اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وربي يكتبلي النجاح معاكم
بسم الله الرحمن الرحيم😌 القصة بطلها اسمه مراد عمره 22 سنه يقرأ في كلية الأعلام حلمه من هوا صغير يطلع اعلامي مشهور.شخصية تحب الضحك والفستري ولاكن للأسف في أخر فتره انقلبت حياته رأسآ على عقب 😥من شهرين فاتن خسر باته وأمه في حادث ح نعرفو تفاصيلة بعدين وحاليآ عايش مع عيت عمه وهما كالتالي عمه.اسمه كمال ومرات عمه أسمها ابتسام زياد ولد عمه عمره 24 سنه أكبر من مراد بعامين تولين بنت عمه طبعآ أخت زياد عمرها 21 سنه ومراد وزياد وتولين من وهما صغار أكثر من خوت ويحكو لبعضهم في كل حاجة مراد يحب بنت أسمها هديل من الثانوية وهيا تقرأ في كلية العلوم وحاليآ الجامعه موقفة لأن عطله مراد كاين راقد وتليفونه يرن مراد :اووووووووف ورد ع تليفونه مراد :الوو هديل:حبيبي هيا نوض مراد:في حد يرن توا ياهديل معقولة هديل :مراد أنت أمس قتلي نوضيني ساعه 9 بنفتح المحل صاح ولالا مراد :ييييييي عليك قصة هديل :هيا نوض لأن قريت أنه اليوم نتيجة كلية الأعلام مراد يقرأ سنه ثالثة مراد :باهي باه هديل:باي مراد:باي وصكر الخط مراد:تي على أساس ناجح أنا ورد رقد من جديد في الوقت هذا كانو عم ومرات عم مراد يفطرو كمال(عم مراد):مراد ناض ياابتسام ابتسام:لا والله مازال راقد كمال:مستحيل شن صايرلة العيل هذا ساعه 9 ونص توا امتى بيفتح المحل ابتسام:مراد تغير في أخر فتره لذلك حاول تعذرة كمال:عارف لاكن حتى أنا خويا ومرات خويا لي ماتو يعني الحياة لازم تستمر ابتسام:الله غالب وخلاص😞خطرها اليوم نتيجة مراد كمال:أها إن شاءالله ينجح من الدور اﻷول وناخذكم ونمشو أمريكا كلنا ونردو غادي عيت عم مراد كانو عايشين غادي لهم 4 سنوات وردو قبل مايموتو أهل مراد بفترة يعني حاليآ لهم 3 شهور مروحين ابتسام:ياريت والله بلكي نطلعو من جو الكئابة هذا شويا كمال:مراد كنه طول هكي ابتسام:أمس طولو في السهرة وهما مكسدين في الجنان كمال:وباقي العيال وين ابتسام:تولين عارفها أنت متنوضش توا وزياد طالع من الصبح وفجأ خش عليهم زياد زياد:صباح الخير ياعائلتي ابتسام:صباح النور كمال:صباح الخير وين كنت زياد:عندي لكم مفاجأ ابتسام:شنو o_O زياد:مشيت شريت تذاكر سفرة بكرا كمال:تي أين سفرة هذي😳 ابتسام:مفهمتش شي أنا زياد:أنا قررت أنه نعدو بكرا كلنا وننسو الجو هذا لنا كم شهر عايشين في دوامة نكد كمال:أنا معندش مشكلة بس في حاجة زياد :شنو هيا كمال:شن ضمنك أنه مراد ناجح ومعندش دور ثاني ابتسام:صاح مرات يطلع عنده دور ثاني ومنسافروش ونحنا مستحيل نسيبو بروحه زياد:تي لا طمنو بالكم أنا مراد عارفة ناجح أكيد و ح نسافرو بكرا ابتسام:مازال تولين لما تسمع بالخبر هذا أكيد ح تطير من الفرحه كمال:والله بأذن الله نعدو ومراد وتولين يكملو قرايتهم غادي وأنت تحظر ماجستير هندسة زياد :إن شاءالله يارب وفجأ نزل مراد من فوق مراد:صباح الخير زياد :صباح النور ابتسام:صباح النور كمال:صباح الخير تعال قمعز يامراد نبيك ابتسام:بسم الله خلي العيل يفطر بس زياد:تعال تعال عندنا لكي خبر سمح مراد:خير إن شاءالله وفمعز مراد زياد:شوف هذينا مراد:مستحيلo_O بكراااا كمال:بكرا ح نسافرو يامراد مراد:عليش كنكم مستعجلين هكي ابتسام:والله ياوليدي كيفي كيفك فاجئنا زياد كمال:خلاص شن عندنا نديرو هنا مراد زعل شويا مراد:وشن ضمنك أنه نجحت يازياد زياد:ااووو عيب يابرو أنا واثق فيك مراد:انشاءالله متكونش ثقة زايده بس زياد:لا أكيد ناجح مراد :تولين لما تسمع بالخبر هذا ح تطير من الفرحه زياد:أكيدة ابتسام:طبعآ ترجا فيها من زمان كمال:خطرها يامراد شوف حد يمسك المحل مكانك زياد:أها أكيد لازم يكون حد امين مراد:أها توا نشوف أصيل أكيدة يعرف حد كمال:تمام مراد:أنا بنطلع توا ابتسام:مع السلامه طلع مراد وولع سيارته وقعد يرجا شويا لين تسخن ولقا زياد قدامه زياد:مراد مراد:نعم زياد:زعلت مني ومعجبتكش المفاجأ مراد:تي لا والله عيب معقولة نزعل منك أصلا هكي خير زياد:حتى أنا قلت لازم نطلعو من الجو هذا شويا مراد:بس شن عرفك أني ناجح زياد:عيب تحكي هكي ياولد عمي ثقتي فيك زايده مراد:هههههههههه باهي هيا وجك خليني نطلع طولت زياد:وجك😂✋ طلع مراد سيارته وقعد يبحت في حوشهم أصلا لاه شهرين مخشلش ويذكر في باته وأمه وخنقاته العبرة 😥خذا نفس بسرعه وركب في السيارة وطلع مراد:أنا أكيد ساقط ليش تدير هكي يازياد بس توا اتأجل سفرتكم وتولين وعمي يزعلو مني مراد:اووووف يادنيا في الجانب الآخر من الشباب ح نتعرفو على شخصية ثانيه(عمر) عمرة 22 سنه صديق مراد من الاعدادية ومن زمان مع بعضهم عمر يعتبر من عائلة مشهوره أسمها عائلة مختار وعندهم قناة تليفزيونيه خاصة بيهم خلونا نتعرفو على عائلة عمر بات عمر اسمه كمال وأمه أسمها أمل محمد خو عمر أكبر من عمر ب4 سنين يعني عمرة 26 سنه وحاليآ يشتغل محقق جنائي عمر طلع من دارة ونزل لوطه ولقى هلة ع السفرة أمل(أم عمر):بالي شرفت محمد(خو عمر):في حد ينوض توا هاجر(بنت عم عمر) تشتغل محاميه وعمرها 24 سنه ح نتعرفو على عائلتها بعدين هاجر: مستحيل حد نتيجته اليوم ينوض توا عمر:اوووووف بدينا في السكنان-_-أمي والمحقق والمحاميه ع الصبح 😒 أمل:عدي شوف نتيجتك ياوليدي محمد:أكيدة ساقط في ماده ياامي 😂 هاجر:هههههههههههههههههههه ياخسارة التعب ألي تعبنا فيك 😂😂 عمر: حناطه ع الصبح-_-هاهاها عدي أنت وياها الحقو القضايا والمحاكم ألي عندكم وخطوني 😒 محمد:أها والله انا بنطلع هاجر:خوذني معاك حتى أنا طولت محمد:نوصلك ولا معاك سيارة هاجر:لا توا نطلع سيارتي عمر:أحسن واو الحمدالله محمد وهاجر بيطلعو أنتم بعد اتجمعو تقعدو كتلة صماطه هكي ماصارت بكل-_- هاجر:باي يامرات عمو😂✋ أمل:مع السلامه عمر:أمي وين باقي هل عمي أمل:والله مانعرف بس شكلهم طالعين من مبدري عمر:حتى انا بنطلع توا أمل:رن عليا طمني ياوليدي ع النتيجه عمر:باهي حاضر طلع عمر ولقى ولد عمه برا خو هاجر اسمه مازن أكبر من عمر بسنه يعني عمرة23 سنه ملاحظة:عمر ومازن صاح انهم متربيين مع بعضهم لاكن هما الأثنين ميحبوش بعضهم بكل وديما روسهم من روس بعضهم يعني مازن:اهﻵ وسهﻵ عمر:أهلين مازن :سمعت أنه اليوم النتيجه عمر:أها والله مازن:باهي تمام انشاءالله تنجح وتخرج زيي عمر اضايق منه 😒 عمر:أها ياريت والله مازن:خلاص منبش نعطلك عمر:تم طلع عمر وقعد يمشي ورن عليه أصيل أصيل.شخصية سمحه بكل وطيب وميحبش يأذي حد طبعآ زي ماقلتلكم عمر وزياد يعرفو بعضهم من الاعدادية ولاكن تعرفو على أصيل في الجامعه في أول سنه وقدر أنه يكون أكثر من صديق بالنسبة لهم أصيل:تي وين ياجدي عمر:أنت لي وينك أنا توا كيف طلعت من الحوش أصيل:باهي تعال عشان نتفاهمو عمر:أصيل مازلت مصر على ألي بنديروه أصيل:تعال بس توا تفهم عمر:باهي وين نجيك أصيل:أنا قاعد في الكافي عمر:باهي وصيلي على وحدة كابتشينو عشان شربتها مع خويا وبنت عمي ويصمطو زي العاده-_- أصيل:هههههههههه باهي تم عمر:تم أصيل قعد مقمعز وماسك تليفونه ويفكر عمر جا من وراه عمر:في شنو تفكر ياواطي أصيل:اوي عمورتي عمر:شن الاخبار أصيل:ميه في الميه أمسك قهوتك عمر :منور.شنو مازلت مصمم على يلي بنديروه أصيل:ماهو تفاهمنا أمس شنو را تطلع رديت في كلامك عمر:عيب أنا عشان مراد ندير أيه حاجة ومن قبل قايلك أنا معاك ع الموت أصيل:اصلي والله عشان هكي تعال نمشو لأن طولنا عمر:أسمع بلكي يطلع مراد ناجح أصيل:عمر متجننش ع الصبح خيرلك أنا وياك عارفين أنه مراد ساقط ومش مصفي ولا ماده عمر:لنقنه صاح في الامتحانات كلهن مقمعز في المدرج وخلاص وميبحتش في الورقة بكل أصيل:أها راهو شوف امتحن وأمه وباته عزاهم لاه شهر مازالو ماطقو 40 يعني عمر:هيا خلي سيارتك هنا ونمشو بسيارتي أصيل:هيا مشو عمر واصيل يديرو في حاجة ح تعرفوها بعدين 😉 في حوش مراد تولين ناضت ولقت أمها تولين(بنت عم مراد) شخصية ناس واجد يتهموها بالتكبر ولكن هذا كله كذب هيا طيبه وشخصيتها سمحه صاح تحب تهتم بمظهرها واجد لاكن مش متكبرة ابدآ تولين:صباح الخير يااحلى أم ابتسام:صباح الخير يابنوتي تولين:غريبه الحوش هادي وين بابا والعيال ابتسام:عندي لكي خبر من ذهب بكككل 😍 تولين:ياريت قوليلي شنو 😍 ابتسام:هذينا تذاكر سفرة بكرا تولين :مستحيل مش مصدقة نحنا ح نسافرو بكرا 😍واخيرآ ياربي ابتسام:اهاا والله بلكي نغيرو جونا شويا تولين:عشان هكي خليني نطلع توا نمشي لصاحبتي ونجيب شوية حاجات من السوق ابتسام:سيارتك فيها بنزينه تولين:أها ياماما أمس عدو زياد ومراد عبولها ابتسام:باهي بسرعه عشان أنتي تقعدي 10 ساعات وانتي تلبسي تولين:باهي باه ركبت تولين ورنت على حبيبها اسمه معتصم تولين:أهلين حبيبي معتصم:اهﻵ وسهﻵ ياحياتي تولين:عندي لكي خبر مذهل 😍 معتصم:خير شن في 😳 تولين:بكرا بنسافرو معتصم:اوووو وأخيرآ ياحبيبتي قررتو تسافرو تولين:أها والله مش غير واخيرآ المهم أنا توا شويا أخرى بنطلع عندي شوية حاجات بنجيبهن معتصم:باهي ردي بالك ع روحك تولين:حاضر معتصم:باي تولين:باي قعدت شويا تولين وطلعت نمشو مع بعضنا شويا لقروب البنات ونتعرفو على بطلة القصة مرام العمر 22 سنه بنت عمرها ماحكت مع شاب ولا عمرها جربت الحب تقرأ في معهد لغات أختها أريج ح نتعرفو بعد شويا من تكون باتها(عطية)وامها أسمها(ريم) أما البطلة الثانية ف كانت نور جيران هيا ومرام من سنين ناضت مرام على صوت أمها ريم(أم مرام):مرااام يابنيتي نوضي الدنيا قعدت الظهر مرام:تؤتؤتؤ خليني راقده ياماما مش وقتك ريم(أم مرام):يابنيتي وقت خلاص مرام:اوووف ياماما نضت عليش أسمها عطلة هيا😭 بحتت مرام في تليفونها ولقاته نور ترن عليها مرام:أهلين بنت الجار نور:أهلا وسهﻵ بنت الجار وينك من مبدري وأنا نرن مرام:والله تليفوني ع الصامت من مبدري كنت راقده نور:باهي شويا ونجيك نبيك في موضوع نصلي الظهر بس مرام:باهي تم نصلي حتى أنا ونرجا فيك طبعآ تولين(بنت عم مراد) مشت لصديقتها(أريج) عمرها 24 سنه خريجة صيدلة وحاليآ ماسكه صيدالية فاتحها باتها وطبعآ تكون أخت مرام زي ماقلنا فوق🙏 وصلت عند الصيدالية ونزلت وفتحت الباب وخشت تولين:يادكتورة أنا تعبانه بكل قيسيلي حرارتي أريج:مبردك وانتي ماتبطلي بكل😒 تولين:هههههههههه شن الجو ياحبي 😍 أريج:تمام التمام ياعيوني أحلى مفاجأ والله تولين:شن أخبارك واخبار هلك كلهم اريج:الحمدالله أنتي شن جوك مع عصومي تولين:كويسين عندي لكي خبر يجنن أريج:قولي واضح عليك جايا مبسوطه أصلا تولين:نحنا بكرا مسافرين أريج:كذابة 😳 تولين:ووحق ربي أريج:وعليش استعجلتو هكي مرة وحدة تولين:والله زياد دارها لنا مفاجأ فهمتيني اريج:والله مش عارفة نفرح ولا نزعل 😢زعﻻنه عشان معش بنشوفك وفرحانه عشان بتسافرو وتطلعو من جو الكئابة هذا وبلكي تنسو ألي صار تولين:ياحبيبتي والله حتى أنا توا نرايف عليك بس اكيده ح نتلاقو واكيد ح يجي يوم ونروح أريج:معناها اليوم لازم نكملة معاك توا نرن على بابا يجي وأنا نطلع تولين:ياريت والله أحسن حاجة 😍 رنت أريج على باتها(عطيه)وجاء دغري عطية(بات أريج وطبعآ حتى مرام):أهلين تولين نورتينا تولين:كيف حالك ياعمو الله ينورك عطية:خير أريج قالتلي بكرا مسافرين كنكم قررتو فجأ تولين:والله ياعمو هذا ألي صار عطية:باهي أحسن حاجة تولين:بنستأذن وناخذ منك أريج اليوم كله بس عطية:أكيد خوذيها تولين:شكرآ ياعمو عطية:العفو سلميلي على باتك تمشو وتجو طيبين انشاءالله تولين:يوصل انشاءالله أريج وتولين صاح في فرق عمر بيناتهن لكن يحبن بعضهن وتعرفن صدفة من سنتين طلعن أريج وتولين وركبن في السيارة أريج:باهي والله اخيرآ قررتو تسافرو تولين:الله والله مرينا بأيام نكد بكل انشاءالله ننسوهن أريج:انشاءالله تولين:خطرها ع السفرة أنا بنرن على مراد نتيجته اليوم أريج:اهاا ونجح هوا تولين:أكيد ناجح مراد شاطر تولين فتحت التليفون ورنت على مراد تولين:تليفونه مقفل زعمك صاير معاه حاجة أريج:كنه تفكيرك هكي أنتي-_-أكيد كامل شحنه تولين:مستحيل عمره مادارها أريج:ياربي صبرني ع البنت هذي-_-وين بنعدو توا تولين:توا ح نشوفو كم محل ونروحو نتغدو ونطلعو في العشية لأن معش في وقت أريج:تمام نردو لأصيل وعمر لي كانو ماشيين للجامعه ووصلو عند الجامعه وفجأ لقو الجامعه مصكرة والناس كلها برا😳 أصيل:ياساتر شن في😕 عمر:علمي علمك تعال نسألو ومشو شويا أصيل:شوف كاتبين النتيجة ساعه 5 مساءآ عمر:شنو هذا في جامعه تعلن على النتيجه في العشية أصيل:ياغبي هذي من صالحنا عمر:لنقنة صاح تعال نقمعزو في السيارة شويا لين نديرو حل وردو وقمعزو في السيارة أصيل:عمر بنفتحلك موضوع عمر:شنو خير أصيل:مش عاجبني حال مراد بكل عمر:حتى هما باته وأمه يلي ماتو أصيل:تي لا ياراجل منقصدش هكي عمر:ها كنه مراد أصيل:ياراجل بالعربي هكي وبلا مجاملات.. عمر:تي ها أحكي أصيل:البنت هديل هذي وحدة متحسش ومش مقدرة حالة مراد بالمرة عمر:شنو 😳تي غير أسكت ياراجل في شنو تدوي أنت شن شفت عليها أنت أصيل:تمام يومتها قاعدين أنا ومراد رنت عليه قعدت تقولة أنت هاملني ومعش تحبني ونكدت عليه بزياده وأنت عارف مراد مش مهتم بروحه كيف بيهتم بيها معلش! عمر:لنقنه صاح لاكن مش معناها أنه هيا متحبش أصيل:المفروض تصبي جنبه وتخلي التفاهات هذينا ع جنب توا هيا تهتم بيه مش هوا تي ياراجل واعرة يخسر باته وأمه عمر:ممكن حتى هيا تستعبط شويا بس زي ماقتلك هديل تقرأ معانا من الثانوية ويلي بينها وبين مراد مستحيل ينتهي أصيل:توا تفهم كلامي مع الوقت البنت هذي وراها حاجة عمر:غير اسكت ورد بالك تدوي الكلام هذا قدام مراد والله يفش غلة كلة فيك أصيل:باه عمر:خليني نرن على مراد نشوفة وينه أصيل:ياريت عمر رن عليه عمر:الرقم المطلوب مقفل😕 أصيل:غريبه مراد ومقفل عمر :والله حتى أنا استغربت عمرة مادارها أصيل:أسمع شن رأيك نرنو على زياد ولد عمه عمر:خلينا نكملو ألي بنديروه وساهل بعدين أصيل:هههههههههه والله ماني عارف ألي بنديروه صاح ولا غلط لاكن أهم حاجة مراد في الوقت الحالي عمر:هههههههههه والله الهم يضحك مرات😂مراد مستحيل يتحمل ضربه ثالثه دور ثاني مستحيل ينجح ح يعاود السنه أصيل:شكلهم ح يمسكونا ويقبض علينا خوك محمد بعدك عارفة في القانون ميعرفش هلة عمر:هههههههههه بكل بعدك خاطرة يحطني يوم في الحبس أصيل:هيا ننزلو بس كيف بنخشو الجامعه كلها مصكرة اليوم عمر:توا نزقبو من سور الجامعه وساهل نزلو أصيل وعمر وقعدو يمشو لين جو عند مكان فاضي وزقبو من السور وخشو للجامعه وطبعآ الدنيا صيف والجامعه فاضية أصيل:عليا الطلاق خشتنا غلط في غلط كان شافنا واحد من الأمن تقعد قصة عمر :اسكت وامشي بس وقعدو يمشو لين خشو ع كلية الأعلام وكانت فاضية بككككل أصيل:تعال مكتب الادارة من هنا عمر جا بيفتح الباب عمر:مصكر بالمفتاح أصيل:ولا يهمك داير في حسابي عمر:أصلي ياخبرة وطلع حاجة من جيبه وفتح الباب أصيل:نعاااليا فتح عمر:خش بسرعه بس وخشو وفتحو السجل الطلبة كاين ع المكتب أصيل:خلينا ندورو اسمه عمر:اصبر اهيا صفحة دفعتنا أصيل قعد يدرو أصيل:مراد.مراد.مراد. أصيل:اهوا ياعموري عمر:مش معقولة مصفي مادتين بس أصيل:وساقط في الباقي 😕 عمر :زي ماتوقعنا بالضبط أصيل:أنت 93% وأنا 94% عمر:باهي تمام خلينا نولعو الكمبيوتر ونبدو في شغلنا طول أصيل:وافرض في رمز عمر:لالا مفش أنا ميخشوش هنا ألا اداريين أصيل:باهي وولعو الكمبيوتر وخشو ع االسجلات وفجأ ينفتح الباب 😕 عمر:..........o_O أصيل.........o_O يتبع الحلقة الثانيه طبعآ الرواية ح تكون كلها تشويق ومازال ياما ح تشوفو من حرق دم😘😂 المهم لازم تحفظو الشخصيات عشان متتعبوش فيها وشكرآ على المتابعه
