Himpunan Cerita Seram Urang Kita Sabahan

Hospital

Hospital
Semalam jam 6.15pm,kami pi sana hospital mo lawat sia punya mcik kena tahan bangunan bru hosp sandakan,sia plan mo pigi tengahari tpi laki sia bnyak kerja,terpaksa lah pigi petang,sampai hosp tia ada parking,,pusing2 jumpa 1parking tapi jauh tu dari bgunan,,laki sia bilang bah biarlah,sini lah parking,,
Terus sia teingat tia boleh bawa baby,,sia bilang bah kasi tinggal lah ni budak sama ko,,
Sia kasi tukar hpon,sbb talipon sia ada krdt,jdi klu budak mngis ko kol saja sia,,sia bwa tlipon laki sia,,,sia cepat2 kuar,,sbb sia punya cazen suda tunggu sna lama,,dia bawa baby dia sama budak 4org anak dia juga,,mo kasi tinggal tia ada mo jga baby,sama mama dia rindu betul sama itu budak2,,ada mcm 200meter sia jalan dari  parking sampai suda sana bgunan,,
Sebelum sia kuar kreta,sia pesan tu sma laki sia jangan parking dekat sana kantin,,sbb bedepan pula itu kantin sama rumah mayat,,takut sia baby keteguran ba,,mo gelap lagi tu malam suda,,
Jadi sia jalan ni,,tidak tahu knp mcm seram seram jak,,tpi tia peduli juga sbb kesian sia sma tu kazen,,bnyak betul anak dia,,tpi sia punya mulut tia berhenti baca2 tpi mcm tunggang tebalik suda,,
Sampai sana,terus sia tolong kazen sia pigang anak dia,,dia pula kasi dukung lagi yg paling kicil,,terus sia bilang kita naik lif saja,,tpi belum sampai naik lif terus sy bisik2 tu budak supaya diam2,,sbb diorang bising betul,teriak sma main2,,
Kami terus masuk lif,,ada 1org pcik ni pun ikut masuk juga,,tia lah sia takut sebab ramai juga,,anak kazen sia pun tekan tu lif,,kami pi tinggkat 5,itu pacik pula pi tinggkat 4,,
Tiba2 itu lif sangkut,,tia ada no kami di tinggat mna,,terus sia bilang astaga,,
Itu budak pun semua mnangis,,sia nampak itu pacik terus panik,,dia takan2 itu butang lif,,tia juga berkesan,,terus dia try mo buka itu lif tia juga dapat,,
Beberapa minit bgitu begoyang itu lif,,mcm ada lompat,,sia pun terus pigang tu budak2,,kasi kuat,sebb itu budak mnangis2 suda,,
Tia lama itu lif gerak lagi terus bunyi smpai suda sna tingkat 4,,tpi tia juga dapat buka itu lif,,sia kasi kuar talipon,,mo kol no bomba sna kena lekat di dinding lif,,(seram betul sia,budak nangis bilang ada hantu,,buluh roma sia bediri terus ni,)
Gerak lgi itu lif sampai sna tingkat 5,,bru tu lif buka,,terus sia bawa tu budak2 kluar,,itu pacik terus kluar cepat2,,sambil pigang tengkuk dia,,sia bilang trun jua ni lif pcik,,dia bilang tia apalah sia ikut lif sebelah ramai org dia bilang,,kami masuk lah sana wad,,budak2 masi lgi takut sambil mnangis,,
Buluh roma sia masi lagi berdiri,,ishhh dlm hati sia,,knp la baini,,
Mungkin perasaan sia sja ni,,sbb slalu baca serita hantu,,
Kami pun terus jumpa mcik sia,,tia juga sia serita pasal dlm lif tu,,sia relak ja,,ba bilang mcik sia mna ko punya baby,,sia bilang sna di kreta sama bapa dia,,klu bgitu cepat2 la kmu blik,,nnti tu budak mnangis sana,,bilang mcik sia,,
Ba,,sia pun salam mcik sia,,sambil peluk2,,terus dia pesan kau kasi baca2 ar kasi tiup2 di tlinga anak ko dia bilang,,,
Anak dia pun dia kasi pesan juga,,dia kasi baca2 lgi tu budak2 sambil sapu2 muka diorang,,sia pun betamba sua seram ni,,kami terus jalan mnuju pintu besar kluar dri wad yg berdepan dgn lif,,
Sampai sna lif,,terus tu budak2 semua nangis tia mahu masuk lif,,
Cazen sia pun paning,,terus dia ckap ba,klu tia mo ikut lif pigi lah kmu ikut tangga,,sbb mama kasi dukung lgi ni baby,kami ikut lif,,
Terus sia tangkap itu budak2,,sambil sia marah mama diorang,,sia bilang jangan kau kasi biar durang jalan sendiri,,mo sia cakap pasal ni tmpt tpi terus sia terdiam.,biarlah kita jalan 1kali sia bilang,,
Sia pun pujuk2 tu anak,,sia bilang kita ikut lif sebelah,,durang pun terpaksa jua ikut,,sampai bawa,,sia bilang kamu tunggu sini,,sia pi kreta dulu,,nnti kami pigi sini,,sbb tu kreta sia bilang jauh,,kesian pula tu sama baby,,(dalam hati sia,,matilah,,mo lgi blik sana jauh)
Sia jalan terus,,sambil lari2,,sampai depan kreta terus sia,,kasi pukul2 badan sia sambil ckp,,(tinggal la ko sini,jangan tumpang sia masuk kreta)terus sia masuk kreta,,masuk sja sia,,terus anak sia mnangis,,kuat,,
Sia bilang ba cpt la ko,sama laki sia,,kita ambil durng terus kita pulang,
Ba,,,nati kena sambung,, mngis budak,,,

Jalan pulang,,
Sia terus baca2 sambil kasi sapu2 baby sia supaya dia diam,
Kami terus pi sana bgunan ambil cazen sia,,dlm perjlnn mo ambil cazen sia,
Sia kasi tau laki sia,,mo singgah sna shop and save,,market kasi beli dulu budak2 aiskrim sbb kesian ketakutan betul tadi,,laki sia angguk2 saja dia paham,,(klu ikut cara kami mesti,singga2 dlu tmpt lain supya klu ada benda tumpang dia tertinggal tmpt yg di singgah,,)
Masuk suda diorg kreta,terus ank sia yg 7thun mnjerit,,ishh siapa kentut ni bau buruk betul,,,terus sia marah suruh dia diam,,sia bilg jgn ko tegur ba,,
Sia kasi tinggal dia dlm kreta tdi,,waktu pigi wad sma si baby,,
Lepas mkan aiskrim kami terus pulang,dlm hati sia gembira betul budak2 ni,,
Cazen sia ni tinggal sna btu12,,mama sia pigi ambil kemarin dulu,sbb mcik sia suda 4hri dlm wad,,durg mo mlwat,,tlampau jauh ba naik bas,,
Sampai rumah terus sia naik cepat2 sama baby sia,,
Laki sia kasi parking kreta,,sia ampai tu budak terus pi cuci muka sama kaki,,
Sia bgi tahu tu cazen,,tadi kembang bulu sia sana hosp,,sia bilang itu tmpt mmg bgitu,sllu ada mengacau,,
Lepas tu kami anak branak terus blik rumah sia,,rumah sia di bukit belakang  rumah mama sia yg tadi tu,,smpai rumah sia msak,,lpas mkan terus anak2 sia tidur,,1jam bgitu bunyi talipon laki sia,,kwan dia kol ini mlam keja smpai pagi,,
Msuk jam 12 pulg 8pagi,,
Ba sia bilang,,siap2 lah ko,,ada 1jam lebih,,dia pun jalan turun keja,,
Tia sia boleh tidur,,teringat pula sia,,pasal hari tu,,,