يوميات البانغتان في المروك

وادافاك..

المهم البانغتان جروهوم رجليهوم لواحد الحي شعبي بزاف..بقاو غاديين عالله فاللول عجباتهوم البلاصة من الدخلة..السوار والسباغة الزرقة والبيضة والدخلة النقية قالو هنا نباتو....يالمزوق من برا اش خبارك من الداخل 😂😂..
.
.
.
.جيمين..الله هاد القنط زين زين...
شوگا...الكالم الله الله نقيو وديناتنا شوية(واخا انشاء الله غيتنقاو مزيان😂)
كوكي..اش سميت هاد القنط بعدا
جيهوب..تا شكون كتسول ياك ميحسابلك حافضين المروك قنط قنط
موني..اجيو نشوفو شي حد نسولوه..
.
.
.

المهم بقام كيتمشاو تاوصلو لشوكة دواحة الزنقة والصداع والغواااات على الجهد
كوكي لشوگا...الله الله على الكالم
شوگا..😑😑
وقفهوم موني حدا واحد الحانوت فالطريق...لقاو حداه واحد شراف گالسين قالو نسولوه...
موني...عافاك اسيدي نسولك...
عمو١...اش جابكوم لهنا اوليدي..حالتكوم مااشي ديال هاد القنط وما باين عليكوم مغاربة...
عمو٢..شو عينيهوم كي مغمضين...
جيمين...😑😑
عو٢..نتوما لي كتاكلو سراق الزيت ياك(الشناوا)
موني...لا اعو حنا جيرانهوم من كوريا...
عمو٢..بحال بحال تا نتا المهم مغمضين..جيهوب..لموني..بشوية....واش هذا مغيسكتناش يخلينا نتحركو
شوگا...اه راه رجليا طابو عييت
جين...سمعو مسارني كي كيتلواو
تاي..سكتنا نتا وهو دايريين كي الشارفات شحال فيكوم ديال النقير
موني...سكتو....عمو بغيت نسولك
عمو١..اه اولدي
موني...مفخباركش شي دار هنا تكون مزيانة للكرا
عمو١...كاين الله  يودي
جيهوب..مزيان ..كيف دايرا وفين جات وبشحال
موني..؟؟
عمو١..شوف هانا نعت ليك...
غتمشي نيشان تال راس الدرب وغتلقا واحد التلفيتة على يدك ليمين غدور معاها ونتا غادي تال عند الجامع ودور على يدك ليمن ومن بعد ليسر وخليييك غادي غتخرج فواحد الحمام سير شوية غتلقى واحد الرياض كبير تما سول على مي فاطمة راه هي مولاتو
تاي ..جيمين.. كوكي.. 😳😳
شوگا..اشاوا كيرگع هذا اش جا معقلنا حنا على هاد شي
جين..انا مخي مرهق كنفكر فحاجة وحدة منقدش نعقل
جيهوب عرفناك فاش كتفكر غا هني بالك كاين لي حفظ هادشي كولو..
(موني😎)
موني..غمزهوم باش يسكتو...
صاف شكرا اسيدي
عمو١...شوف قوليها سيفطنا الحاج مول الحانوت وراه غتهلا فيكوم....😉
عمو٢..عنداكوم تجلاو..
موني..كون هاني.. شكرا👋
شوگا..😑😑شحا وهو يهضر ومبغاناش نتجلاو..
جيهوب...الله يخلي لينا موني...
موني..امين😎😌
موني...يالاه تحركو قدامي..
شوگا بغيتي تقول ورايا ياك..
موني..هاديك..
.
.

المهم بما انا موني لي حفض الطريق بقا غادي.بيهوم وهو يضورهوم من هنا وهنا وهنا
.
.
.
.

تاي...كيلهث..جاب ليا اللا بحالا كندوزو من نفس لبلاصا
جيمين...تا سكت اش كتعرف..
تاي👊👊
جيمين..😷

.
.
.
.وصلو للرياض ...و وقفو قدام الباب الكبير...داكشي كيبان زوين من برا والتقليدي والفسيفساء والجريدة والخضورة وداكشي كيبان ناضي..
.
.
.
.
موني..هاحنا وصلنا...
كوكي...شكون قالك هو هذا...
جيهوب...واش مكتعرفش تقرا يا داك البرهوش..ياك مندخلوك للمدرسة هنا
كوكي....😑😑راه مشفتهاش مالك
جيمين...كيشوف فالبلاكا..وكيقرا ..رياض مي فاطمة...ممم...علم الله كي دايرا هاد مي فاطمة..😍
تاي..👊..مالك داير هكا اله يخليها قاعيدا فيك...
جيمين....مالي..😛😳..
جين....مي فاطمة...مك فاطمة...راه من السمية باينة واش غا شي شارفة
جيمين...😬😱..
جيهوب..سكتونا ويالاه ندخلو...

.
.
.
.
.
.المهم البانغتان دخلو للرياض وساهين الزخرفة وطريقة البني والزواق لي فالحيوطا والنقشة دالبيبان المهم عجبهوم الرياض بزاف شوگا بقا غا حال فمو...شوية كيتسمع غوات البراهش كيحنقزو وكيغوتو..كورتي كورتك مدابزين....

.
.
.
تاي....الله الله😍😍 براهش...
كوكي....الله الله لقيتي معامن لقيتي قرانك صافي خلات...😂😂😂
جيهوب....وا مشيتي فيها كفتة يا شوگا لا نوم يعني لا نوم😂😂
شوگا..😢😢
جين...موني شوف شوف هاديك شارفة لهيه متكونش هي ديك أمنا...
موني...لي قالو سميتها مي فاطمة؟؟..
مم يمكن..
جين..نتوما بقاو هنا حنا غنمشو ندويو معاها...
(😂😂😂 داير فيها ماما الحنونة)
.
.
.
المهم موني وجين تحركو عند مهوم فاطمة سلمو ودواو معاها على الكرا وشحال الثمن بلا ميحددو المدة حيت عطلة مفتوحة..وقالو ليها على الحاج مو الحانوت....من بعد واحد ربع ساعة رجعو عند العشران كيتغامزو...

.
.
شوگا ...امدرا كاين شي قنط فين نحطو ترامينا راه عييت اولا الناس...
موني..اا....
جين...قطعو فهدرتو...لا لا شوگا دوماج ملقيناش هاد القنط عامر مكين فين يالاه نوض نقلبو فشي قنط اخور
شوگا.. الله يودي...لفين جبتونا ..سيرو قلبو تا تلقاو وجيو ديوني...
موني كيغمز...لاخرين وهوما خاريين بالضحك..😂😂😂
جين...تا نوض يا هاد حَنَّا عنداك تموتي😂..راه لقينا فالايطاج الفوقاني..
شوگا..اي الفوقاني..😱...مكينش تحت والو خاوي...مكينش السانسور
موني...سكت وحمد ربك لقينا وبالرخيص ونوض طلع شطايطك باراكا عليك من لعكز..
تاي وكوكي..غيتفركعو بالضحك على تعابير شوگا...(بلا منوصف شوگا كي كيدير😂😂)

.
.

.

.
المهم البانغتان طلعو شطايطهوم ليطاج اللخر وحلو ودخلو....جاب الله الرياض كيكون مفرش..فاش دخلو لقاو ناموسيات وسداري والماعن وتلفازة...والباقي..
.
.
.
.
.
.
معرفتش واش طولت عليكوم ولا لا ولا واش حمضتها ولا لا المهم سمحو ليا وعيوني رأيكوم  وشاركو معايا افكاركوم