يوميات البانغتان في المروك

فكرة من؟؟

كيف ديما خارج كينقز من صال التدريب...عمرو ميتبت..كينقز ومعلابالوش..
اح خبط فشي حد..
... :شيم الحب شوف قدامك الساط
جيمين: الله ينعل لي ميحشم هذيك قولها لراسك
....:اشوف اداك القزيبان جمع راسك
جيمين :لمن تاتقول لقزبان يالخشبة ديال ضو،شوف اداك ولد المريخ (عرفتو شكون..الفضائي) فوتني عليك راه العود لي تحگرو يعميك.. يالاه طير...
تاي..السماحة ولد عمي هاهو طاير...
.............................................................
فالبلاصا ديال التدريب كولشي مبطح  عيان من ..نقز نقز.. كولشي تفرش بالعيا
.............................................................
رابمون....نوضو نوضو ادوك خياتي قدامنا ساعة مزال ديال التدريب باراكا من العگز
شوگا...بلاتي نعس غا شوية وهنا معاك حق الله
كوكي...موني والله حتا شحف مد مد شي شريبة من حداك الله يحفضك..
رابمون....نوض ليها باراكا من التنونيخ
جيهوب....موني تا انا عييت باركة ليوم هاد ساعة نعوضوها غدا لَي حاااااااافضك
جين...ساعة ولا جوج غدا ولا بعدو انا قتل دينمي الهييمري تشهيت غا شي حاجة..
كوكي...شناهية هاد الحاجة..
شوگا ...تا مزال كتسولو معارفش هاداك لي حداك راه ياكل الحجر  وياكلك تا نتا الا مبعدتي من حداه😂
جين..😒غتمشي ..يه..لا؟؟
رابمون..الدراري فيناهوما دوك البراهش.
جيهوب...ها واحد..(زعما على كوكي)
كوكي...من نيتك...عاود راه مسمعتكش.
جيهوب....والو..
رابمون...لا داوي على دوك جوج سلاقط منعرف فين سلتو من قبيلة وهوما غابرين....
شوگا..خافييك..؟؟ واحد راه كينقز من هنا لهنا...
جين...ولاخور كون راه يقلب على شي وحدة يدور بيها تاني..
جيهوب وكوكي.....خااريين بالضحك..رابمون...يالاه ادراري جمعو الوقفة خليونا نتحركو...
.............................................................
            فقنط اخور من بيغ شيت**
.............................................................
تاي...اشوا هادشي...
(گالس فالبيت دالمكياج وهاز بيروكا يقلب فيها....)
تاي...بلاتي نجرب كاع نشوف كي غنجي زوين🙎...
من جيهة لاخرة جيمين كيدور هنا وهنا ما روبما تبان لو شي قوقة....
داز من حدا بيت المكياج بانت لو واحد خيتي....قال بلاتي نجرب..
دخل كيتسلت....تاوقف وراها...
جيمين...زين زين اش كيدير هنا وحدو..دوري نشوفوك...اح الزين بلدي من شعورو باين..
تاي...والله ينعل لي ميحشم....
جيمين...يعطيك الدل طيحتيني😂😂..
تاي..مال مك سلقوق ..والله يخليها قاعيدة فيك....
جيمين،بغا يسلت....صاف صاف هَنا غادي
تاي...ضور..9 6..يالااه..
تاي كيتباها....ناري انا والله حتا زوين غير من ضهري طيحتو😂😂
.............................................................
المهم سالاو التدريب واللعب وجمعو الوقفة وقلعو للدار.....يرتاحو....
.............................................................
الساعة ضربات فالثمنية دالعشية...الدراري وصلو لدار ..
...شوگا.... لاح الصاك فجيهة والسبادري فجيهة وتكا على واحد السداري وبدا يشخر
....جيمين تاي....طارو كيجريو للحمام و مدابزين شكون يدخل يدوش هو الاول
....جيهوب كوكي وموني...دخلو يبدلو...
....جين...بلا منقول فين مشا راكوم عارفين...😂
ضربات العشرة ديال الليل...
رابمون...يالاه العشران نزلو تگاعدو بغيتكوم..فشي حاجة....
جين...بلاتي غار هاد المضغة وانا معاك..
شوكا...زيدني 5الدقايق ونفيق...
جيهوب كيعيط...كوكي جيمين تاي...انزلو تگاعدو باراكا من اللعب...(مدابزين على البلاي شكون يلعب.)👶👶👶..😂
رابمون...يااربي تعطيني الصبر...
من مور عشرا الدقايق كان كولشي مجموعين.....
جين..اهاه اش حب الخاطر..
جيهوب وشوگا...خبار الخير...
رابمون...الدراري راكوم عارفين الصيف دخل..و هاد الساعة معندناش بزاف دالخدمة...باقي لينا غا شي سيمانا ديال التدريب صافي..
جيمين...ومن بعد...
كوكي..مالك كتنقز سكت خلي السيد يدوي
رابمون...المهم رانا واخدين عطلة وغتبدا من السيمانا الجاية...
تاي وجيمين...ارا بررررررع
شوگا ...الله الله...
جين...وشحال فيها هاد العطلة بالسالاما.
رابمون...عطلة مفتوحة...
جيهوب...حليلي. ..وشنو لبلان اشاف...
رابمون....البلان...هو غنسافرو برا البلاد ولاكين مزال معرفت فين....
جين...نمشيو لايطاليا الله يحفضك تما الماكلا منعودش لك....البيدزا كي دايرت وسب.....
جيهوب سد لو فهو....واش نتا معندك فاش تفكر غا كرشك الله يحفض تاكل متشبع ياااا ربي السلاما..
شوگا...نمشيو لشي قنط خاوي...الله السكات وراحت البال...
كوكي....وشغنديرو فهاد القنط الخاوي نشو الذبان مثلا نوض الله يمسخك...
جيمين...لقيتها💡....السويد....
تاي...نتا مالك واش مغتوليش تحشم شوية تابع غا التيتيز..
....زعما زعما حيت السويد فيه التيتيز...
جيمين...ونتا سوقك..
تاي لجيمين..👊
رابمون...هنيونا انا عندي الحل...
جيهوب...لي هو...
رابمون...ارا ورقة وستيلو...وارا ليا ديك الخريطة لهنا....نوريك.....
...رابمون...مزياان هكداك....
جين...اهاه شنو ناوي...
شوگا....صبر..
رابمون...غادي نغمض عيني ونضور صبعي غلى الخريطة...والدولة لي جا فيها صبعي..قيدها فورقة صغيرة وطويها ..وغنعاودها خمسة دالمرات..صاف اشوگا...
شوگا...رد البال مع صبعك ليطيح لينا فشي قنط مشي تال الهيه..
تاي...واحد جوج....بدا....
رابمون ضور وضور وجابو فالنرويج..
شوگا..اصاحبي تما السم والبرد...
رابمون.....قيد وسكت...
جين...عاود...
رابمون عاود ضور صبعو...جابو فاليابان..
تاي...لا لا ممعاناش راها غااا هنا بحال لا ممشينا فين...
جيهوب....زيد...المرة الثالثة...
رابمون ضور وضور وجتبو فالسويد...
جيمين ...الله الله يحليلي فرحاتي
كوكي مالك فيك الطيرة. راه مزال قرعة وحدة آخرة
شوگا...بلا متفرح...
رابمون.. عاود ضور..وجابو ففرانسا
شوگا... احسن حاجا ديك البلاد زينة و فيها الروايح والكاااااالم...
جين...وفيها حتا الماكلة زينة...
رابمون...باقا وحدة ياك....
عاود ضور وضور(.😂😂😂😂ياخبر اسود...فين جات)
جيهوب...ها؟؟ هاد البلاد كاين فأفريقيا
تاي...اويلي وحدي...😱...
كوكي..شمن بلاد.هذي تاني...
رابمون...سميتها المغرب...
جيمين ...لاواها الظهر...😂😂
رابمون..ارا نتا دوك لوريقات فاش كتبتيهوم...غنخلطهوم و شي واحد فيكوم يهز وحدة...
تاي...انا نهز....
رابمون...سير عالله....
خلط خلط خلط...يالاه هز....
تاي...هاهو هزيت...
جيمين ...سربي  سربي قوليا راه السويد هديك....
تاي....افريقيا لمك اشمن سويد...
كوكي علاش اش هزيتي...
تاي...المغرب...
جين...واش تما الطياب زين ولا والو....
شوگا المهم هو الهدوء والسكينة....(اجي تشوف السكينة كي دايرة😂😂)
جيمين ...لا لا انا مامتافقش
تاي وكوكي...تا انا...
رابمون...أسكتو نتوما غا مگودين اش كتعرفو...راه هاد البلاد زييينة (تا شاط عليها) راها بلاد العرب هاذيك...
شوگا نقز...عرب😳😍...هي عندهم الصحرا
جين...😍😍 والكباب وداكشي بحال دبي ياك....
جيمين...والتيتيز؟؟..
رابمون...كاين كووولشي غا قولو باسم الله السيمانا الجاية نقلعو اش قلتو...
كوكي...صاف مشات..
جيمين و جين فدقة...انا متافق...
تاي..تا انا...
جيهوب...زيد عالله
شوگا الله يودي هي الاولة...
رابمون...صاف الدرادي مشات السيمانا الجاية يكون كولشي واجد...يالاه غبرو سيرو تنعسو راه...نص الليل هذا...
.............................................................
عطيوني رأيكم فالبارت الاول كنتمنى يكون عجبكم ومتنساوش تعاونوني بملاحظاتكم....
في انتظار البارت الثاني...😘