يوميات البانغتان في المروك

"بانغتان فرمضان"

دازت الايام وبانغتان مرا هنا مرا لهيه جربو شلا حوايج ودوزو شلا وقات
داز قريب شهر وهوما فالمغرب ..
دازت،الايام وقرب وقت رمضان وجاب معاه العواشر والجو والشهيوات لي كيبغيوهوم المغاربة وبقات لو قريب سيمانة 
وطبعا بانغتان لا علم لهم بهاد شي..
فاقو النهار التالي على روايح الطياب والشباكية والغوات فالزنقة...والرياض نايضة فه القيامة...

.
.
.
.
بانغتان باركين فالصالا كلها شكيدير
شوگا متكي داير يدو تحت راسو ومتفشخ بحالا هو مول الدار
جين ونامجون كيهضرو فالتلفون مع المانجر
جونغكوك  جابد بيسي جيمين وكيتفرج ف فيلم من افلام لي مدخل
والثلاثي العجيب هوسوك تاي وجيمين  كينقزو هنا وهنا كي القرودة
.
.
شوگا..الله يربي شهاد الصداع الروينة لي نايضة
شي حد ينزل يقوليهوم يسكتو
هوسوك..نتا هو السلطان باش نسكتو على ودك نوض تكاعد
شوگا..ايه تا نتا علموك تولي تركعد متليتي تحشم
هوسوك..شكون علمني..؟
شوگا..كيشوف فجيمين وتاي..دوك البراهش لي معاشر معاهوم
جيمين...مالنا حنا شدرنا..
غي شاف فه شوگا وضرب الطم...
جونغكوك..ايه بالصح را شوگا عندو الحق من لي ففقت وجاني الجو فشكل والناس محركة بزاف والزنقة على غير العادة
نامجون ...بعد.ما قطع التلفون...را من البارح مشي غير اليوم
جين..تا انا البارح  شميت ريحت الماكلة معرفت شمن ماكلة مهم  شي حاجة كتكال
جونغكوك..شي نهار متفكرش فكرشك زعما..
جين..نفكر فيك زعما...؟
نامجون...صاف صاف هنيونا انا انزل لعند.مي فاطمة نعرف اش كاين..
شوگا..سير عالله نعرفو شواقع.
.
.
.
.
.
.
دازت نص ساعة والصرف باش خرج نامجون ومتلا رجع.....
شوگا..هذا فين غبر
جونغكوك ..راك عارفو بلا مندوي
شوگا..داير كي شي شارفة غا كيحل فمو متلا كيسكت يا لطيييف
جين..انا انمشي نشوفو..
شوگا..برك الارض نتوما بجوح بحال بحال
غير هو كيدوي فالمهم ونتا كتبرزط الوقت ونتا كدوي على راسك
نامجون.."حل.الباب ودخل"..كتهضرو عليا ولا جاب ليا الله
تاي...ايه كانو كيدويو عليك مخلاو مقالو
جيمين...شبعو فك سبان الليسمح ليهوم
شوگا..وقيدو قيدو البراهش
"جيمين وتاي دارو يدهم على فمهم ورجعو يحنقزو"
جين...فين تعطلتي
نامجون..فاش نزلت لقيت مي فاطمة كتوجد شي لعيبات وقلت نعاونها
شوگا..واش هاد اللعيبات بالسلامة لي هيخدو هاد الوقت كولو
نامجون..اولا نزل سولتها على هادشي لي واقع وشنو كاين
جونغوك..ايه واش قالت
نامجون..ممكن متبقاش تنقز وتخليني نهضر نتا وياه
جين...صاف غا دوي مكين لي غيحبسك.
"جيمين تاي وهوسوك وقفو اللعب وجاو يسمعو"
نامجون..المهم قالت ليا بلي باقي سيمانة ونص على رمضان
جيمين...رمضان..؟
هوسوك...رمضان..؟
تاي..رمضان..؟
شوگا..."ناض هز صندالا 👡وبلع عليهوم"..
نوض نوض نتا وياه لعبو بعيد.خليونا نفهمو يا ربي شحال مسوالين
نامجون..غا خليهوم..نتا مشي حسن منهم فهاذي..
شوگا.."بقا يضور فعينيه ورجع تكا بنفس الوضعية السابقة.."
نامجون..المهم كيف قلت باقي سيمانة ونص على رمضان لي هو شهر من الاشهر العربية عند،المسلمين مهم هاد الشهر كيصومو فه الناس وعندو طقوسو الخاصة عليها كتشوفو بلي نايضة الروينة درك...
جونغوك...طوقوسو الخاصة..؟
جين...كيصومو فه الناس..؟
هوسوك...مفهمت والو..
تاي...ونتا راسك كي السطل خاوي اشبيتي تفهم
"ناض هوسوك هز الصندالا نوبتو وبرك يجري على تاي ويشير بيها مرة تجي فه ومرة لا وتبعهم جيمين وبقاو على ديك،الحالة"
نامجون..غير صبرو...اولا كيفاش...
مهم بقا نامجون كيشرح ليهوم كلشي على رمضان والصيام وكيفاش كيدوز وشنو خاص يكون وشنو لا....تا سالا ..
جين..الله كيكونو فه الشهيوات
جونكوك..الله الزنقة اتخوى من البنات
جيمين.."جا كيجري".. لاااااااااااا علاش اتخوى يا ربي عللااش
شوگا..لي سمعك يقول كتقيل تكحل عليهوم فالزناقي ونتا كي المحجبة مخشي فالدار تا الشمس مكتشوفك..
جيمين ..-_-
شوگا..اجي نتا بعدا ...وشنو هاد اللعيبات لي كنتي كتقاد التحت
نامجون...مي فاطة كانت كتوجد.شي زرارع كتطحنهم باش تقاد سليلو على ود.رمضان
جين..الله يحشمك كون عيطي ليا انا نقادو معاها
جونكوك..باين مزيان واش غتقاد.معاها..
نامجون..المهم تعطلت حيت كنت كنعاونها طحن حيت اليوم ممعاها حد
شوگا..معلينا وشنو دابا..
نامجون..والو قالت لي مي فاطمة بما اننا هنا فالمغرب لي هي بلاد عربية ومسلمة فخصنا نشاركو فهاد الطقوس ولو غير فالنهار الاول
جين...وحنا مالنا ومال طوقوسهم..لا لا انا ممشارك فوالو..
هوسوك...با ربي غتموت الا مكليتي..
تاي..نتا مكتشوفوش غي فالليام العادية اي كيدير خلي يصوم..
جيمين..كيضل ينقب كي شي دجاجة..
ضريو الهاي فايف وبركو يضحكو عليه..
نامجون..ضحكو ضحكو درك نشوفو اش غديرو نتوما
جين..الليسمح لك اش داك تنزل وتجيب ليا هاد الخبار ضرني قلبي من درك
شوگا...باقي لك سيمانة ونص ارااااا متحشلف باش تقضي داك النهار الاول لي غتصوم
جين..والله،الا فكرة زوينة انبدا نعمر من درك.."ناض يجري للكوزينة"
جونكوك.و.شوگا.. من نيتو هذا..
نامجون..معلينا خليه يدير لي عجبو...
.
.
.
.
.
دازت المدة  وبانغتان عااجبهم الجو درمضان وكل ليلة كيخرجو للمدينة يتفرجو ويشوفو كيفاش تبدل الشكل.ديال المدينة..
جات ليلت النهار الاول فرمضان..خرجو كي العادة لقاو الدنيا كتصفر والناس قليلة فالزنقة..سولو مول الحانوت لي فراس الدرب قبل،ميدوزو للمدينة وعلمهن بلي كاين الليلة الاولة ديال التراويح ..وكيف العادة مفهمو والو ولكن عرفو بلي مكين لاش يخرجو ورجعو فحالاتهم للدار...وفاش كانو داخلين للدار تلاقاو بمي فاطمة ياللاه بات تطلع لعندهم..
تاي..اهلا مي فاطمة شتك طالعة لعنا
مي فاطمة..ايه اوليدي...
نامجون..اش حب الخاطر...
مي فاطمة..والو اوليدي جيت نسولكم واش بغيتو تجربو تصومو غدا ولا لا
شوگا..ايه راه تافقنا نجربو صيام معاكم فاول نهار ليكوم
مي فاطمة...مزيااان اوليداتي يعطيكوم الرضى..اوا يلاه اجيو..
جونكوك.."لاصق فنامجون"..لفين...
نامجون.."لجونغكوك بشوية"..سكتنا را مغتاكلكش..
مي فاطمة..وهي كضحك..متخافش اوليدي اليوم مع،الفجر كيكون السحور وقلت اتكونو موجدو والو متاكلو زيدو معايا نعطيكوم شي شهيواات باش تسحرو..
جين وتاي سمعو شهيوات دفعو لاخرين وجاو هوما للقدام تابعين مي فاطمة.
.
.
.مشاو معاها عطاتهوم لي قسم الله من داكشي لي وجدات شكروها،وطلعو لدارهوم..
ضربات 00:00 وبانغتان مجموعين فالصالة كياكلو البيتزا لي جاب جونكوك قال مشهيها ودخلو معاه فيها طول وعرض..وبين ما كياكلو مجمعين..
هوسوك...اح حقا نامجون نتا وجين كنتو الصباح كدويو مع المندجر اش كاين
جين...علاه كاع نتا كنتي راد البال معانا ولا كنتي كتنقز كيشي قرد.هنا،والهيه
هوسوك..خشي فوجهك وسكتنا
جين..والله الا مبقا احترام
شافو فيه كلهم دقة وحدة وتفرشخو بالضحك..
جين...مالي قلت شي عيب...
شوگا...لا لا والو كمل كول كول را غدا مغدوقش النعمة ن...
جين..متسناهش يكمل هضرتو ورجع يكمل ماكلتو
هوسوك...ايوا نامجون قول اش كاين..
نامجون.."حط طرف البيتزا وسند على وراه.."
جونغكوك..واه يا ناري نامجون سند..شي حاااااجة تما اي كاين..
نامجون..والو غير كنستف.. خخخخخ
مهم دوينا الصباح انا وجين مع،المندجر وهو لي صونا،لينا قال بلي مبقاتش عطلة مفتوحة وخاص نرجعو لكوريا من هنا،سيمانة
شوگا..شنهوا...
جين.."كيكحب وحلات لو الضغمة"
تاي كيضربو على ظهرو بشوية علك درك تموت قلت لك تم كول بشوية
جين..تزنغ...اشنو وقتاش قلتيها..
جيمين...سكتو مشي وقتكم...
هوسوك..ولكن علاش..
نامجون..قال بلي خاص نبداو نوجدو للالبوم الجديد حيت قوانين الشارت تقلبو وخاص الالبوم يخرج بكري الا بغينا ندخلو منافسات جوائز الربع الاخير من هاد العام
شوگا..اخخخ زيد.علا بلاان..
جين...ولكن راه مغلحقوش..
نامجون.. لحقو ولا لا تانوصلو تما وندويو فهادشي. 
هوسوك..معليش نقدو عليها
جونغكوك..المهم مي فاطمة قالت بلي اتصوني لك انامجون مني يوصل وقت السحور عنداك تزرفنا ونصدقو بلا ماكلة..
نامجون..قالت ليا بلي ايخصنا نوضو ناكلو مع ديك 3:15 حيت كيودن مع 4:00  واصلا انا درت الرفاي سو متخافوش
شوگا..انا نمشي نعس درك تبغوو تحنجرو فيقوني ..يويلتمكم وتنساوني
جونكوك ...ديني معاك ..
المهم ديك الوقيتة كلشي دخل ينعس الا نامجون وجيمين لي بقاو سهرانين مع واحد الفلم و كل ساعة تلفونو كيصوني برزطو وناض دار لو سيلونس قال مع راسو نبغي نعس نحيدها ساع غفاو وهوما كيتفرجو معقلوش...
السقيل فالدار وكلشي ناعس
ضربات 3:30  وهوما باقين ناعسين وعندهم غي نص ساعة باش يالاه يفيقو وياكلو  سنن يبقاو بلاش
الرفاي عيا ميصوني ومي فاطمة تا هي و مكين لي فاق
فبيت الثلاثي المصرفق هوسوك جيمين وتاي...
تاي من الصبح وهو كيتروكل كي شي دودة تا جابها فراسو زغووووب وطاح للارض وجا نايض وهو يضرب صبعو الصغير من حافة دالناموسية ودار الزلزال فالدار من غواتو...كلشي ناض زز منهم..
طل نامجون فساعتو لقاها 3:45 وباقي ليهوم غير ربع ساعة باش يحنجرو...
ناض كيجري وكيغوت كولو كول كولو حنجرو يالا سربيو سربيو..
الدراري تخلعو مفهمو والو تا كيبان ليهوم جين علق للكوزينة وتبعو نامجون طار كي دخان..مزال سيادنا مفهمو والو تبعوهوم للكوزينة...
لقاو جين داير عشرة دالضغمات ف فمو وهاز جوج ضغمات فهاد ليد وجوج فاليد لاخرا..
ونامجون مشي قل منو ..نفس الشي...
سيادنا عاد فهمو
هوسوك  وجونغوك تاي وجيمين كيغوتو وكيحنقزو كي شي قرودة على عادتهم هنا وهنا وياكلو من هذي ومن هذي
وشوگا واقف عند  الباب كيتفرج وكيتعجب واش هذو نيت خوتو ولا شي حد تاني
شوگا...الله يربي شهاد الحيوانات المفترسة لي عايشين معايا درك يغلطو فيا ويفتارسوني
نامجون سرط لي فمو وهو يغوت عليه
نامجون..ودخل تاكل الله يعطيك الجوع.
شوگا..وراه نتا لي الله يعطيك المحنجر نتا ورباعت الجيعانين لي معاك....واش عمركم دقتو النعمة..
نامجون..شوف بلا متعطلني على خدمني زيد تحنجر رابقات 6 دقايق..
شوگا...دابا الماكلة ولات خدمة...يا ربي صبرني.
نامجون دار راسو مسمعش وكمل كيخشي فهاد الحنك وفلاخور
شوگا دخل بشوية كيتمختر...
شوگا...باقي خمسة دالقايق كليتو حقكم فعشرة الدقايق لي دازت يالاه كلشي برا داكشي لي بقا ديالي
شافو فه كلهم وفامهوم عامرين..دارو راسهوم مسمعو والو وكملو تحنجير
شوگا...اوكي بب متلومونيش من بعد كنبغيكوم..
داز لورا الباب وهز عود الشطابة وطفا الضو وبدا يشير على لي قدامو..
شوگا..يالاه برا برا را حقي تما برا برا
ولي حس بيه قدامو كيشحط معاه...
لي جات فه الدقة كيغوت وكيكمدها ويخرج..
تا خرجو كامل وشعل الضو يالاه جا بيسد الباب باي يبدا ياكل حيت مبقا والو ويأذن...
ضار ولقا جين كيخنزر فيه وعينيه باو يخرجو من بلاصتهم..
جين جيه تال كرشو ومتقربش ليه
شوگا.."تزعزع "..شوف انا وياك صحاب وخوت معليش انتقاسمو تا هادشي معلش نتا غي بقا هنا مكين تا مشكل
جين كيحنجر ومتسوقلوش عارف راسو مغيتحرك تا يكمل..
شوگا يالاه جا يخشي المضغة الاولة ف فمو وهو يأذن وبلا منوصف ليكوم تعابير وجهو كي ولات..
والرباعة كيطلو من الجنب دالباب وخراو علبه بالضحك
اما جين معلا بالوش واش اذن ولا لا مزال كيمضغ حلف ميلوح ديك المضغة لي دار فمو تا جاه هوسوك ونامجون كيجرو فه يخرجوه من الكوزينة بزز
شوگا بقا على نفس الحال مصدوم..شوية وهو يطلق واحد الغوتة زعزع الرياض باللي فيه..
شوگا..."كيمثل وطاح على ركابيه كيغوت "لااااااااااا...علاش انا يا ربي علاااش
ورباعتنا كيطلو غا من بعيد وميتين عله بالضحك...
خونا ناض ودار بحالا مطرا والو وخرج من الكوزينة كيتمختر و جا وقف قدامهم
كلهم.طارو  من قدامو خايفين
شوگا..واش كنعض
جونغكوك..لا ولكن اتخلصها فينا
شوگا..دار ديك،الحركة المعروفة ديالو الابتسامة المعهودة وهز كتافو وهو يقول ..انا مين شوگا..تا حجا مكتأثر فيا اصلا انا مغيجينيش الجوع
تكالماو خوتو وقربو صوبو..
جين..ودرك هذا شوگا مشي داك بع بع لي كان وسط الكوزينة
شوگا...شو شكون كيهضر نتا لي شوية متاكلني غا بعينيك ولاصق على طبصيل كي الغراد...كول الحجر
هوسوك..."كيحك فكتفو"..والله الا كليت دقة مكنة
جيمين..اححح تا انا..
شوگا..نتوما لي قلبتو عليها..
نامجون...معلينا يالاه تكركبو ترغدو درك
.
.
.
وداكشي لي كان نيت بانغتان ضربو عليها بنعسة مّكنا محسوش لا بالوقت ولا باللي ضاير بيهوم ...ممكن نقولو غيبو من بعد حرب السحور ديال البارح
ضربات الوحدة ديال النهار  وا ذن الظهر وهوما مزال شخيرهوم مسموع من من،راس الدرب
تاجاا مي فاطمة دق عليهوم تفيقهوم حل ليها جيمين حيت كان ناعس فالصالة هو ونامجون وقراب من الباب وسمع الدقان
وفتح
جيمين.."كيحك فعينيه"..صباح لخير امي فاطمة
مي فاطمة..شمن صباح اوليدي.را العشية هذي..
جيمين..علاش شحال الساعة..
مي فاطمة را قريبة الجوج هذي فيق خوتك را باش يدوز صيامهم مزيان خاص ميبقاوش ناعسين
جيمين..واخ امي فاطمة شكرا ميكون غا خاطرك..
دخل جيمين نغز نامجون فيقو وداز فيق الرباعة
فيقهوم واحد واحد (والاكيد.انه كلا شي دقة فاش جا يفيق شق شق)
وتجمعو فالصالة...
تاي..اخخخ لاش فيقتونا درك
شوگا..مزال الحال بكري ، الا مكيناش شي حاجة ضرورية تكاحزو عليا خليوني نرجع نكمل نعاسي
جين...اخخ غير فيقتوني وهو يجيني جوع..كنت كنحلم براسي كنت كناكل واحد البوريتوس احححح اللينعضلمك اجيمين لاش فيقتيني شبيتي عندي
جيمين...وانا مالي
نامجون..صاف سكتو تا واحد مغيرجع ينعس جيمين قال بلي مي فاطمة هي لي قالت لو يفيقنا حيت فالصيام مخاصش نبقاو ناعسين..
هوسوك..الا مبقيناش ناعسين اش غنديرو
جيمين..اي حاجة..مهم مخصش نرجعو نعسو
جونغكوك..امم نلعبو..؟
تاي..مزال قد اللعب حنا
جونغكوك..اهاااا وشكون كان كيحنقز البارح كي البعلوك هنا وهنا..انا..
تاي..نتا قلتيها كنا كنحنقزو مكناش كنلعبو
جونغكوك..ايه دابا التحنقيز مبقاش لعب
شوگا...اييييه خلاص ضريتوني فراسي
هوسوك...كيف قال جونغكوك يالاه نلعبو شي حاجة
جيمين..نلعبو الكارطة
نامجون..ايه علاش لا..
جين..انا ملاعبش الا لعبت غيجيني الجوع واصلا فيا الجوع
شوگا..اربي سكت مقلتها انا لي مدقت النعمة بقا غا نتا لي حشلفتي اليابس والخضر
جين..واش انا لي قلت لك متاكلش..
شوگا.."كيتعوج وكيحامرو"..واش انا لي قلت لك متاكلش
نامجون..اووووووووف شي نهار تسكتو بلاصداع ميمكنش
جونغكوك..اخخ ميمكنش
نامجون..مهم صاف سكتونا جيمين نوض جيب الكارطا
جيمين..هي الاولة..
.
.
.
.هوسوك..يالاه ديرو ضوارة
جين..انا انبرك هنا ونتفرج ونراقب ياك مكاين شي غشاش "كيشوف فتاي وهوسوك"
تاي..هيي نتا مالك كتحنزز فيا
هوسوك..وفيا..
جين..والو عادي..
جونغكوك..صاف يالاه ها جيمين جاب الكارطا..
جيمين..ديرو ليا بلاصة..
نامجون..اش انلعبو..
شوگا..منعرف لي بغيتو المهم هو تحاولو عليا راه يالاه كنتعلم
جونغكوك..معليكش
جيمين..انلعبو..سيف قرع(منعرف شنو كتسميوها حنا كنقولو ليها سيف قرع"حط زراوط حط سيوف حط فلوس الخ الخ..)
نامجون..لي خسر انحكمو عليه
شوگا..صاف مشات
بداو اللعب ومزال تا واحد مخرج وشوكا عندو اكبر عدد.ديال الوراق وكلشي كيضحك عليه
وكملو هكاك طاف طاف طاف هز هذي حط هذي تا خرج جيمين نامجون جونغكوك..وبقا تاي وهوسوك وشوگا
وكملو طاف طاف طاف خرج تاي وبقا هوسوك وشوگا ومزال شق شق عندو بزاف دالوراق
هوسوك..كيتفشخر..ايوا صاف يالاه استسلم اصلا مغتربحش
شوگا..ميعجبكش راسك
كملو اللعب وخسر شوگا فاللخر
جيمين...نياهاهاها وجد.راسك
تاي..اووه شقشوقي مسيكين بقيتي فيا من دابا
شوگا..اش هاد الحغرة را قلت ليكوم مكنعرفش نلعب
هوسوك..مسقناش مهم نتا لي بيتي تلعب وخسرتي ودرك غنحكمو علك
شوگا..ايه اسيادنا زيد نشوف اش فيديكوم كاع
جين..شوگا..من هاد المنبر بغيت نقولك راك عزيز وغتبقا فيا بزاف
شوگا..نونو بيبب انا مين شوگا العظيم تا حاجة مكتأثر فيا يالاه شكون غيحكم عليا
جونغكوك ..لي خرج الاول غيحكم
جيمين..يعني انا
شوگا..خوك انا ياك
جيمين..كنعرفك..؟..ياك مكتأثرش ايوا وجد
تجمعو ضويرا باش تافقو على الحكمة
جيمين.."خرج من وسطهم"..فصراحة اقتراحاتكم شريرة بزاف ولكن بغيت نجرب حاجة احسن واخف
شوگا..شنو هي طلقنا دغيا..
جيمين..البارح كنت كنضور فاليوتيوب وبان ليا داك الرقص الشرقي وعجبنيييي ومكرهتش نشوف العرض حي قدامي هنا ودابا
شوگا غير سمعو هز صنادلو وعلق دخل لبيتو وسد الباب بالجهد
تفرقعو عليه بالضحك وجيمين طاااح للارض تفرش وغيموت بالضحك
جونغكوك..هذي هي مين شوگا مكيتأثرش
تاي...اجي اجي لوز  لينا نتونسو شوية
هوسوك..و لويها نعطيك ريال..
سيادنا زادو تفىشخو من دوا تاي و بعد.مدوا هوسوك قلبوهو تطبال على الطبلة وقلبوها حفلة
وبركو يغنو ياشوگا يا قطيب اللوز خيوه يدوز~~
نامجون...وغير رجع مكين لا حكمة لا والو اجي تنشط
شوگا..."فتح الباب وخرج راسو"..ممزيانش لي يغني فرمضان.."ورجع دخل وزدح الباب"
جيمين..اه يه عندو الصح..
رجعو تكمشو كلها فين برك...
جين..واااا في يالجووووع...
جونغكوك..وا بيت الراميووون
جين..وااا متفكرنيش
تاي..اححح توحشت الرفيسة لي كلينا ديك المرة عند.مي فاطمة تعقلو
نامجون.."هز مخدة وشير عليه"..ممكن مدكروش الماكلة..
هوسوك...اخخ والله تا فيا الجوت...
جيمين..يالاه 16:00
جين..مغناكلو تال  السبعة ..
تاي...الله الله..
جيمين..اجيو نتفرجو ونلاهيو الوقت...
ونيت داكشي لي دارو خدم جيمين البيسي وجبد فيلم من افلامو وبركو يتفرجو تا سالا الفلم ضربات الستة سالا الفيلم
جين..اهياوينا باقي ساعة ويأذن وحنا نسينا واحد القضية
نامجون..لي هي..
جيمين..ويلي نسينا موجدنا شي حاجة باش ناكلوها....
جين.."كيندب ويجدب"..نوضو نوضو عاونوني نوجدو الا بغيتو تحنجرو سنن بقاو بالجوع مسوقين انا انمشي ناكل عند مي فاطمة..
هوسوك..عندو الصح يالاه نوضو..
يالاه دخلوالكوزينة وها هو الباب كيدق
مشا تاي حل الباب ولقا دري صغير
الولد..عمو قالت ليكوم مي فاطمة اجيو مع السبعة تفطرو معاها راها دايرا بحسابكم
تاي..واخا الزين قوليها شكرا وراه غيجيو
سد الباب ودخل كينقز للكوزينة..
تاي...احبس جمع وطوي..
جين..شكاين..
تاي..مكين لاش تعدبو را مي فاطمة عارضة علينا للفطور عندها
غير سمعو الخبار ونقزو لاحو الماعن ومشاو تلاحو فالصالون
جونكوك.."كبسوس يدو من بلاصت الدقيق" احح الله ليوم  غناكلو فابور وغنتهناو من طياب جين
جين..مالضلمك كيجاك طيابي كون ما طيابب كون را قتلك الجوع و وليتي كي المجعوف
بقاو هكاك.كلمة فيا كلمة فك تا ضربات السبعة اذن المغرب ونزلو لعند.مي فاطمة واستقبلاتهم كيف ديما دخلاتهم للصالة لقاوها موجدة كلشي وحاطة الطبلة كلشي فيها شكال ولوان..جين فمو طاع من بلاصتو وتاي وجونغكوك والباقي عينيهوم خرجو من بلاصتهم..سهاو فالماكلة وبداو ياكلو غير بعينيهوم..تا دخلات عليهوم مي فاطمة..
مي فاطمة ..دخلو اوليداتي متحشموش مرحبا بيكوم عندي دخلو..
نامجون..ربي يخليك..
دخلو ضارو بالطبلة (تاي حداه كوكي حداه نامجون حدا جيمين وقدامهم هوسوك  جين ومن بعد شوگا )وعطات مي فاطة الانطلاقة ودخلو فالماكلة طول وعرض اشمنك يا حريرة وشمنك يا شباكية وبريوات وعواصر وكاع شهيوات رمضان لي كتعرفو..جين دخل فكلشي طول وعرض مضغة من هذي ومضغة من هذيك وجغمة من هاد العاصير وجغمة من هذاك وشوگا مشي حسن مني تقريبا نفس الشي
جونكوك.."كيوشوش لنامجون"..ويلي ويلي تشوهنا..
نامجون..مالك..
جونكوك..شوف شوف كي كيديرو دوك الجوج
تاي.."سمع كوكي وشاف فجين وشوكا "..مقدش يحبس الضحكة
نامجون...شش فضحتينا سرط غا داكشي لي فمك عمرتي الدنيا
جونغكوك..."كيعيط بشوية لهوسوك باش متسمعوش مي فاطمة" هييه هييه هوسووووك ..والو خونا مخشي فزلافة دالحريرة تا وجهو مكيبان
جونغكوك..عيا ميعيط..وهو يعفط لو على رجلو من تحت الطبلة تا وحلات لو الجغمة.. عادا باش رد البال..
هوسوك.."كيطلع فحجبانو...وكيدوي بشوية"..اشبيتي الليخليك بالخلا وحلتيها ليا
جونكوك...شوف فدوك لي حداك وغتوحل ليك مزيان..
هوسوك غا ضور وجهو شافيهوم وهو يدير ديك الضحكة العجيبة ديالو  بزز شدها..
جونغكوك..ششششش..نغزوهوم نغزهوم را شوهونا مع السيدة..
هوسوك غمز لو وضار جيهت جين  شمر على دراعو  وهو يعطيه بواحد القرصة  ولواها مزيان تا طلق جين واحد الغوتة تسمعات من راس الدرب
كلهم تزعزعو... الا تاي وهوسوك ماتو عليه بالضحك حيت هوما ري عرفو مالو
مي فاطمة تخلعات وهي تسولو..
مي فاطمة..مالك اوليدي..ياك لاباس
جين..مزنغ  لا حمر وكيحك فبلاصة القرصة..دار ديك الضحكة دبلعاني
جين...لا لا غير الماكلة بنينة بزاااف ومعرفتش كيفاش نعبر
مي فاطمة..كول اوليدي بالصحة والا بغيتي نعلمك كيفاش طيبهوم..
جين..ربي يخليك..
بتاسمو وكملو ماكلتهوم بحالا مطرا والو وتاي مزال كيضحك كي الهبيل .

.
.
.
.
.
.
.
.
.
.
.
.
.
.
.
.
.
مهم راني عارفا تعطلت بزاااااااف بزاااااف...
البارت را كتبت شوية منو من قبل رمضان وشي حاجة فالعيد الكبير ويالاه كملت الباقي وقاديت شي حاجة فداكشي لي كنت كتبت سوووو مضربونيش...
وهاد ىاعندي جوج بارتات اخرين خاص نعدل عليهوم باش نحطهوم سوووو تفاعلو الا عجبكوم خليو كومنت وفوت وشكرااا🙌🌸💗💗✨