الساعه تشير الى 4و30د...بعد ماطلع من صلاة الفجر وصله أتصال...من بعده توجه للمطار مباشره..بعد مااخذ جوازه كم شغله عالسريع..
.................................................. ............................................
الساعه خمسه في صالة الأنتظار ..
تتثاوب وراسها يترنح ...نعسانه حدها...:اف بدر ليش ماخليت سفرتنا بكره..
بدر:لاني أبيج تستمتعين من أول يوم بحياتج معاي..ليان بزعل:أي وناسه بالله عليك..هلكانين
ويبيلنا بطيارة تقريباً27ساعه وأنا ماحب أنام بطياره...يعني بموت مو بستانس..
بدر يمسك يدها وبعتب:روحي فداج...ليش تطرين الموت الحين...وبجديه يطالع بعيونها:اذا ماتبين الحين اكنسل ونمشي...ليان حست أنها نست نفسها وضيعت فرحته:لالاوالله خلاص عادي...بس من النوم قمت اهلوس ههههه.....وبعدين من يفوت روما بلد لعشاق............ ههه
..بدر ببتسامه:دوم تتراجعين بلحظات الأخيره..تذكرين...وذكرها بلموقف الي صار بينهم قدام مكتبه..لمن خافت وتبي ترجع
ليان:هذي مشاعر طبيعيه بكل أنسان...بس أنت يمكن الي عمرك ماترددت ...ماشاء الله عليك
بدر يترك يدها:قومي ينادون لطيارة...ليان:حست ان مزاجه تعكر بس طنشت وما همها الا شي واحد تبي تنااااااااااااااااام ...هههه
.................................................. .................................................. ...
السلام عليكم ..صباح الخير...شلونج ياأم لعروس..ومالت باست يدها وراسها
أم نواف تنزل لشاي:وعليكم السلام...الناس ظهر ...شهالنوم...ماتعبتي
رنده تتمغط:تو الناس يمه أي ظهر الساعه عشر .. اه ينوم ..
والله لو اقدر أكمل بعد كان ماعندي مانع...بس أبي اتجهز حق ليله......
أم نواف بتكشيرة:لاذكريني...رنده بستغراب:لااذكرج!! بشو؟
أم نواف:بدور الخايس ...سافر بدون لايقول ...
رنده بفهاوه:هاه...أم نواف:شفيج ماتسمعين...الله يعين شنقول لناس...رنده تحك راسها:من صدق تتكلمين ولا تمزحين؟
ام نواف تحضفها بعلبة المناديل:كبرج أن امزح معاج..قومي عن وجهي خل أفكر بهالبلوه...حسبي الله على بليسك يبدير...زين تصلت فيني ليان ولا كان نتظرنا وتفشلنا عند الناس..
رنده تصب لها شاي وبهمس :قلعتكم...ام نواف ماسمعتها زين :أيش.. رنده ستوعبة:هاه أقول ماقلتلهم أن فيه صباحيه..عشان مايحجزون
ام نواف:عيال هل الأيام لايشاورون...ولا يقولون ...كلشي من راسهم...خل اقوم اكلم سعاد ابرك..
ورحت ورنده تتبسم على عصبيت أمها ...
صباح الخير عالحلوين..رنده ببتسامه:اوه صرنا نعرف نقول كلام حلو..
نايف وهو يجلس:أعرف من زمان بس مابي..رنده:يزينك وانت كذا...والله ساعات من كثر ماانت تهبل وانت رايق أتمناك زوجي ...وحطت يدها على فمها..اما نايف شرق بشاي...ونحرق بعد (هههه):رندوه يالخبله...ويأشر على ملابسه:حلو كذا...رنده تمسحله بلمنديل:ااااسفه والله بدون قصد...
نايف يضربها براسها بخفيف:مالك نيه تعقلين..رنده وهي تضحك:نو
نايف يوخر يدها:وشتمسحين خلاص بغير ملابسي...هههه...مرجوجه ....ور اح
رنده تطالع فيه لمن صعد:اااخ بس لو تاخذ عنود...ولا ياريتك ولد جرانا كان أنا خطبتك...يزين هالوجه وطول ...وبدت تضحك على هبالها...وبعدها راحت تكلم عنود..
(الصباحيه حفلة غداء تقام للعروس..وكل ناس حسب عرفهم وعاداتهم من يتكفل بها اهل المعرس أو اهل العروس...لكن حاليا بلمنطقه الشرقيه اصبحت عشاء وليست غداء )
.................................................. ................................................
الساعه عشره ونص...
مالذي حدث لها...
مايكل:يبدو أنه أنهيار عصبي...أنا أسف بشأن اتصالي في وقت مبكر
محمد بضيق وعينه عليها:على العكس عزيزي ...أنا مدين لك ...
مايكل يمرر يده على كتفه:لاتشكرني..فهي قريبتي على كل حال..
محمد:بصدق لاأعرف كيف اشكرك..
مايكل يوقف ويمدله يده:ستتعافى قريباً..لاتقلق كرس امراءه قويه..ابقى بجانبها
محمد ببتسامه يوقف ويصافحه:أن شاء الله... ستكون بخير..اراك على خير..شكرا مجدداً
مايكل يأشرله بباي وهو رايح...
دخل محمد عندها الغرفه وهي ممده على سرير الأبيض....ودموعها جافه على خدها...
قرب منها باس جبينها وحط يده على راسها ورقاها....
وجلس بتعب يتذكر وشقاله مايكل..
.................................................. .................................................. ...
مايكل:لم اكن موجودا في بيتي..وعندما وصلت...وجدت زوجة جاري جمس تحتضنها وهي تصرخ بشده...حاولنا تهدئتها...لكنها لم تستجب لنا...وكانت تغلق يدها بأحكام على بعض الوراق
وصل جمس بلوقت المناسب ومعه طبيب الحي ..لم يكن امامنا خيار أخر ثبتها بكل قوتي..
وقام بحقنها...فخرت على الفور نقلناها الى هنا وبعدها اطلعت على الأوراق وفهمت كل شيئ
ومدله ملف..
.................................................. ..........................................
كانت اوراق ارباح الصفقه الي عقدتها مع اخوانها واوراق بيع لجميع اسهمها... وكمان ورقة تنازل منها بكل املاكها للأخوانها وعليه ختمها وتوقيعها..وفيه ورقه مسكره لمن فتحها كانت من اخوانها وانهم سافرو برى البلد..وأن هذا الأنتقام الي كانو ناوين عليه.. عشانها تزوجت عربي غصب عنهم...واسلمت...
.....................................
محمد يتنهد بأسى:الله يقومج بسلامه يحبيبتي...وقام توضاء وصلى ركعتين وجلس يدعي
بعدها اتصل ببنته وطمنها وقالها إ ن جاته سفرية عمل طارئه وبيرجع بكره او بعده..
وبعدها تصل بلعمل وخبرهم يقولون لركان يتأخربسفره على اساس يمسك الشركه هو وخالد..لمن يوصل رائد
.................................................. .................................................. ..
الساعه احدعش...فتحت بكسل وهي تحاول تستوعب كلماته
كان مايل عليها وقريب منها..قومي حياتي بسج نوم....قومي اجهزي بنتغدا برى...
هنوفتي يله...هنوف تحط يدها على جبين ابراهيم وهي لسه منسدحه:شفيك ..مصخن؟
ابراهيم يبنزل يدها بزعل:لابس حرام يعني...أعيش يوم واحد بطبيعتي؟
هنوف تجلس وتفتح عيونها:لاجد مو صاحي شكل زواج ليان أثر فيك..اي طبيعه؟
ابراهيم: أنا اصلا كذا بس ماتعطيني فرصه..شفتي أنت الي ماتبين حياتنا تتعدل..وقام عن السرير..
هنوف تقوم من سرير ولسه مو مصدقه:ابراهيم والله مو قصدي..بس لاتلومني
ماعمرك سويتلي كذا قبل...
ابراهيم لف عليها ومسكها من كتوفها:انت ماعطيتني فرصه اوريج طبيعتي..ما عاملتيني كزوج
بس أنا اليوم قبل لااسافر أبي تكون وداعيه حلوه ...وحضنها...
هنوف تحطم سور كبريائها:هذي اول يوم بحياته يصير معها هالشي.
(لاتستغربون وتقولون شدعوه ولايوم الزواج...بقولكم من اول يوم شخصية هنوف هي الي شفتوها..غرور فوق الوصف..وهو مجبور عليها فجات منهم هم لثنين وكل شي كان شبه رسمي او روتين ومجامله)
..بكت من غير ماتحس..
ابراهيم يبعدها عنه ويشوف دموعها:لالالامابي أشوفهم مره ثانيه..ومسح دموعها بأصبعه
وباسها على جبينها...يله عاد لايروح الوقت طيارتي بليل...روحي تروشي وخل نطلع
أنا ناطرك برى اوك ...طلع وهي جلست على سريروبكت بحراره..شافت شخص ثاني
حتى ملامحه...هيبته...جماله...توها تحس فيه...(هي تدري وعارفه انه اجمل منها بس هو مايهتم بنفسه ولاعمره قارن نفسه فيها بعكسها الي دايم تستصغره وتشوفه شين)
قامت اخذت ملابسها ولفت لما رن جوالها..مشاعل يتصل بك...مسكت جوالها بغيض ورمته بلجدار ....حست أنها جد ماتستاهل ابراهيم..وتذكرت كلام هبه...
هزت راسها بضيق :خلاااااص مابي اتذكر شي...ودخلت تتروش...
ملاحظه(مشاعل=مشعل)
طلعت بعدها وراحو يتمشون ويبتغدون برا ... انا و المتابعين نتمنالكم التوفيق..
.................................................. .................................................. ..
صلت الظهر ونزلت الصاله ماشفتها..فرجعتلها فغرفتها:ممكن ادخل..
سمر:هلا وغلا لهو تفضلي..
الهام:السلام عليكم..شتسوين..
سمر تسكر الشنطه:وعليكم السلام..الي تشوفين بروح بيتي...بكره رائد بيجي شبلاج نسيتي..
الهام بغصه:أي والله نسيت ..متى بتمشين؟
سمر:مره وحده بعد مانودي نرجس..بنزل بيتي..
الهام:مابتروحين لصباحيه؟...سمر:اله بس مابطول ساعه بس..
الهام :وبتجلسين لحالج بلبيت...سمر:لابتجيني نور..
الهام تحضنها:بتوحشيني يدبه..سمر تحضنها وتمسح على ظهرها :وانت اكثر...وين بروح يعني...البيت بيتج بأي وقت...
الهام تبعد عنها وتمسح دموعها:ادري غصبن عنج اصلا مو بكيفج ...بجي بأي وقت... ورجعت تبكي وتضربها بلمخده بخفيف:تعودت عليج...لاتروحين...
سمر:يله عن الدلع تراج مو نو نو يخلون عندج أحد ...وبعدين حتى أنت بكره بيج.....وسكتت ...
اسفه لهو نسيت...الهام ببتسامه بباهته:عادي حياتي..بدليل أني حتى أنا نسيت ...وسكتت شوي:انه بيجي ....ووقفت تمثل المرح: اوه خلنا من السوالف تراني جوعانه يله ننزل نتغدا...سمر توقف:يله...ونزلو والهام ...دموع قلبها انهار...بكره بيرجع وماتدري مع مين ولا شبيسوي؟؟
.................................................. .................................................. ......
فتحت عينها بطئ تحس بثقل براسها ...وجسمها...وبعد تركيز بصوت تعبان:
محمد هذا أنت؟
محمد يلف عليها ويسكر النافذه ويجي يمسك يده:نعم أنا عزيزتي...كيف تشعرين الأن؟
كرستينا بدت دموعها تسيل:لقد ...لقد...تركني أهلي...الجميع رحلو...لماذا ؟أنا لم ائذي أحداً اليس كذلك؟
محمد يبوس يدها:بطبع لم تفعلي حبيبتي...أصغي الي...هم ليسو بأهلك؟هم ليسو كذلك..منذ أن اسلمتي ...هل تفهمين مااعنيه...كرستينا تغمض عينها بقوه وتهز راسها بنعم...
محمد يتنهد:حبيتي أعلم أنك تعانين الأن ...لكن بلى شك لديك ماهو أفضل وأثمن منهم..صحيح!!
كرستينا:أجل ..مادمت اخترت الأسلام...فربي لي يخيبني....ولن يدعني اهلك...أنا خجله من نفسي ...كيف اقدمت على فعل شيئ كهذا..
.وزاد صيحها...محمد يطبطب عليها:لاباس عزيزتي
مهما كانت قوتك...ستظلين أنثى رقيقه..والأمر ليس بلهين..لاأحد يلومك..
كرستينا:أنا لااتذكر مافعلته بضبط ولكن ما أشعر به أنه امر مخزي للغاية...
محمد:لاعليك من يهتم لهذالأن؟فقط تعافي بسرعه.والا ستوبخك ماري...هههه
كرستينا بتسمة على طاري بنتها:ماري لقد شتقت لها كثيراً...محمد يرفع حاجبه:هذا ليس عدلاً؟
كرستينا بستغراب:ماالأمر؟...محمد يجلسها ويجلس قبالها:تشتاقين لماري اذن!!!وماذا عن أبيها؟؟؟أنني هنا منذ العاشره..
كرستينا تحضنه:أنا أحبك كثيراً..كثيراً...محمد يمسح على ظهرها:وأنا كذلك..أنسي كل شيئ من أجلنا..... من اجل أنا ورائد وماري وخالد ....وحفيدنا القادم..اتفقنا
كرستينا تهز راسها وهي لسه حاضنته بنعم..:سأكون أماً صالحه أعدكم بذلك..
محمد يمسح على شعرها:انت كذلك كرستين..وبعدها عنه...لقد صلينا الظهر منذ ساعه الن تصلي؟؟
كرستين:بلى ساعدني من فضلك .. فأنا بحاجه ماسه لراحه.. ابتسم ومسك يدها ودخلت توضت ورجعت سريرها وصلت..ورجعوا يدردشون..ويتذكرون ايام زمان
(يقدم الحب لكنه أبدا لايمووووووووووووت...)
.................................................. .................................................. .
في شاليه عالبحر جالسين ..المنظر حلو ومجلسها بحضنه:هنوف
هنوف:هه..لوطلع الي فبطنك بنت شبتسميها...هنوف:امممم مها...
ابراهيم:يهز راسه بنعم:حلو ولو ولد
هنوف تلعب بشعرها بصبعها:امممم لولد عليك...ابراهيم...اتفقنا
امممم...مبسوطه؟
هنوف تحضنه:حيل مبسوطه...أنا ندمانه على كل لحضه ضاعت من عمري...وماعرفتك زين فيها...ابراهيم يبعدها ويروح عند دولاب الملابس ويطلع منو كيس...ومده لها
هنوف تنط من الفرح :لالالا كثير كذا ...ابراهيم ويوقفها وهو يضحك على حركتها:لوصار بولدي شي ياويلج...هنوف بتسمت وفتحت الهديه:كانت اسواره فيها أسمها.. وجوال أخر شي نزل ...
هنوف:تسلم براهيم ...هذا جد وايد علي...ابراهيم:انت تشوفين انج تستاهلين كل الي سويته؟
هنوف كأنه بهالكلمه احيا مارد الغرور..رمت شعرها على ورا وبدلع ماااااااااااصخ:طبعاً استاهله...اذا ماسويت كذا حق هنوف ال...أجل من يستاهل تسويله.
ابراهيم ابتسم:محد.... يله نمشي حبيبتي ...هنوف ببتسامه:يله...
اول ماركبت السياره...برهومي ممكن سوال
براهيم وهو يحرك:تفضلي عيوني...هنوف:تسلم عيونك...بكم الأسواره..
ابراهيم ببتسامه:شلون اعلمج وهي هديه...هنوف:لابس أبي اعرف عاجبتي وأبي اشتري مثلها لصديقتي
ابراهيم:ولا يهمج أنا أجيب لها...وشبعد...
هنوف:لا ابي اعرف...ابراهيم:الف ونص...
هنوف لاشعوري :بس....
.ابراهيم:........
هنوف:قصدي كلفت على نفسك....ابراهيم:تستاهلين..
هنوف: مدام هذا سعره...انا بشترليها مابي اكلف عليك..ابراهيم:على راحتج ...
هنوف(شدعوه مايدري اني ماالبس الا من ثلاث الاف وطالع..مستخسر فيني ولا ايش)قطع عليها تفكرها صوته:شفيج ماتردين....
هنوف:سوري سرحت شوي ..شكنت تقول...اقول الخاتم الي جبتلج ياه الأسبوع الي فات ماشوفه على يدج...
هنوف:أي خاتم...ابراهيم بستغراب:لحقتي تنسين...مو من كثر ما اهديج...
هنوف تحط رجل:هذا انت قلتها..ابراهيم يتنهد:بوخمس الأف الي من لازردي..
هنوف :ايه تذكرته...شفيه...ابراهيم:شفيج جاج زهايمر فجاءه..اقول ماشوفه عليج...
هنوف بعد ضحكه طويله:شدعوه تبيني البسه على طول ..ليش دبله أنا دبلتي مدري وينها
عموما عجب هاجر وعطيتها ياه...
ابراهيم:بس هو هديه مني.. توقعتج تحتفظين فيه...هنوف:ان شاء الله مره ثانيه..
ابراهيم :ان شاء الله..بس عندي سوال وابيج تجاوبين بصراحه...هنوف:تفضل
ابراهيم:تحبيني...هنوف:ايش؟ ابراهيم:تحبيني؟
هنوف:سوالك غريب بس بجاوبه...بصراحه عادي لااحبك ولا اكرهك...افقتدك ...امم توحشني ساعات..بس
ابراهيم:يعني مثل أي شخص بحياتج..هنوف:.تقريبا بس أكثر بشوي...
ابراهيم:في احد تحبينه أكثر مني..
هنوف لاشعوري:اكيد...قصدي ..طبيعي امي احبها اكثر من أي احد...
ابراهيم:وبعد هليله....بتحبيني...هنوف:أن شاء الله..
ابراهيم :تدرين غيرت رايي بعد ماصارحتيني بمشاعرج مب رايح لبيت...
هنوف بخوف مابينته :اجل وين....
ابراهيم:بوريج اني أحبج ...مابرجعج لبيت الا قبل السفر بساعه ونص وغمز لها وانطلق يمشي هنوف وعساها تقتنع فيه هههه..
.................................................. .................................................. ....
الساعه اربع ونص...في المطار
خالد:لاتطولين ...وبوسيلي العروسه...
نرجس :ان شاء الله...الهام تحضنها:بتوحشيني بليز لاطولين...
نرجس تمسح دموعها:خلاص يعيال لاتخلوني ابطل... الهام تمسح دموعها:لالا خلاص سكت
سمر تبوسها:تروحين وترجعين بسلامه..
خالد :يله فمان الله أنتبهي لنفسج...
نرجس :فمان الله سلمو على رائد وابوكم...وانتبوا لنفسكم....وراحت وركبت طيارتها
وخالد نزل سمر وبعدها الهام ورجع البيت...
.................................................. .............................................
في شقتهم الصغيرونه الجميله...
خالد يطبل عباب المطبخ وهو يغني:انا جيت...وجوعاااان....ترن ترن
شهد :ههههه سلم اول شرايك...وراحتله وباسته...
خالد:السلام عليكم يااجمل شهد...
شهد توقف قباله:وعليكم السلام يا احلى خلود...
خالد:بليز يا اميرتي تعبان وجوعان اسعفيني بالأكل ابنام.......
شهد:من عيوني ثواني ...تروش .... وبدل على ما احط الغداء
خالد وهو يروح :هواء
شهد حطت الأكل عسريع ونادت عليه ...جاء والفوطه على كتفه... وشعره مبلل وجلس
شهد تنشف شعره:يعني مو شايف المكيف تبي تمرض وتبشلني ....هههه
خالد:ههههه تعبي راحه...هديني خلاص ابي اكل...
شهد تركته وراحت تودي المنشفه...وهو جلس ياكل
خالد:متى تبين اودج لصباحيه...شهد:بعد صلاة العشاء بس مابي اطول ساعتين وتعالي...
خالد:سوري شهود بروح لشباب قعدي ستانسي شوراج...
شهد:يها الشباب مو أمس شايفهم...وليوم بدوام...وبعد بليل بتروح لهم..
خالد:ليش زعلانه أنت مابتكونين بلبيت...وقام الحمد لله شبعت صحيني المغرب عشان الصلاه اوك
شهد:مامداك شبعت الحين ....لايكون زعلت....خالد:لاوالله مازعلت ولا شي بس مابي اكثروانا بنام وبعدين وراي شوي وحركات....شهد:بلعافيه ...بس لاتتأخر تراي تعبانه...
خالد:اجل لاتروحين ريحي عشان ماتتعبين زياده....شهد وهي تشيل لصحون:شسوي لومو حفلة ليان كان عتذرت...خالد:يعطيج العافيه انا بنام ...وباسها وراح
وشهد دخلت تخلص المواعين عشان تلحق تخلص قبل ليل...
.................................................. .................................................. .....
بصالة فلتهم:
هاه ماقلتيلي شبتلبسين...عنود:مدري ماقررت...
رنده:لاتقولين مو جايه...عنود:ههههه لاوالله بجي...رنده:شرايج تجين عندي نلبس هنا ونتمكيج ونروح من هنا....
عنود :لاصعبه شتبين خالتي تقول...وبعدين مع اخوج اركب مره ثانيه لاشكرا...
رنده:لاوالله عادي....بعدين امي بيت عمه سعاد بتروح من هناك...عند بيتهم كوفير حلو
عنود:وانت ...رنده:ليش لكوفير ترها حفله...مو عرس...بعدين انا الحمدلله اعرف اضبط نفسي
عنود:أي والله وشغلج حلو اشهدلج...شرايج هالمره انت تجين...رنده عجبتها الفكره هي ماقد زارت عنود استأذنت امها ورضت على طول بعد الي قالته لها امس هههه
ونايف بعد وافق يوديها وراحت لها وبدو يشتغلون بنفسهم...
.................................................. .................................................. ...
في السماء الواسعه...
جالسه تطالع من الدريشه(النافذه)...بدر من بعد ماركبو بكم ساعه نام...هي ا
إلالأن موقاده تنام
تحس بأجهاد بس هذا طبعها...ماتنام بطياره....صحى وشافها عيونها حمروتكسر الخاطر..
قام بدون مايتكلم وقطع سرحنها لما مدلها عصير ليمون...ليان ببتسامه:شكرا نوم العوافي...
بدر :الله يعافيج..ولسه بنام بس بشيك عالعمل اول وبرجع أنام...ليان وهي تشرب:نوم لعوافي..
وبدا بتصالاته...ونشغل حدود النص ساعه لمن حس برسها على كتفه ابتسم وباسها...نزل الكرسي...وغطاها...ونام هو بعد....نووووووم العوافي يعرسان
.................................................. .................................................. ......ناس نايمه وناس في قمة نشاطها مع أن اليل واحد ههههه....الساعه عشر
الاستراحه مليانه والناس ترقص ومبسوطين حتى ا م ليان نست زعلها ونبسطت
وكل الشله شهد والهام وهديل ستمتعو اكثر من امس لانهم نايمين زين ومافي رسميه...
سمر جات بس ماطولت بس تركت نور وقالت للأهام ترجعها معاها
عجبهم الجو بس ماطولت السهره هلكانين من ليلة أمس الساعه وحده خلصو
شهد بضيق:مايرد لهو فشله...العالم راحت...الهام تلبس عباتها:بوصلج معاي
مايصير أخليج هنا ...هديل:لاانا اوصلج شهود قريب بيتج مني...الهام:يله شهود خلصينا سكري هالجوال مابيرد...
شهد بحزن:خلاص هدول شكرا بروح مع لهو...هديل:اوك مع سلامه....وراحت
وطلعو بعدها وراحو وصلت نور وبعدها حست لشهد الي تبكي...الهام:شهد حياتي شفيج؟
شهد:فشله شبيقولون الناس ناسي زوجته. وسهران مع صحابه ..الهام:ههههه الله يهديج ومن انتبهلج اصلا...بعدين انت مو فالبيت...خليه يسهر...لكن بكره أن سهر اقتليه ههههه...
شهد:هههه اسمله عليه...
الهام:الله يخليكم لبعض.....شويات وصلت شهد...ورجعت الهام البيت فاااااااااضي
الكل سافر...سعود بكره بيرجع ...دخلت غرفتها وهي حاسه بضياااااااع...
.................................................. .................................................. .
الساعه ثنتين....بصالة المغادرين
يله يعمري انتبهي لنفسج وبكره روحي بيت اهلج زين
هنوف:ان شاء الله...وانت انتبه لنفسك...
ابراهيم:ترى بجيبلي عروس معاي
هنوف:الساعه لمباركه ....فمان الله طمني اذا وصلت...وسكرت
ابراهيم:هههههه مجنونه هالبنت وركب طيارته وعالأمارات
.................................................. ..........................................
في مطار أخر رائد ينتظر طيارته الي بتقلع بعد ساعه ونص..قدم رحلته الي كانت المفروض سبع الصباح بعد مابلغه أبوه
انه لزم يرجع بدري شوي لانه سافر...
(اليوم السماء مافيها غيرنا هههههههههههه)
وهو طبعا بلغ سمر ونحاست مسكينه وراح ليل وهي تنظف وترتب هي وشغالات...
.................................................. .................................................. ....
سعود ينادي :هاه خلصتي ولا لا
سميره:ثواني واخلص
سعود:اوك ناطرج يله ورانا سفر الصبح
.................................................. ............................................
أنت تقرأ
شـــــلة بنــــاات الشـــــرقيــــة 2
Romanceنبذة عن حياة أبطالنابعد مروسنتان في الموسم الأول شهد وخالد:حياة جميلة هادئه لكن لانعرف ماتحمله الأقدار لكناري الحب نواف وهديل:حياة عمليه منظمه برومنسية معتدله رائد وسمر:لاتزال سمر تحمل حبها القديم بين جنباتها برغم من عشق رائد لها ليان وبدر:ق...
