JONH

Chapter 6

Jade

Sobrang nagulat ako sa lahat nangyari sa pagbisita ko sa bahay ng magulang ko, hindi ko akalain na magkikita kami ni Simon. Hindi lang iyon, alam niya na siya ang ama ni Dame at higit sa lahat ay inalok niya ako ng kasal. I'm feeling mixed emotions right now, it is because I never imagine myself marrying him. Not once that I dream of it, because before I already knew that he will never look in my way. But now here I am thorn on a situation because he wants his child.

Alam ko naman na dahil lang sa bata kung bakit gusto niyang magpakasal, pero pati iyon ay ikinagulat ko. Hindi kasi si Simon ang tipo ng tao na tatanggapin nalang na may anak siya at magpapakasal nalang sa ina nito, kilala ko siya. He bedded a lot of women but he never settle for anyone except for her.

Napaupo nalang tuloy ako sa kama ko at hinilamos sa mukha ko ang aking palad, sobrang gulo na ng utak ko. Kaya naman iniwan ko na muna sa magulang ko ang anak ko at umuwi na muna dito sa bahay namin ni Sky. At isa pa ito, hindi ko alam kung anong mararamdaman ko kay Sky.

Napabuntong hininga nalang tuloy ako at nagsimula nang mag-empake ng gamit namin ng anak ko. Napagdesisyunan ko kasing doon na muna kina mommy tumuloy, habang nag-iisip pa ako. Nasa kalagitnaan ako ng pag-aayos nang biglang bumukas ang pinto ng silid. Natuod ako sa kinatatayuan ko, pero nang makabawi ako ay pinagpatuloy ko na ang pagliligpit ng gamit.

"Jade, please talk to me." His soft voice makes me want to look at him, but I am too hurt to even look at him. I can't bear to look at Sky, it's because of him that I am in this situation right now.

Inignura ko ang buong presensya iya at naglagay na ng mga damit sa suitcase ko, pero nagulat ako nang pumulupot ang mga braso niya sa beywang ko mula sa aking likuran. Naestatwa ako at agad napakagat sa aking labi upang pigilan na umiyak.

"Jade, I'm sorry. Please forgive me, Jade. " Ani niya, pero dahil sa sinabi niya ay umusbong ulit ang galit ko sa kanya. Buong lakas kong tinanggal ang pagkakayakap niya at humakbang palayo.

Nanatili akong 'di tumitingin sa gawi niya bago ako nagsalita. "Andito na, wala na akong magagawa. Akala ko kasi susuportahan mo ako hanggang huli, hindi pala. Ayos lang naman, kasalanan ko. Kasi pinilit lang kitang pakasalan ako."

Bago pa mabasag ang boses ko ay tinakpan ko na ang bibig ko ng aking palad, hindi ko na kaya. Sadyang tumulo nalang ang luha ko at 'di ko na mapigil iyon.

Wala naman akong nagawa nang hilahin ako ni Sky paharap sa kanya at hinawakan ang magkabilang balikat ko saka matamang tumitig sa mata ko.

"Jade, wala kang kasalanan. Ako lahat ng ito, kasi naging duwag ako. Duwag ako dahil hindi kita kayang panindigan hanggang sa huli, naduwag ako nang maisip na hindi ko kaya maibigay kay Dame at sa iyo ang pamilyang gusto mo. Jade, bakla ako. Kahit anong gawin kong patigasin ang personalidad ko, bakla pa rin ako. Darating ang araw na 'di ko matatago kay Dame iyon at kayo lang din ang magiging kawawa. People will laugh at you for having a gay as a husband and a father to your son. Jade, I don't want Dame to feel that way. I love you both so much that I can't let that happen."

Agad kong naikuyom ang palad ko dahil sa paliwanag niya, mas lalong bumuhos ang luha ko at 'di ko na mapigilan ang galit ko. Pinagsusuntok ko ang dibdib niya at hinayaan kong umiyak na ang sarili ko.

"Wala akong pakialam sa sabihin ng iba! Sky, ikaw ang pinili kong pakasalan kasi alam kong magiging masaya ako sa iyo! You are the one that I chose because I knew that you love me, that you will never hurt me or my son! I don't care what others think, I just want to have a happy family with you!"

Napatitig ako sa mga mata niya at nakita na rin ang pagkawala ng mga luha rito. Pinigilan niya ang kamay ko sa pagsuntok at ang isang kamay niya ang humila sa akin upang mayakap niyang muli.