Come Back Home

CBH: Chapter 5

GLAIZA'S POV

Flashback

Simula ng natulog dito si Rhian sa bahay ay lagi na siyang napapadpad dito, actually parang dito na siya nakatira, pero hinahayaan ko na lang, dahil una sa lahat, she's my fiancee at pangalawa yun din ang gusto nila dad at ng parents niya.

Lagi pa rin kaming nagtatalo, ewan ko masyado siyang pikon, nakakairita na din. Nagwowork pa din siya sa coffee shop ko, and siya na ang new manager dahil sa utos na rin ng dad ko. Pero wala naman akong pinagsisisihan dun, mukhang kaya niya talaga, halatang kahit ayaw niya sa mga business eh, kaya pa rin niyang mag manage.

"Sa bahay ka ba matutulog mamaya?" I ask her ng pumunta ako sa coffee shop ko, para macheck sila at makapagkape.

"Nope, pakisabi na lang sa dad mo. Kailangan kong ayusin yung mga gamit sa apartment ko dahil lilipat na ako" 

"Bakit saan ka lilipat?" I ask

"Malamang sa inyo,. Wala eh. Pinilit ako nila dad. Kung ayaw kong tumira sa bahay namin, edi sa inyo na lang daw. Kahit papaano, magiging ok sila."paliwanag niya.

"Fine, wala naman akong magagawa. Ano hatid na kita?" I ask.

"Huwag na baka magdadate pa kayo ng Arci mo!" 

Speaking of Arci, nung lumabas kami dati ay lagi na yun nauulit. Well masarap na kasama at kakwentuhan si Arci kaya nagkasundo kami agad.

"Oh sige! Una na ako"

"Oo na! Makidate ka na!" Sigaw nito sa akin.

Ano bang problema nito? Kung makikidate ako. Problema nito. Tsk.

"Oo, makikidate ako! Bye!"

Hindi na ito sumagot at umalis na lang ako. Bahala siya sa buhay niya. 

Pagdating ko ng bahay saktong kumakain na si dad, pero wala si Alchris.

"Hi dad. Si Al?"

"Nasa meeting pa. Sige na umupo ka na at may pag-uusapan tayo"

"Ok, ano yun?" Tanong ko habang kumukuha ng kanin. Masarap kasi ang ulam, kaya makakakain ako.

"Kamusta yung finafinalize mo sa university? Ayos na ba?" So ito pala ang pag-uusapan namin, about sa pagiging CEO ko.

"Malapit na" tipid na sagot ko.

"Glaiza, malapit na ang palugit na binigay mo sa akin. Kapag hindi mo pa yun nagawa, I swear to God, palalayasin ko ang kapatid mo, at mawawala sa kanya lahat!" 

"Ano ba dad? Ano bang problema mo kay Alchris ah?! He's been a good son to you! Lahat ginagawa niya para maging proud ka sa kanya. Pero parang wala lang sayo ang lahat?!" Sawa na ako sa pagiging brutal ng tatay ko sa kapatid ko.

"Gusto mong malaman ang problema?! Alchris is not my son! Anak siya ng mommy mo sa ibang lalaki! Kaya ko naman talaga siyang tanggapin eh, kaya kong tanggapin ang pagkakamali ng mom mo, pero ang hindi ko kinaya? Ang mamatay ang mommy mo, dahil sa walang kwentang kapatid mo! Buti nga pinalaki, pinag-aral, binihisan at pinakain ko pa yan eh!"

Nagulat ako sa mga nalaman ko. Anak si Alchris ng ibang lalaki at hindi ang tatay ko? Hindi ko alam pero biglang bumigat ang loob ko sa nanay ko. Bakit niya yun ginawa? Bakit?

"Totoo ba yan? Hindi ako De Castro?!" Oh my gosh! Si Alchris. Halatang pagod ito at nasaktan sa mga narinig niya

"Kaya ba hindi mo ko magawang mahalin, dahil hindi mo ko anak?!"