Nora And Vampires

الثانى عشر

نورا فاقت وحاسة بصداع جامد ومش قادرة تفتح عنيها
"صباح الخير"
دورت وشها لقت شادي معاها فالاوضة اتخضت اوي وماعرفتش تعمل ايه
قرب منها وقعد جنبها"ماتخافيش انا لما بشم ريحة جرح فيه دم مش بقدر اتحكم فنفسي..بس هدرب اتعامل مع البشر..عشانك"
"عشاني؟؟"
"ايوة عشانك..انتي اختي"
"ايوة صح انا نسيت..انا الكبيرة ولا انت"
ضحك شادي من قلبه على سؤالها"ههههههههههههههه انتي الكبيرة"
"بجد..يبقى تسمع كلامي ههههههههه"
ابتسم شادي كانت اول مرة نورا تشوف ابتسامته"على فكرة ابتسامتك حلوة اوي"
"بجد"
"اووي انا اول مرة اشوفك بتضحك اصلا"
"هههههههههههههه هتبقي تشوفيني بضحك كتير..يلا قومي خدي شاور عشان تفوقي..وخلي بالك من امير"
"ليه"
"انتي نسيتي عملتي ايه"
نورا برقت عنيها"عملت ايه...انا ماعملتش حاجة"
"هههههههه ماعملتيش ازاي انتي نزلتي فيه شتيمة امبارح لما سكرتي...زعلتيني منك"
"انا؟؟انا سكرت وشتمت امير يانهار اسووود"
"انتي مش فاكرة"
"لا مش فاكرة حاجة انا فاكرة اني لقيت قزازة مليانة وانا كنت عطشانة افتكرتها عصير ولا حاجة شربت منها لقيت طعمها حلو قعدا اشرب وانا مستنية سارة تنزل لغاية ماشربت نصها وووبعدها مش فاكرة اللي حصل"
" اللي شربتيه مش عصير ده فودكا فضلت من الحفلة انتي شربتي القزازة كلها مش نصها وبعدين قعدتي تشتمي فامير ههههههههههههههه "
نورا بتضحك ببلاهة"ههههههههه انت بتهزر صح"
شادي هز راسه بالنفي وهو بيضحك..نورا حطت ايدها على بؤها
"امير هيبدحني"
"لا مش للدرجة دي هو مايقدرش يأذيكي عشان انت بقيتي مننا خلاص"
قرب شادي من نورا وهي انكمشت فمكانها زعل ان اخته خايفة منه..باس راسها وراح عالباب"انا آسف لو كنت ضايقتك قبل كده"ابتسملها وطلع
جريت نورا على الموبايل واتصلت بسارة
"صباح الخير يا سكرانة"
"تعالي بسرعة"
"ايه مالك حصلك حاجة"
"لابس هيحصل..امير ناويلي على نية سودة"
"هههههههههههه طبعا يابنتي انتي امبارح مسحتي بكرامته الارض..انتي ناسية"
"يووووووووه مش كل واحد فيكم شوية يسألني انتي ناسية ايوة انا مش فاكرة حاجة خالص"
"مين قالك اصلا غيري"
"صحيت لقيت شادي جنبي..بيضحك وباسني من راسي واعتذرلي كمان"
"شادي رقيق اوي ومنطوي على نفسه اوي اوي من ساعة ما مامتكم هربت تاني...ملوش اصحاب غيرنا واهمله امير عشان كده مش بيستحمل يشم الدم..ماتتصوريش فرح قد ايه لما عرف انك اخته"
"للدرجة دي"
"ايوة واكتر..انتي مش هتخافي من حاجة تاني..شادي وامير عمرهم ماهيخلو حد يلمس ايدك حتى"
"يلا هسيبك دلوقتي آخد شاور وووو هروح اعتذر من امير مادام مش هيعملي حاجة"
"ههههههههههه ماشي كان نفسي اشوفكم"
"هو فيلم يلا امشي"
قفلت نورا وقامت خدت شاور وطلعت بشويش من الاوضة وراحت عند اوضة امير خبطت كتير ومفيش رد فتحت الباب ودخلت راسها لقت الاوضة فاضية"شكله طلع"
"بتعملي ايه"
شهقت نورا ولفت وشها بسرعة وهي حاطة ايدها على قلبها لقته شادي وميت ضحك عليها فرحت اوي انه بيضحك لها وضحكتله كمان"حرام عليك خضتني اووي..امير فين"
"تحت فالجنينة"
"طيب يلا معايا انا خايفة منه الصراحة"
"ههههههههه حاضر"
مسكت نورا فدراعه وشادي حاسس بايدها بتترعش وبيضحك
"بتضحك على اختك الكبيرة"
"ههههههههههه لما انتي جبانة كده عملتي كده ليه"
"مش عارفة انا اصلا مش فاكرة قلتله ايه بس حاسة اني عملت مصيبة"
"خلاص ماتخافيش مش هيعملك حاجة والله يلا تعالي"
سحبها من ايدها نزلو الجنينة لقو امير نايم على الشيزلونج وحاطط نظارات شمس وشكله وسيم جدا
بصت نورا لشادي وقالتله فودنه"هو انتو حلوين كده ازاي"
بصلها شادي ولسه هيضحك كتمت بؤه بسرعة
"شششششش هتصحيه"
"مش نايم"
قالها امير وهو بيقعد وبيشيل النظارات"انا مستنيكي..ممكن ياشادي تسيبنا لوحدنا"
شادي غمزله يعني بالراحة عليها
"ماتخافش مش هاكولها هههههههههههه"
مشي شادي ونورا واقفة مكانها وشها فالارض
قام امير من مكانه ووقف قدامها وحط ايده فجيبه..نورا بتحاول تخفي خوفها وتبتسم
"اممم انا انا آسفة عاللي عملت امبارح"
"اللي هو"
"مش عارفة انا قالولي اني ضايقتك"
"لاخالص العفو"
نورا بتبصله "يعني انت مش متعصب مني"
"ليه انتي قلتي حاجة وحشة خالص"
حاولت نورا تفتكر وجه فبالها لما قالتله كلكم زبالة وخاصة انت زبالة وبارد
برقت عنيها والابتسامة راحت من وشها..
"ايه افتكرتي"
هزت نورا راسها..امير"طيب تعالي هنا بقى..انا زبالة وبارد ومش بفهم حاجة خالص"
"لالالالا انت حلو ووورااائع وهايل وجميل جدا"
امير لف وشه عشان يكتم ضحكته وزود ملامح وشه حدة ولفلها
"واللي ابرهتيني بيه اكتشافك اني بحبك...عارفة انه السكران بيقول اللي فقلبه..يعني كل اللي قلتيه امبارح كنتي حابساه فقلبك"
"انا بجد آسفة اوي مش عارفة انا قلتلك كده ازاي والله انت مش زبالة خالص انت غريب بس"
"نعم؟غريب ازاي"
"يعني بتحاول تبين انك وحش مع انك مش كده"
"مين قالك الكلام ده سارة؟"
"لالا سارة ماقلتليش ده احساسي"
ابتدى يتقدم امير منها وهي بترجع لورا وهوووووووب وقعت فالبيسين
وامير غرق ضحك"كده اكون رديت لك اللي عملتيه امبارح"
مشي وسابها وهي طلعت من البيسين وحاسة ببرد..شادي جاي من بعيد بيضحك وجايب فوطة..لفها عليها"انت كمان بتضحك"
"انا كنت عارف هيعمل فيكي مقلب"
"مش انااختك ولا بيتهيألي"
"ههههههههههه خلاص يلا"
"يلا فين"
"على فوق تغيري هدومك"
"لالا انا عاوزة افضل فالشمس شوية"
"ماشي تعالي نقعد"
قعدو فكراسي وطربيزة كانت جنبهم وقعدو يتكلمو كتير..نورا فرحانة بقالها عيلة بجد وفرحانة ان شادي وامير مش بيحاولوا يأذوها..حتى لو امير رخم معاها ولسه بتخاف منه...
"بس قولي..هي الحفلة اللي كانت سارة جابتني هتتعمل تاني"
"اكيد..بصي احنا كل مانحس ان مخزونا بدأ يخلص بنعمل حفلة..مرة راس السنة زي اللي جات فيها سارة..مرة عيد ميلاد حد فينا..امير فكل مكان حاطط جزء من الجماعة بيتصرف وبنحط العبيد دول فبيت مخصص فيه حرس..امير هو اللي حاكم الجماعة لاني انا رفضت"
"رفضت ليه"
"عشان مش عاوز..كنت حاسس بوحدة كبيرة ومش عاوز ابقى مسؤول عن حد"
"كنت؟؟"
"ايوة ده قبل ماتيجي..انا بجد فرحان اوي اني بقالي اخت حلوة زيك"
"وانا كمان الناس اللي كنت معاهم ماكانش عندهم ولاد غيري..انت وامير وسارة هتبقو اخواتي"
"لا امير ماينفعش انكم تبقوا اخوات"
"ليه"
"عشان زي ماقلتي امبارح الجماعة لازم تتوج الملك و الملكة رسمي"
"انا اللي قلت كده؟؟قلت كده امتى؟؟مش مهم..يعني ايه تتوج مش فاهمة"
"يعني ابن الاميرة هيتجوز بنت عمه اللي هما انا واخت امير..امير ماعندوش اخت..فالحالة دي اختي انا هتتجوز امير..الي هي انتي"
قامت نورا مفزوعة من مكانها"نععععععععم...اتجوز مين..امير..مستحييل لالالا ماينفعش اعملو زي اني ماجتش"
"ههههههههههههههههههه طيب اقعدي خليني اشرحلك"
قعدت نورا تاني"قول ربنا يستر..."
"هههههههههههههههه قبلها كان هيتجوز بنت من جماعة تانية..انتي افضل..مش عاوزين ندخل بينا حد"
"لا يا شادي عشان خاطري ساعدني انا مش عاوزة اتجوز امير"
" طيب بغض النظر مش عاوزة ليه"
"عشان بخاف منه"
"ههههههههههههه هو بيتعمد يخوفك اصلا..بس هو مش كده مع الناس اللي يهموه اسأليني انا"
"هو اصلا بيهتم بحد"
"لا ماتقوليش كده..امير طيب جدا بس ماينفعش يبين كده..لازم يبقى شديد ومايرحمش عشان ماحدش يتعدى حدوده معاه او مع جماعتنا..انتي عاملك فالاول قاسي ولما عرف انتي مين لان معاكي..لو واحدة غيرك شتمته كان قطع راسها وعلقه ديكور فاوضته..صح ولا انا غلطان؟"
"صح فعلا عندك حق"
"عموما ماتخافيش الجواز مش قريب خالص لسه عالاقل سنة او سنتين"
"ماشي طمنتني"ابتسمت نورا
مسك شادي ايدها وباسها وابتسم لها..بس عنيه اتحولت شوية اول ماشم ريحة الدم فعروقها..غمض عنيه ولف وشه بسرعة نورا حاولت تبان مش خايفة بس دي مش حقيقة..لكنها حاولت تخليه مايحسش بالذنب وابتسمت وهي بتقول...
"مش خايفة منك عادي مع الوقت هتتعود على ريحتي"
امير كان سامع كل حاجة واضايق لما عرف ان نورا بتخاف منه وقرر مايخوفهاش تاني...
بالليل نورا لسه هتنام سمعت صوت برة..طلعت بشويش تبص في ايه فضلت ماشية والصوت جاي من الدور التحت نزلت بشويش..الصوت من الجنينة طلعت عالجنينة لقت شادي وامير ماسكين بنات وولاد كتير بيشربو دمهم وسارة معاهم كمان...عنيهم حمرا وانيابهم كبيرة ودم كتير على الارض وهدومهم..اتسمرت نورا مكانها وهي سامعة قلبها بيدق جامد ووصل لرجليها..حاولت تنسحب بس عملت صوت وانتبهت سارة عليها وبصتلها بعنيها حمرا زي الدم..نورا ابتدت ترجع لورا لما التانيين كمان بصولها...
سارة بصوت مرعب"ايه اللي نزلك"
نورا............
امير"اوعي تصرخي"
نورا جريت بسرعة عشان تطلع اوضتها لقت شادي وراها
"شادي..شادي انا نورا..نورا اختك اهدا"
شادي بيحاول يهدي نفسه بس جري بعيد عنها عشان ماعرفش يمسك نفسه
جريت نورا على اوضتها وقفلت الباب من جوه وقعدت عالارض وهي كاتمة بؤها عشان ماتصرخش..حست قلبها مش فمكانه ودموعها بقت نازلة شلالات
بعد عشر دقايق هي لسه قاعدة عالارض باب الاوضة خبط ماقدرتش ترد
"نورا انتي كويسة"
ده كان صوت شادي
"انا كويسة ماتقلقش"
صوتها باين أنها بتعيط
"نورا افتحي الباب ماتخافيش انتي عارفة اني مش هأذيكي"
نورا ماقدرتش تفتحله
"نورا عشان خاطري بلييز افتحيلي الباب"
فتحت نورا الباب..لقت شادي غير هدومه اللي كان فيها دم ورجع طبيعي
شادي بيبص لنورا اللي وشها بقى اصفر وبتعيط
"بتعيطي ليه"
نورا...........
امير جه من وراه وقال بعصبية"آخر مرة تخرجي بالليل برة اوضتك..حتى لو حد خبط عليكي..انتي فاهمة"
نورا"انت بتزعقلي كده ليه"
امير"عشان كان ممكن تحصل مصيبة لو شادي ماتراجعش بسرعة..ولا احنا لو ماقدرناش نسيطر على نفسنا"
نورا"انتو بتعملو كده ليه"
"عشان دي حقيقتنا..احنا مش بشر..مش لحم ودم..وانتي كمان قريب هتبقي زينا آخر مرة تتصرفي من دماغك كده"
نورا بتصرخ بصوت عالي"مش هتقولي اعمل ايه..انا مش هبقى زيكم..انا عمري ماقتلت حد..انا مش مصدقة اني عايشة مع وحوش..مستحيل اتجوزك حتى لو قتلت نفسي"
كانت بتعيط اوي وشادي دور وشه عشان دموعه ابتدت تنزل حس ان اخته بتكرهه...بص عليه امير وبص لنورا بصة مرعبة ومشي
نورا حست انها جرحت شادي وهو مش بايده راحت عليه ومسكت ايده
"انا ماكنش قصدي.."
"لايانورا انتي معاكي حق تكرهيني..انا وحش"
"لا ماتقولش كده انا بحبك جدا و انت روحك حلوة اوي"دورت وشه وحضنته وهي عارفة انه ممكن يفقد سيطرته بس ماهتمتش
شادي حضن اخته وعنيه بقت حمرا وانيابه طلعت وافتكر كلام سارة"عشان تتحكم فنفسك اتنفس بهدوء وبراحة خالص"
ابتدى يتنفس بهدوء وقدر يتحكم فجوعه ولما بعد عن نورا ابتدى وشه يرجع طبيعي
لمس وشه"انا..انا قدرت اتحكم فنفسي"
ابتسمت نورا بفرحة بس وشها رجع اتغير"انتو بتعملو كده ليه"
"عشان دي طبيعتنا يانورا..لو ماتغديناش هنضعف شوية شوية لغاية مانجف تماما..الاكل مالوش تأثير ومش بيشبع والدم شيء ضروري جدا ودم البشر بيدي قوة خارقة جدا"
"طيب ماتقدروش تعملو حاجة غير انكم تقتلو..والجثث دي بتروح فين"
"بتدفن فالغابة كويس..بنصطاد بس اللي ماحدش هيسأل عليه"
"زيي مش كده"
ماعرفش شادي يرد عليها
"مش زعلانة ولا يهمك..انا بس مش قادرة استوعب اللي شفته..وخايفة اعمل فحد كده"
"انتي هجينة نص انسان ونص مصاص دماء..الاكل كفاية عشان تتغدي..بس الدم هيديكي قوة هايلة"
"انت ازاي بتتحرك بسرعة"
"مصاص الدماء قوي جدا وسريع جدا وبيحس باي احساس سواء وحش او حلو متضخم اكبر من البشر..وممكن يلغي انسانيته ومايحس بحاجة..لو اتجرح بيشفى..دمه بيشفي البشر..بس لو مات قبل ماالدم يطلع من جسمه بيتحول لمصاص دماء وعشان يكمل التحول لازم يتغذى بدم بشري غير كده هيموت...بيقدر يرغم اي حد يقوله اللي عاوزه الا اذا كان بياخد اعشاب تمنع ده..يقدر ياكل وينام وكل حاجة..سمعه قوي جدا يقدر يسمع اي حاجة لو ركز عليها حتى لو بعيدة وده طبعا بفضل دم البشر"
"الله بجد كده حلو اوي غير جزء الجوع بتاع الدم اللي مش حلو خالص"
"هههههههههههه كل حاجة ليها سلبيات..وماتخافيش احنا عندنا مخزون دم يكفي سنين..يلا نامي انتي دلوقتي..تصبحي على خير"
"وانت من اهله"
طلع شادي من الاوضة ونامت نورا وهي لسه خايفة بس احساس ان ليها اخ قوي زي شادي يحميها خلاها تحس بالامان..