس بردو اتغيرت ... المشكلة مو مشكلة حجاب ...
انا : ولا مشكلة شو؟!
سارة : هههههه .. لا تستعجلي عرزقك ... بكرا بدوب التلج...( ومسكت قلم الحمرا لتضبه ) ..
انا ( مسكت كتفها لتطلع عليي) : احكيلي شو في ..
سارة : بعدين بتعرفي لحالك ...
مشييت انا وسارة ورحنا عالطاولة ...
سرحت طول القعدة.... وانا بالسيارة...... وحتى طول الليل ما نمت افكر بكلمة سارة شو ممكن يكون قصدها ...
طلع براء تاني يوم عالشغل ... وهالمرة بدي احكي مع امي تلاقيلي صرفة بالموضوع ... فتحت السكايب ... ما في نت ... استغربت ... معقول من الراوتر ... رحت اشوف الراوتر ... ما في راوتر ...
اتصلت ببراء ...
انا : الو ...
براء:ايوا هيا ...
انا : الراوتر وينو ؟!
براء : انا شلته ...
انا : ليش؟!
براء : هيك ... انا باجتماع ..بعدين بحكي معك ...
سكر الخط ...
قعدت حيرانة ... بعد دقايق انبعتتلي رسالة عالتلفون من براء:
"يعني مفكرتيني غبي اني اتركلك الراوتر وتحكي لاهلك ... من هون وطالع بتنسي اشي اسمه نت ... لحد ما تمشي زي ما بدي "
سكرت التلفون وزتيته ... وصرت احكي مع حالي : "هالحقير .... حاسب خطواته ... لازم اعمل اشي ... لازم ادبرها... لازم اعرف من سارة بشو قصدها انا حاسة في شي ... ان شاء الله اللي حاسيته يكون غلط ... "
رنيت عسارة ...
سارة ( بدلع ). : الوووووو ...
انا : الو سارة ..
سارة : اهلين هيا حبيبتي ...
انا: سارة بدي اعرف هلأ ...
سارة : شو بدك تعرفي ؟!
انا : اللي قلتيه امبارح ...
سارة : خلص انسي ...
انا : مشان الله ...
سارة : بقلك ....بس ما تحكي لبراء اشي بحقد علي ورامز بطلقني ...
انا : احكي...
سارة : بصراحة ... احنا بنقعد مع خلايجة واجانب عشان نمشي صفقات ازواجنا ...
انصدمت وسكتت لثواني وقلتلها : كيف يعني بتقعدو ..؟!
سارة : يعني ... والله مو عارفة شو احكيلك ... بنروح لعندهم وبنسليهم وبنخليهم يشربو كاس ونبسطهم ... وو ... و يوقعوا عالاوراق ... يعني لنمشي الشغل ....
سمعت هيك ونزل التلفون من ايدي من الصدمة ... وبلشت عياط ... صارت سارة تنادي باسمي ... مو قادرة احمل التلفون ابداً ...
أنت تقرأ
جسد بلا روح
Spiritualهيا فتاة جميلة ... رفضت كل من طرق بابها من الرجال طالباًيدها للزواج ... الى ان طرق قلبها براء وتزوجا ... وسافرا ... اكتشفت هيا ان براء مجرد انسان يرتدي قناع الالتزام ويخفي وراءه الكثير من السفور ... ترفض هيا الواقع ... وتحاول الهروب منه بشتى الطرق...
