انا يوميتها ما نمت وانا افكر ... ما عرفت لمين اشكي ... وما لقيت قدامي غير سارة ...
" مرحبا سارة ... انتي عارفة انه براء اجا ... الحقير مصورني ....ونازل يشنع في سمعتي ... مو عارفة شو اعمل "
بعد عشر دقايق اجتني رسالة من سارة :
"قلتلك براء مو هين ابدا .... اسمعي ... لازم تثبتي برائتك "
بعتلها :
"بس كيف ؟!"
سارة:
"لازم تتقابلي معاه وتحاولي تمثلي انك بدك ترجعيله ...وتستدرجيه بالحكي ولازم تحطي تلفونك عالفيديو بمكان مخفي ...وهيك بتثبتي برائتك "
انا:
"فكرة حلوة كتير شكرا سارة"
تاني يوم الصبح رنيت ع براء ....
براء: نعم ست هيا ...
هيا : براء انا بدي احكي معك ...
براء : ما في بيناتنا حكي ...
هيا : ضروري كتير ...
براء : بعد ما خنتيني وتطلعي مع خلايجة .... انا وين يروح وجهي من الناس ...
(بعقلي:يخرب بيتك ) انا: برضه انا يا سيد براء... على كلٍ.... لازم اشوفك ...
براء : ما بقدر اشوف وحدة خاينة زيك ( علّى صوته )..... انتي خنتيني .... وأنا مفكرك محترمة ....
انا ( وكان نفسي اقتله): براء.... انا ندمانة حبيبي ... لازم نتفابل لنتفق ...
براء( بصوت عالي) : ندمانة قلتيلي ... وانا حقي ووجعي مين بده يرجعه ...
هيا : لازم نتفاهم ... بدي ارجع للشغل ...
براء: بشوفك ... بس مستحيل مستحيل اسامحك ... فاهمة ...
هيا :طيب تعال عال ٣ عصر ...
براء: ماشي .... بس عشان تعرفي كرم اخلاقي ....
فهمت بابا وماما عالخطة ... واستنيته الساعة ٣ .... رن الجرس ... وقلبي دق بسرعة وخفت .....كنت مخبية الموبايل منيح بالفضية وحاطيته عالفيديو ....
فتحت الباب بهدوء وقعدته بغرفة الضيوف ققبال الكاميرا ...
انا: وهلأ شو بدك ...
براء( على صوته) : بدي حقي يا خاينة ....
انا: براء هالتمثيليات مش ضرورية .... انا وانت هلأ لحالنا ... بابا بالشغل وماما عند مرت عمي ...
براء: مممممممم وبدك اياني اصدق ....
انا : انت حر ...
براء: خفتي من الفضيحة ...
انا: بس انا ما رضيت افضحك قدام الناس زي ما انت عملت .... انا مو فاهمة ليش رحت لبابا عالشغل ووطيت راسه قدام كل الموظفين ....
براء: ههههههههههههه( ضحكة شريرة) .... يعني مفكرتيني حمار ولا غبي .... اللي عملتيه غلطة لا تغتفر ...
انا : وشو هية...
براء: هيك تستغفليني وتسافري وبدك تفضحيني ... الله كشفك .... من غامض علمه ...
انا ببالي (انت بتعرف الله)... وكمل : انا يا ست هيا ما حدا بيسترجي يخدعني .... ما حدا.... فاهمة ....
انا : والحل ....
براء: تعتذريلي قدام اهلي واهلك ... وانا بكرم اخلاقي بسامحك ...
انا : اه .... بس بخصوص الشغل ...
براء: كل شي بيرجع لمجراه ... وهالمرة ... بتعملي اللي بحكيه ....
ابو مناف تعلق فيكي كتير ... وهراني تلفونات بده ياكي ....
انا : يعني شو ...
براء: بدي خلص ... تعلقيه ... يخليه يحبك ...
وما يستغني عنك ....
انا : اها... وليش ؟! الصفقة ووقع عليها ...
براء: ابو مناف زلمة عنده فلوس ما بتاكلها النيران ... ومفيش مشكلة لو هداكي طيارة ... ولا فيلا ... ولا حتى سيارة ....
وبعدين رح يغرقك بالدهب والالماس ... غير الطلعات والجيات ...
انا : طيب شو المطلوب ؟!
براء : ابو مناف بده يقضي معك اسبوع باروبا ... رحلة ....
انا : وهلأ انت واثق بأبو مناف ما يلمسني ...
براء: هيا هيوشتي .... هادا شغل ... بعدين اتنازلي شوي ... يعني شو بده يصير يعني.... زواج واتزوجتي ... ما حدا رح يعرف ...
انا : وشو نوع التنازل ؟!
براء : مالك هيا بعرفك ذكية ... خلي الزلمة ينبسط وكله بحقه ....
انا : يعني سارة بتعمل هيك بتنام مع زلام ؟!
براء: حبيبتي هاد شغل .... يعني نومة عن نومة بتفرق ... .. المهم مشاعرك ما تخونيني فيهم ... الجسد تحصيل حاصل ...
انا: ممتاز ( وانا موافقة)
براء: الحمدلله اللي عرفتي مصلحتك ... الساعة ٩ بجيب اهلي ... وبتعملي اللي اتفقنا عليه ...
انا : موافقة ... بستناك ...
براء: وهسا حبيبتي بدي اروح وبشوفك بالليل ... وباسني عخدي وراح...
لما راح ... ركضت عالفضية ... وطلعت الموبايل ... وشفت الفيديو ... ...
ركبت تكسي وركضت لعند بابا ... وورجيتو الفيديو ... حضني بابا وقلي هسا لازم ننسخ الفيديو عاكتر من سي دي للضمان ... وفعلا نسخناه ... وطلب مني ابعت لبراء الفيديو ... واكتب تحتيها رسالة ...
" هاد الفيديو ... نسخته عاكتر من سي دي ... ولا تفكر ابداً تبتزني ...انا ما رح العب لعبتك القذرة وافضحك ... فاحفظ ماء وجهك وطلقني بهدوء وتكذب كل اللي نشرته عني من اشاعات ... وتخلي اختك تكتبلي رسالك اعتذار بدل اللي كتبته ... دبر حالك .... واذا بترفض ... ببعت هذا الفيديو ... لكل افراد عيلتك ... و يشوفو براء الحقيقي ... شو قلت ؟!"
بعتلي براء بعد ساعة : " انتي طالق .... وانا بتفاهم مع اهلي"
تنفست الصعداء ... واتعلمت انه الانسان بكون قوي لما يكون ماشي بطريق الحق ... وما يحط الحق عالظروف لحتى يغلط ... والانسان ابداً ما يتخلى عن قناعاته لو كان تحت الضغوط ...
انا هلأ اتطلقت ... واخترت لقب مطلقة ... ولا احمل لقب عاهرة ... انا ما بهمني الفلوس ولا الثراء ... انا بهمني اني ارضي ربي وبس ...
تمت~
أنت تقرأ
جسد بلا روح
Spiritualهيا فتاة جميلة ... رفضت كل من طرق بابها من الرجال طالباًيدها للزواج ... الى ان طرق قلبها براء وتزوجا ... وسافرا ... اكتشفت هيا ان براء مجرد انسان يرتدي قناع الالتزام ويخفي وراءه الكثير من السفور ... ترفض هيا الواقع ... وتحاول الهروب منه بشتى الطرق...
