انيو انيو....سوري والله مكنسالي نكتب حق ربي الحبيب لافاك دالنم والفوت وشلا حوايج...
ولكن تا نوما مدايرينهاش زينة تفاعلكم نقص انا را مكنكتبش لراسي كنكتب ليكوم ورا فيا ميحبس هادشي مي نتوما باغيني نكمل وهاني مكملة وحق الرب راني مشي شي حد كيموت على الكتابة ولا شي حد عندو الافكار را كنتعصر باش نلقا شي حاجة تعجبكم وتضحككم فنفس الوقت نتوما كدخلو وكتقراو تا من فوت مكديروهاش ولا من كومونتات تشجيعية مكنلقاش بزاف
سو بليز بغيتو نزيد.نكمل معاكم تفاعلو معايا والا كانت الفانفكشن عاجباكوم نشروها وشاركوها مع الارميز لي كتعرفو وتا انا مغنخيبكمش
++++كنعاود را الفانفكشن مشي رواية راها يوميات سو لي كيقولولي علاش محابكاهاش(زعما مكينش احدات رئيسية وعقدة ومشاكل ورومانس وداكشي) كنحب نقول ونعاود راها يوميات وبالنسبة للرومانس مدرتش اولا حيت مجانيش رومانس بالدارجة مغتصدقش+ الاغلبية طلبوني باش منديرش ومدرتش...
بالنسبة للاحداث المعقدة والمشاكل منضنش تجي مع طابع دالفانفكشن والا كنتو باغيينها قولو نقدر ندير من هنا للقدام ثانكس...❤❤.....
.
.
.
..
.
.
بانغتان ناويين يدوزو هاد المدة فالمغرب كل نهار فقنط ويجربو كلشي من هنا لهنا ومن هذي لهذي وميخليو تا حاجة باش يرجعو مبرعين لكوريا
سو عليها تافقو كل مرة يمشيو لقطن ويدوزو نهار كيديرو شي ناشاط جديد..
من بعد.ما مشاو للغابة دوزو نهار زوين نشطو تحركو لعبو كورة حنجرو وضربوعا بنعسة ورجعو فحالاتهوم
تافقو الغد ليه يمشيو للبحر يضربو الشواية من بعد ما اقتارح عليهوم شوگا هاد الفكرة...
سو من رجعو من الغابة دوشو وستارحو شوية وناضو عاود يوجدو داكشي لي غايديو معاهوم للبحر بحال ليدارو من كانو غاديين للغابة...
جين ونامجون وجيهوب فالكوزينة كيوجدو دوك الوجبات الخفيفة شلادا وداكشي بيما انهم غيضربو الشواية..
جيمين وتاي خرجو يشريو الموناضا باش يديروها تبرد وميحتاجوش يقلبو فالحوانت فالصباح
شوگا كي العادة من جا من الغابة وهو قالبها شخير مناضش يعاون قالك هو مول الفكرة دونك هوما يطبقو...
كوكي كيقلب على شورطو باش غيعوم...
.
.
.
كوكي....جييين...هاداك الصالوبيط ديالي القصير المشرغ من الركابي فين هو...
جيين...مالك كتسولني ولدتك ونسيتك انا....
كوكي..شكون لي طوا هاد الشراوط انا
جيين...اه ايه راه فالبلاكار ديال تاي علاش اشبيتيه ياك راحنا غاديين للبحر
كوكي ...بغيت نلبسو من نكونو غاديين
كوكي...قلتي بلاكار تاي...اش كيدير تما
جين...منعرف
كوكي...😒
رجع كوكي يقلب لقا صالوبيطو جمعو وجمع شورطو كريم دالشمس وشي تخربيق....
نامجون كيطل من السرجم ديال الكولوار حدا الكوزينة وكيبانو لو دوك الجوح داخلين من الباب دالرياض كي الرعدة جايين كيتجاراو وكيدافعو فالدروج شكون يطلع الاول
.
.
.
.
نامجون...يا ربي اش هاد البراهش باش بليتيني
كوكي...من وسط البيت...سمعتك انقولها ليهوم
نامجون...سكت راك كثر منهم
.
.
.
.
دخل جبمين وتاي وهوما كيدافعو
جيمين كان لابس سروال بيض رجع بيه عامر غيوسات
وتاي كان لابس شورط واسع وركابيه معريين سايل منهم شوية ديال الدم واكل دقة
جيهوب خارح من الكوزينة هو وجين...
جيهوب...كيمضغ...ام على السلامة
جين...اش هاد الحالة كنتو فالحرب مع مول الحانوت واش هاد التعطيلة
نامجون...مشاو يشريوها من كوريا
تاي..الا را كنا غا لقينا شي براهش مكورين برا وكنا مكورين معاهوم
جيهوب...وهو كيشير ليهوم...وهادشي مناش...
جيمين...غا تناطرنا على كورة وطحت فالغيس
جيهوب..كيشير لتاي...ونتا مال ركبتك...
تاي...انا مالي فين فين..
جيمين...كان حال فمو وتعتر وطاح
نامجون..داير يدو على وجهو...اش هاد البلية
كوكي...كيضحك عليهوم...شحال فعمرك اولدي نتا وياه باش تلعبو مع البراهش
جيمين..سير ديها فسوك راسك لن👊
.
.
.
جوايه الحداش دالليل غالسين مقصرين لاعبين كارطة من بعد.متعشاو
.
.
..
أنت تقرأ
يوميات البانغتان في المروك
Humorمهم هو صعيب ان البانغتان يجو تال المغرب ولكن كيبقى حلم وامنية كنتمناو كل نهار انها تحقق ...ولكن ما فيها باس الى تخيلنا وسرحنا بعقلنا شوية اولا..مهم قراو...البانغتان جاو المغرب وشوفو يومياتهوم هنا ..
