جسد بلا روح

الهروب

بعد اسبوعين ....
رنت سارة ... عليي ...
انا : ايوة سارة ...
سارة : خلص بكرة جهزي حالك ال ٨ الصبح بدي اخدك عالمطار ...
انا ( مبسوطة ) : خلص ماشي ...

ما نمت ليليتها من كتر الفرحة ... وحتى براء استغرب فرحتي ...
صحيت تاني يوم ورحنا انا وسارة ع المطار ... وعالعشرة كانت طيارتي ... وقفت انا وسارة لتودعني ...
انا : شكراً كتير سارة عكل شي ... عنجد مو عارفة كيف اردلك هالجميل ...
سارة : انا بيوم من الايام كنت بتمنى حدا يطلعني من هالجو .... بس خلص اللي صار صار ....
انا : بتقدري اتوبي وترجعي لربنا ..وتطلعي من كل هالقرف .  ... وانا بشد ع إيدك وبساعدك ...
سارة : خلص ان شاء الله باقرب فرصة ...( طلعت سارة فلوس ومدتهم عليي) وكملت : هدول شوية مصاري خديهم ودبري حالك فيهم لتوصلي بالسلامة ...

حضنت سارة وبستها وتشكرتها وودعتها ... ركبت الطيارة وحسيت خلص كل شي انتهى ....  وخلص صرت حرة وطليقة ... واكيد اهلي رح يوقفوا معي ويطلقوني ...

دخلت سما الاردن وحسيت روحي خلص رجعت .... و طلعت من المطار وتنفست الصعداء .... وركبت تكسي وخليت التكسي يوديني على محل جلابيب ... واشتريت جلبابين ولبست واحد بالمحل .... فكروني اللي بشتغلوا بالمحل اني تحجبت جديد واللي يبارك واللي يزغرت ... والله يدعيلي بالثبات ... بكيت بالمحل لما شفت حالي خلص رجعت .... رجعت هيا اللي بحب اشوفها واللي تعودت
شوفتها  .... طلعت من المحل وركبت تكسي .... ورحت عند اهلي ...

رنيت الجرس ... واخوي( رائد )  فتح الباب ...
رائد : هيا حبيبتي ( وحضنني ) ليه ما قلتي انك جاي ...؟! ( وصار ينادي :) يممما يمممما شوفي مين اجا ...
امي: مين مين .... (انصدمت لما شافتني وصارت تعيط وانا كمان واخدتني بالحضن ) ....
رحنا قعدنا بغرفة القعدة بعد ما سلمت عاخواني وخواتي ...
امي : ليش يا ماما ما خبرتينا انك جاي ....
(صرت ابكي ...)
امي : هيا شو مالك شو عاملك براء ....
انا : والله يا ماما حرام هالاسم عليه ....
امي: ليش شو في خوفتيني ...
( وحكيت لامي كل شي صار )
امي: مجنونة انتي .... معقول براء ... يعمل هيك ....
انا : والله يا ماما انا مصدومة زيك بالزبط....
امي: ولك انتي شفتي ميف الناس حمدت فيه وباخلاقه ... وزلمة ملتزم ... مستحيل يعمل هيك مستحيل .... انا مو قادرة اصدق ....
انا : ولا انا يا ماما ... مو قادرة اصدق ....
امي : خلينا نشوف شو ممكن يصير .... بس يجي ابوكي ....

اجا بابا وسلمت عليه وحكيتله القصة كاملة ... متل ردة فعل امي ما صدق وكان مصدوم .... لكن اكيد وقف جنبي وقررنا نطلب الطلاق منه .... لكن وضع انه الشغلة صعبة ... بما انه فيها قدح وذم ... لازم نتروى شوي وخصوصاً عشان مشاعر اهله .... اللي همة بالاساس صحابنا....

من ٣  شهور زواج يمكن هاي اول مرة بنام متل هيك مرتاحة ومبسوطة .... ع تختي ... بغرفتي .... ببيتي ... بحضن اهلي ... الحمدلله ...

اصحيت الصبح وكان في مسج من سارة بتقول :
" صباح الخير هيا....
ديري بالك براء جاي عالاردن ... انا غلطت وحكيت لرامز اني سفرتك عالاردن ... وحكا لبراء .... اجا براء ضربني ... حتى رامز ما فتح تمه ... الحقرا ....ووعدني انه رح ينتقم منك ..... وهيه بده يحجز...بأقرب وقت ....
انا جد خايفة عليكي "

ما عرفت شو اعمل .... بس انا مو خايفة اهلي وراي .... لازم هالمسج اورجيه لبابا ... باسرع وقت ...

لما رجع بابا المسا من الشغل طلب يشوفني ويقعد معي ...
بابا : انتي بتعرفي انه براء بالاردن ....
انا : عارفة رح يجيي بس موبهالسرعة ....
بابا : شو عرفك ؟!
انا: سارة .... مرت صاحبه ... نبهتني ... منه ... والظاهر ناوي ع شرّ...
بابا : بصراحة اليوم اجاني الشغل ...
انا (مصدومة):  آه ...
بابا : وصار يحكي عنك كلام .... قدام خلق ربنا وكان يصرخ ....
انا : متل شو؟!
بابا( خجلان ) : انه اكتشف انك على علاقة مع خليجي واسمه ابو نايف ... وبدك تطلقي لتتزوجيه...
انا : الحقير ...الكلب ... ما عنده ضمير ....
بابا : بابا حبيبتي ... قوليلي ... هسا كلامه .... ممكن ولو ١٪‏ يكون حقيقة ؟!
انا : بابا انت شو بتحكي .... مستحيل ... ابداً ....اذا انت بتشك فيي .... كيف الغريب ... ( وصرت ابكي )
بابا : يابا والله ما بشك فيكي انا اللي ربيتك ... انتي بنتي وحبيبتي ... (واجا حدي ومسك ايدي ) .... بس نازل يشهر فيكي لانه هددني ... يابا ورجاني صور الك مع واحد خليجي ... وانتي لابسة قصير ... كنتي عريانة ... عريانة ... ( وصار بابا يبكي ) ... وانا وين اودي وجهي من الناس وين ؟! ...
انا : الحقير ... مستحيل ... مش طبيعي هالبني ادم ... ومريض نفسي .... انا مو عارفة شو اعمل ....
بابا: لازم نفكر بهدوء... ونشوف كيف بدنا نخلص من هالمصيبة ....

بعد بشوي بعتتلي ميرا اخته رسالة الي :
"ما كنت مفكرتك لهاي الدرجة حقيرة .... انا ندمانة اني اتعرف ع وحدة فلتانة زيك "
و بلشت عياط ....