يوميات البانغتان في المروك

المروك تنادي

من مور سيمانا.......مع الستة دالصباح...
الدار مقلوبة ....والحيحة نايضة والحوايج فكولا قنت...اكيد عرفتو فين هادشي كولشي...#مسكن_البانغتان...نايضة فيه الحرب....
كوكي كيجمع حوايجو ...نص حوايجو بويض ولا دجين....
كوكي...صالوبيطي اولاد الناس فيناهوا.
شوگا معمر جوج باليزات كوحل....بحالهوم بحال داكشي لي وسطهوم..كاع حوايجو كحل فكحل..الله يستر..
شوگا....فين تقاشري الكحلين يالاه لقيت خمسة دالفردات فين الشي لاخور...
جين...قلب عليهوم وسكتنا...
كوكي...افين صلوبيطي ديال الدجين شكون شافو...هالعار ...وفين گاطي الصفر...
تاي....جييييييننن ارا ليا تريكويا لي كنتي لابس البارح داااااابا...
جين ....تا سير انا بالله وبالشرع معاك بقاو ليا غا شراوطك نلبسهم كولهوم مشرگين من شي قنط،،غا تخايلتي راه مشي انا هداك...
رابمون....واااااااا اللَّقوة العسرية وقولو آمين...
....ناري ناري الكاميرا مشقوفة شكون هرسها
جيهوب ...سير دي علينا باسك لهيه...باينة ..شكون غيكون شقفها غيرك نتا مخليتي تا حجا مهرستيها لي دزتي عليه مشاا..
جيمين...ويلي ويلي ماذر فاكر شورطي الكحل القصير لي كيخليني نبان سيكششيي..لي عزييز عليا قاسو جاڤيل..شكوون هاد الحمار لي دارو ليا فالماكينة شكووون...
شوگا...عندك منو عرام لبس واحد اخور وسكتنا...
جيمين....لا ولاكين انا بغيت هذاك قصير بزاف زوين😢...
تاي....واش مكتحشمش....
جيمين....ديها نتا فسوق راسك..وجمع شراوطك....
جين....رابمون واش كاينة الماكلة فالطيارة؟؟؟واش بنينة؟؟
شوگا....رابمون واش كان شي كرسي مْرَّح نتكا فيه ولا داكشي مزاحم..انا بغيت جوج كراسا يالاه يقدوني نتمرررح
جيهوب...موني موني ملقاش شي تلفازة  تما..؟؟
جيمين...موني هز الكارطا نقصرو فالطيارة..
تاي....اييه داكشي لي بقاا..
جيمين ....نتا غا تابعني راه كتقلب على يخ زيد....
رابمون....صبرك يااااااا ربي..واش والدكوم وناسيكوم انا ،واااا باززز كولها يديها فراسو اولاد الناس واك واااك االحق رابمون رابمون رابمون..درتو ليا الترنونو...
جيمين...هادوك المضيفات بوقوصات ياك.؟
رابمون...👊👊
جيمين...😷😖
القشلة...😂😂😂😂😂😂😂😂😂
تاي...يصلح ليك...
جيهوب....صاف صاف الله يسامح
رابمون...يالا سربيوني باش نمشيو نتغداو راه الطيارة مع العشية طلقوني خلاص..
شوگا...وتقاشري..
جيمين....شورطي😢😢..
كوكي...صلوبيطي...
جين...متقدوش بلابيهوم...تال تما وشريو لي بيتو يالاه...
جيهوب...يالاه راه وقت الغدا هزو قشاوشكوم ويالاه راه الطاكسيات التحت كيساينو

.............................................................
شدو طاكسي وتحركو للريسطو حدا المطار...حطو بالزهوم وتستفو فالطبلة...
جين..فيا الجوع مفطرتش سربيونا....
تاي...😳😳شناهوا..داكشي كااامل ومفطرتيش...
جين...اه😌
تاي ...ياك منحسب لك شحال من بيضة ضربتي..
جيهوب...تاي ارا داك الموني نشوف اش غناكلو وهنينا من لبسالا...

.............................................................
المهم كلاو جمعو وسالاو وناضو يتحركو للمطار
.............................................................
دخلو للمطار و مشاو يقطعو التيكي من المكينا..(بلا متسولو راهوم فايتينا الناس مجهدة)
رابمون..كولشي عندو التيكي ديالو...
كوكي..انا لا..
تاي..تا اما مزال هاد النمي معقد مفهمتش ليه...
جيمين ...راه نتا لي مكلخ عليها معرفتيش ليه...
تاي...غتسكت لا؟...ولا والله تنخلطك فبلاصتك ...
جيمين..اها تگادو لكتاف..كترد الصرف مثلا...
شوگا...توما جوج دايرين كي الضراير الله يستر
جيهوب..عندااكوم غا تشوهونا فديك البلاد....
رابمون...هاك شد زمرك....(لكوكي)...وشد نتا لاخور...(لتاي)...وا تعلمو تخدمو ريوسكوم شوية
جين من بعد ما سمع نداء الركاب...يالاه اوليداتي دردبو قدامي "المروك" تنادي
كوكي.... انا ولد ماما م ولد حد...
جين...سكت وتحرك قدامي..
.............................................................
دخلو البانغتان الطيارة وكيف العادة جلسو كوبل كوبل...
نامجين ..باركين مناقشبن كي شي راجل ومرتو😂
ڤيمين...باركين ومقابشين كي الضراير (خلاها شوگا)
جيكوك...مباركين مع الكاميرة دنمجون يشوفو مالها...
اما واحد جدتي شوگا شاد جوج كراسا وقطع لجيهة لوخرة...احتمال كبير انو بدا يشخر...
.............................................................
سو كيف جاكوم البارت...😕معرفتش مي انا جاني شوية ممل ..اصلا رأيكم هو المهم ...سو رأبكم كيهمني و يشجعني باش نكمل اش بان ليكوم...فالقصة توقعاتكم للقادم....
شنو بان ليكوم شنو ممكن يوقع مع البانغتان فالمغرب؟؟
اقتراحاتكم...