الموعد الضائع

الجزء الرابع

كل السكن راحو للجميرا مكان فيه جلسات حلوة على البحر و هذا المكان كان مكانهم المفضل

فهد و فيصل ركبوا ليموزين يدلهم لمكان حلو يجلسون فيه ...
فهد: we would like to visit a coffee on the beach
السواق: ok I'll take yo to jumaira

وصلوا للجميرا
فهد: فيصل طالع بالزاوية
فيصل: وش فيه ؟
فهد: صدق انك مفهي شف من جالس
فيصل: اي ذولي الي شفناهم بالمطار
فهد: عدد البنات كثير اكيد سكن طالبات
فيصل: انت للحين تحسبهم يبون يدرسون هنا
فهد: احساسي ما يخيب و تشوف

بعد اسبوعين....
الجازي: حلا قومي بنتأخر على الجامعة
حلا: زين زين
الجازي: وش رايك بذا اللوك مناسب حق الجامعة ولا أوفر
حلا: كأنك هندية ههههه
الجازي: اقول انا الغلطانة الي خذيت رأيك
حلا: شفيك حساسة ترى امزح والله تخبلين
....
فهد: وين اول محاضرة ؟
فيصل: مكتوب هنا Eng.3.15
فهد: فاهم شي ؟ ؟
فيصل: وش شايفني طالب ماجستير توني اول يوم
فهد: أجل خلنا نسأل احد
...
حلا : اقول صار لنا نص ساعة جالسين ندور ذي القاعة
الجازي: صبري بنلاقيها
حلا: وراك ما تسألين أحد
الجازي: ماني شايفة بنات هنا
حلا: اسألي ذولي الي عند الباب شكلهم سعوديين
الجازي: مجنونة انتي أسأل رجال
حلا: وش فيها اسألي بأدب
الجازي: اسألي انتي
حلا : خلاص بسأل يالخبلة
...
حلا: لو سمحت ممكن تساعدني لاني جديدة هنا و ما اعرف شي ؟
فيصل: يطالع فيها و مفهي ما قدر يقاوم جمالها
حلا: عمى بعينك وش تطالع
فيصل: ها وش بغيتي

زعلت حلا و قررت ما تسأل أحد لكن فيصل للحين مو مستوعب جمالها

بعد معاناة لقوا  القاعة

فيصل و فهد اكتشفوا أن حلا و الجازي فعلا بنفس القاعة ..
فيصل متشقق من الفرحة: فهد طلع كلامك صح ذولي معنا
فهد: ذي البنت شكلها كأنها من الأفلام ودي اعرف اسمها
فيصل يستهبل: ها بدينا الحركات
فهد : اقول لا تبطل فمك
..
جا الدكتور و بدأت المحاضرة

يتبع#