စည်း (အခန်းဆက်)

Part 1 (Zawgyi)

မငြိမ်သက်နိုင်သော လေပြင်းက အရှိန်ပြင်းစွာ တိုက်ခတ်လို့နေသည်။ ထန်သောလေကြောင့် သစ်ရွက်ဝါများ ၀ဲကာ ၀ိုက်ကာ လေပြင်းခေါ်ရာလိုက်ပါကခုန်နေကြရရှာသည်။

ထက်ပိုင် ပြတင်းပေါက် သစ်သားတံခါးများကို အားသုံး၍ ပိတ်လိုက်ရသည်။ လေပြင်းက တင်းတင်းဖိထား၍ လက်နာသည်အထိ ဆွဲပိတ်ရခြင်းဖြစ်သည်။ အိမ်တံခါးမကြီးမှာမူ စောစောကတည်းက ပိတ်ထားပြီးဖြစ်သည်။ တံခါးအကုန်ပိတ်လိုက်သောကြောင့် အပြင်မှ လေသံအနည်းငယ် စဲသွားသလို သစ်သားပျဉ်ထောင်အိမ်လေးမှာ အလင်းရောင်မရှိတော့ဘဲ မှောင်ကျသွားသည်။

အမှောင်ထဲမှာဖြစ်သော်လည်း ရောက်ဖူးနေပြီဖြစ်သည့် ဒီအိမ်ကလေး၏ အပြင်အဆင်မှစ၍ အသုံးအဆောင်အထိ သူ အားလုံးကို မှတ်မိနေပြီဖြစ်သည်။ ကျယ်ဝန်းသော ဧည့်ခန်းတွင် စာအုပ်စင်တစ်ခုမှလွဲ၍ ဘာအဆောင်အယောင်မှမရှိ။ သစ်သားနံရံတွင် ကပ်ထားသော ပြက္ခဒိန်မှာလည်း ဘာပုံ ဘာရှုမျှော်ခင်းမှမရှိ၍ ခြောက်သွေ့သော အခန်းကို ပို၍ပင်အထီးကျန်ဆန်စေသည်။

ဧည့်ခန်းတစ်ခုလုံး ဧည့်သည်လာလျှင် ထိုင်နိုင်ရန် အသင့်ခင်းထားသော ရောင်စုံဖျာတစ်ချပ်သာရှိသည်။ ခရီးမှရောက်ရောက်ချင်း ချထားခဲ့သော သူ့ လက်ဆွဲသေတ္တာမှာ ဧည့်ခန်းအလယ်တွင် ထီးထီးကြီးရှိနေသည်။

လက်ဆွဲသေတ္တာကို လက်ကိုင်မှမယူကာ အိပ်ခန်းရှိရာသို့ ဆက်လျှောက်လာခဲ့သည်။ အခန်းတံခါးကိုတွန်းဖွင့်အ၀င် မသိမ်းရသေးသော ခြင်ထောင်နှင့် လုံးထွေးနေသော စောင်တစ်ခုရှိနေသည်။ ထက်ပိုင် မျက်မှောင်ကြုတ်သွားမိသည်။ ဆက်ပိုင်တစ်ယောက် အိပ်ရာပင်မသိမ်းနိုင်ဘဲ အပြင်ထွက်သွားသည်မှာ မယုံကြည်နိုင်စရာကောင်းလှသည်။

အလုပ်မှ အားလပ်ရက်တစ်ချို့ရသည်ဖြစ်၍ ထက်ပိုင် ယခု ထားဝယ်ရှိ ဆက်ပိုင်အိမ်သို့ ရောက်နေခြင်းဖြစ်သည်။ သူ ရောက်မည့်နေ့ကို ဆက်ပိုင်သိအောင် ကြိုတင်အကြောင်းကြားကာ ဆက်ပိုင်နားသို့ လာနိုင်မည့်ရက်ကို လက်ချိုးရေတွက်ကာ စောင့်စားခဲ့သည်။ တကယ်တမ်းကျတော့ သူ ထားဝယ်ရောက်ခါနီးမှ ဆက်ပိုင် ဖုန်းတစ်ချက်ဆက်ကာ ဆေးရုံမှာအရေးကြီး၍ အိမ်မှာမရှိနိုင်ဟု ပြောပြီး ဖုန်းကိုချက်ချင်းလိုလို ချသွားခဲ့သည်။