My Thoughts of You (My Favorite Bully)

Paalam

Paalam, isang salita na kay bilis bitawan

Subalit tunay na kay hirap panindigan.

Sapagkat ang tulad mo ay kay hirap kalimutan

Kung kaya puso ko ay di ka maiwan-iwan.

Bawat hulma ng 'yong mukha ay nakatatak na sa isipan.

Ala-ala mo sa aking gunita ay hinding-hindi matutumbasan.

Hakbang ng iyong mga paa na senyales na ako'y iyong lalapitan

Ang siyang gumigising sa buhay kong tila tinakbuhan 

na ng kaligayahan.

Ngayong katapusa'y malapit nang hagkan

Pagkatao ko'y dinudurog at nasasaktan ng lubusan.

Paano nga ba gawin ang wastong pamamaalam

Sa taong nagturo sa akin ng salitang walang hanggan?

Subalit kung ito ang iyong kahilingan 

Na ibaon na sa limot ang ating matamis na nagdaan.

Makakaasa kang ikaw ay aking pagbibigyan.

Hahakbang ako  palayo habang binibitawan ang 

puso kong sa'yo lamang nakalaan.

-Autumn <3

(12-03-16)