الموعد الضائع

الجزء الأول

جالسة في مكاننا المحدد و كل دقيقة اتخيل محياك ادري ان ذي المرة ما رح تجي ولا اشوفك ...

تدري يا فهد للحين أذكر اول يوم لنا و أول يوم جلسنا في ذا الكوفي ليتك ما تسرعت في حكمك ..

قبل 5 سنين:
الجازي: يمه انا ما اقدر اترك حلمي ادري اني بنت سعودية و في مجتمعنا البنت ما تقدر تدرس ذا التخصص بس انا ما اقدر ادرس غيره ..

الام: يا بنتي تراك بتفشلينا وش يقولون الناس بنت أكبر رجل أعمال و أرقى عائلة تبي تدرس تخصص للرجال شلون بنت تكون مهندسة طيران عمرك سمعتي بنت سعودية قد سوتها؟ ؟

الجازي : يمه انا مستحيل اتخلى عن ذا الحلم و انا بقنع ابوي ولو بعد 100سنة

الأم: مدري عنك بس ابوك ما أظنه يوافق..

.....
الجازي:يبا يبا
الأب: هلا يبا
الجازي : ابي اكلمك بموضوع
الأب : قولي يا عين ابوك انتي تدري بغلاتك
الجازي: انت مو قلت انك بتدرسني اي تخصص أبيه ؟
الأب: اي اكيد
الجازي : انا ابي ادرس تخصص ما هو موجود عندنا لكن ذا حلمي و لا تجاوبني الحين ارجوك فكر إذا ما وافقت كل أحلامي بتضيع
الاب: وش التخصص ؟
الجازي : هندسة طيران و شفت جامعة بالإمارات تدرسه ...
الاب : يا بنتي وش بلاك ما تشوفين تخصص قريب هنا و تبقي تحت عيني ..
الجازي : مقدر ادرس غيره رجيتك فكر ...
الاب : بشوف

........
في بيت فهد :

فهد : يبا
ابو فهد : هلا يبا
فهد : ابشرك جتني بعثة للإمارات و بدرس هندسة طيران
ابو فهد : هاذي الساعة المباركة الله يوفقك يا ولدي

دخلت ام فهد جت عندهم و هي تعبانه لأنهم شخصوا حالتها أن عندها تصلب لويحي...

أم فهد: وش فيكم صوتكم واصل للحوش وش صاير
ابو فهد : ولدك يأم فهد بيكمل تعليمه في الإمارات  ام فهد : الحمدلله يا وليدي اني شفت هاللحظة عسى ربي يوفقك و افرح بتخرجك
.........