لآيهمني آن أكون أول حُبّ استعمر قلبك
ولآ أول أمرآءة أحببتهـآ !!
آلآهم : أنّك أغلقت قلبك بعد قدومي
ووضعت لوحه كتب فيهـآ : " لآ لجنــس حوآء بعدهـآ
كوثر:روز
روز:نعم ماما
كوثر:هاي شمسوين بالمطبخ كله مواعين وهوسه
روز(ونظره جانبية لرهف):هسه ماما هسه نكوم نرتب كلشي لا تشيلين هم
كوثر:يلا بسرعه ليجي احد شيكول
روز:اوك
رهف:شبيج تباوعيلي صفح
روز:منو البارحه جان يطكطك بالمطبخ
رهف:جنت جوعانه وسويت اكل ميصير
روز:وغير تنضفين هوستج وترجعين كلشي لمكانه ورى ما اتزقنبتي
رهف:تعبانه نسيت بيها شي
روز:خبله
رهف:ها اني خبله زين ست روز شلون سمعتي التطكطك مالتي انتي مو جنتي بسابع نايمه
روز:اي بس حسيت ع الصوت مالتج
رهف:هااا يعني مجنتي تحجين ويه احمد
روز(اسرعت وغلقت باب الغرفه):لج خبله من كل عقلج انتي لا امي تسمعج وبعدين لا مجنت احجي ويه احمد
رهف:عليييينه مو ملينه
روز:يلا كافي بلا لغوه عوفيني ادرس وروحي نضفي المطبخ
رهف:يعني متجين تساعديني 😠
روز:لاااا😪
رهف:ماشي يا روز ماشي
روز:ييي احمد الو ها حبيبي
احمد:عيون حبيبج
روز:لحضه اسد الباب لا رهف تسمعنه
احمد:ههههههه والله حتخبلوني انتو شلون تؤام ما اعرف يعني لو ما بنات خالتي وويايه من الصغر جان ما اصدك
روز:ههههههه ليش
احمد:متناقضين بكلشي
روز:هههههه شسوي كل وحده شخصيتها شكل ولا تنسى رهف لحد ما صار عمرها١٥ سنه هيه يم بيبي عايشه وبيبي دللتها كلش يعني ما ربينه سوه لهذا كل وحده شكل تحسها
احمد:ههههه اي صحيح هيه مجنونه كلش وانتي عقلانيه كلش
روز:اممم وهالشي تحبه انت لو لا يعني تحب اكون مخبله مثل رهف
احمد:هههههه ولج لتحجين على رهف وبعدين انتي حلہـِۈۋۆؤۋھّ بكلشي بيج يمه فديت العاقله
روز:فديتك اني
رهف:هااا ويامن تحجين
روز:اششش
رهف(تقربت من الفون):شّـہلَہوُ 😉نٌہگ حمودد
روز:وج نصي صوتج
احمد:ههههه سلميلي عليها
روز:ههههه يوصل يلا حبيبي اني اروح اكمل دراسه
احمد:بيباي قلبي
روز:باي
رهف:اويلي ع الرومانسيه
روز:وتالي
رهف:شوكت يجي يخطبج عاد ميفضها
روز(وهي ترتب الكتب):تدرين بضروفه
رهف:شبي شو الله فاتحها عليهم ممحتاج واذا يريد يشتغل ويه ابوه هم عمو احسان ميكول لا شكو بعد
روز:احمد يريد يكمل ماستر يعني كون ننتضر فد سنتين يلا
رهف:وانتي من كل عقلج تنتضرين هلكد هسه تجي وحده تلوف عليه
روز:شنو هالحجي احمد ميبدلني بوحده ابد
رهف:يمعوده زلم هسه ميتأمنون كلهم خونه
روز:وانتي شمدريج يعني شلونج علساس مكطعتها
رهف:هههههه بابا اني افهم بكلشي صح بعمري محبيت بس دا اشوف تجارب البنات كله كدام عيني
روز:مو كل اصابعج سوه
رهف:هسه اني شرايده الله يثخن لبنكم
روز:خبله
رهف:انتي 😝
بعد نصف ساعه
كوثر:ادري هاي مو اختج تقره شو ما فد يوم شفتج لازمه ملزمه لو كتاب تقرين
رهف:ماما روز تغششني ميحتاج اقره
كوثر:صدك روز
روز:كذابه ماما لتصدكيها
رهف:هسه اني مو دا انجح عليمن بعد هالحجي
كوثر:اوف منج لسانج شطوله
رهف:ييي فديتني بس
كوثر:هههه ده يلا كومن صبن الغده وحضرن السفره ابوجن اجه
روز:اوك ماما
