شوجا. اسم الشهرة اللي بقيت بكتب بيه.. محدش يعرف مين هو شوجا ده.. اسمه او شكله او سنه.. هيستغربوا اكيد لما يلاقوه شاب مكملش 25 سنة و عنده سلسلة كتب ناجحة جدا..
بدأ فيها و هو 16 سنة لما بدأت تجيله الاحلام دي.. يقدر يحلف انها حصلتله قبل كده.. بس اللي في الاحلام ده مش هو! ده شاب نبيل في انجلترا و يقدر يقول انها في العصور الوسطى من الهدوم و الاماكن.. ع الاقل شكلا مش هو. و في الحلم دايما فيه بنت يقدر يحلف انه يعرفها من زمن. دايما في الحلم بتكون حبيبته.. و من كتر ما الاحلام دي تقدر تنسج قصة بقى بيكتبهم..
"سلسلة 'احببتها في زمن اخر' بتحتل مبيعات الكتب و بقت في قايمة الbest seller للسنة التالتة على التوالي. كاتبها شوجا اللي القراء كلهم هيموتوا عشان يعرفوا شخصيته الحقيقية، بالذات البنات منهم، قرر اخير انه يعمل لقاء مع معجبينه، و يوقعلهم على كتبه. اللقاء هيكون اول الشهر الجاي.. بالنسبة للتذاكر ف هي محدودة جدا و هو قرر انه هيعلن عنها قبلها ب10 ايام بس. افضلوا متابعين حساب الكاتب عشان هو اللي هيعلن عن ده كله-"
قفل التليفزيون. اه بيحس ساعات بالفخر انه حقق النجاح ده كله. بالنسبة له هو اكيد اريحله انه يفضل شخصية مخفية بعيدة عن الاضواء.. من غير ما حد يعرف شخصيته.. بص جنبه للقناع اللي قرر يلبسه... اشبه للاقنعة اللي بتتلبس في الحفلات اللي في احلامه و اللي كانت اتكتبت في اخر كتبه... هيفضل برضه مش معروف ليهم.. فتح حسابه على تويتر و كتب تويتة عن حفلة التوقيع و لقاء المعجبين دي. ابتسم بجنب شفايفه.. المعجبين احيانا بيكونوا مجانين فعلا لما يحبوا حاجة! قفل كل حاجة.. القناع جنب سريره و راح يقابلها في احلامه الليلة دي كمان~
-قصر من العصور الوسطى مليان خدم و سيدات طبقى راقية لابسين فساتين طويلة... شعرهم متصفف بعناية و الوقت الصبح.. ظهرت تاني هي مع ابتسامة على شفايفها في الجنينة المحيطة بالقصر.. راحلها بسرعة.. جسمها الضئيل مقارنة بيه كان بيدخل في حضنه كأنه اتخلق عشان يكون في المكان ده بس.
بعد ما غمض عينيه و استنى لثواني بعدها و بص في عينيها: انطوانيت..
بعدت عينيها شوية عنه و مردتش. كسوفها مانعها تكلمه و هو بيحب كسوفها ده.. بعدت خطوة لورا: ويليام..
حرك ضهر ايده على وشها: قريب اوي هنبطل نتقابل في السر.. قريب اوي هواجههم كلهم اني بحبك و اني عايز اعيش معاكي انتي بقية حياتي..
