بعد مرور شهر
والد يوسف بصدمة :خسرت كولشي خسرت فلوسي وشركاتي
السكرتيرة : استاذ وجدنا مشتري للاسهم
والد يوسف : من هوة
اياد : اني استاذ انور
والد يوسف : تفضل منو انت
اياد : اسمي اياد مالك شركات ****** اكيد سامع بي
والد يوسف : يي تشرفت بيك
اياد : اني سمعت انك تريد تبيع نص اسهمك واني اريد اشتريهن
والد يوسف : ي نتفق ع السعر
اياد : اوك
اشترة اياد الاسهم وخسر انور والد يوسف كولشي يملكة
عند يوسف
يوسف : حبي بيج شي
اسراء :ما ادري دايخة وما اشتهي اكل
يوسف: ، امشي نروح للدكتور
اسراء : ما كو داعي حبي
يوسف : شنو ماكو داعي يلة حبي امشي
اسراء : حبي شكد عنودي
يوسف : غير علمودج حبي شعندي غيرج ياعمري انتي
اسراء : فديتك حياتي يلة امشي
قبل شهر
يوسف
قررت اتزوج اسراء ورحت اخطبهة اني وفرح واياد وامي بدون علم ابوي
واليوم هوة زواجنة رحنة للمحكمة وللشيخ عقدنة
يوسف : الفف مبروك عليج حبي
اسراء : الفف مبروك عليك حبيبي
فرح : مبرروك عليكم ياعرسان
اياد : مبروك عليك ياعريس
اسراء ويوسف : الله يبارك بيكم يوم لالكم
فرح واياد : تسلم
في بيت ابو يوسف
والد يوسف بعصبية : انت شلون تسوي هيجي ومنو كلك
يوسف : يابة تدري اني احبة ومستحيل اتزوج غيرهة
والد يوسف : وفرح انت مو مخطوب اله
يوسف : فسخته البارحة
والد يوسف : هسة اطلكه لااسحب منك كولشي
يوسف : ما اطلكه وشتريد تسوي سوي
والد يوسف : اطلع برة وانت لا ابني ولا اعرفك ولا تعرفني ومتبري منك
ام يوسف : لا اترجاك ابو يوسف اتهدة ب الرحمن هذا ابنك الله يخليك اسحب كلامك
والد يوسف: انت لتدخلين
يوسف : مشكور هاي كولهة علمود الفلوس 😖😞
والد يوسف : اطلع برررة
يوسف : طالع يلة يمه مع السلامة اريدج دائما راضية علية
ام يوسف: الله وياك يمة محروس والله يرضى عليك يارب😖
والد يوسف: 😒😒😒
في بيت فرح
فرح : بابا ماما اريد اكوللكم شي
ابو فرح : تفضلي اميرتي
ام فرح : كولي عمري بيج شي
فرح : لا ماما حبي مابية شي
بس اريد اكوللكم انو اني فسخت الخطوبة من يوسف
ابو فرح : ليش حبي اذاج بشي سوالج شي
فرح : لا بابا بس لا اني احبة ولا هوة يحبني وهوة اليوم اتزوج
ابو فرح : شنووو
فرح : اي بابا هوة هذا الي صار فمنكدر انكمل بعد
والدة فرح : اوووف الحمد لله والشكر خلصنة من ه البلوة
فرح : اي صح بابا الباجر راح يجون خطابة ع دينا
والد فرح : هلة بيهم
بعد يوم
عند ايمن
ايمن : ها اياد شون طالع
اياد : تلعب النفس
ايمن : كول والله 😦
اياد: ههههه شبيك طالع حلووو والله تخبل
ام اياد : الله يديم هاي الابتسامة ان شاء الله
ايمن : ها ماما شلون طالع
ام ايمن : يمة تخبل طالع الله يحفظك
ايمن : يلة نروح راح نتاخر
اياد : شبيك اهده هسة نروح
ام ايمن : يلة امشي نروح
عند دينا
دينا : فرح عزة متوترة وخايفة
فرح : حبيبتي متكو داعي تخافين اهدي
دينا : شلون شكلي طالعة حلوة
فرح : تخبلين والله
ام فرح : يمة تخبلين طالعة مثل الملاك
دينا: شكرا حبي ماما
صوت الباب يندك ✊✊✊
دينا : عزة اجوي
فرح : اهدي شبيج
امشي نروح بلمطبخ
دينا : يلة
بلمطبخ
فرح: دينا صبي الگهوة
دينا :اوك
دينا : خلصت
فرح : حطي علامة ع هذا الفنجان وحطي بي ملح
دينا :ليش😕
فرح : علمود نشوف يستحمل يعيش وياج لو لاء
دينا : لج لا خطية
فرح : دحطي
ام فرح : يلة دينا ماما تعاي وزعي الكهوة
دينا بتوتر : اوك
فرح : يلة ولتتوترين
في الصالة
كعدت فرح كدام اياد ودينا وزعت للكل قهوة وصلت لايمن
ايمن : طالعة تخبلين
دينا :😊😊
ايمن شرب الكهوة : كح كح
دينا : صحة صحة
ايمن كمل شرب الكهوة دينا باوعت علي وابتسمت بادله الابتسامة
اياد باوع لفرح وغمزله وهي خنزرت علي علمود ليشوفوهة اهلهة
اياد ،: والله يا ابو فرح مثل ماتعرفون احنة اجيناكم نطلب ايد بنتكم على سنة الله ورسوله شتكول
ام اياد : ي شتكول
ابو فرح : والله اني علي موافق بس شنو رايج دينا
دينا : بكيفك بابا
ابو فرح : يعني موافقة
دينا : ي موافقة😊
ام اياد : اذا نقره الفاتحة
ام فرح : نقراهة
قرو الفاتحة وخلصو
وبعد مرور اسبوع سوو حفلة خطوبة وصارو مخطوبين رسمي وقررو يزوجون بعد شهرين
نرجع حاليا
عند يوسف
يوسف : بشري دكتورة شبيهة مرتي
الدكتورة : الف مبروك مرتك حامل
يوسف بفرح : صدك شكرا الك ياربي الحمدلله والشكر
اسراء بفرح :الحمدلله والشكر ياربي
يوسف : بعد كولشي متسوين شغل البيت كوله عليه خوش حبي
اسراء : بس حبيبي
يوسف : بلة بس
اسراء : ههه اوك😊
عند اياد
اياد : حبي صار كولشي حسب الي نريدة
فرح : صدوك حبيبي
اياد :والله وعمج خسر كولشي
فرح : وبابا شلون
اياد : لاشيلين هم اني احجي ويا
فرح ،: اوك حبيبي احبك
اياد : احبج يلة حبي باي 😘
فرح ،: باي 😘
فرح طلعت من البيت اني وطالعة شفت واحد كدامي ورافع مسدس بوجهي خفت كولش بعدين كال
المجهول : انتي اليوم نهايتج ع ايدي
فرح بخوف : بس شمسويتلك اني اهدة وذب المسدس من ايدك وخل نتفاهم
المجهول : مع السلامة
صوت اطلاق نار.....🔫
____________________________________________________
الى هنا وانتهى البارت
والنهاية لو باجر لو بعد باجر
لاتنسون حبايبي اذا تفاعلتو انزل بسرعة 😘😘😚😚
يتبع......
