Heaven's Last Cry (COMPLETED)

41. Tears

"Sometimes the strongest people in the morning, are the ones that cry themselves to sleep at night."

🌻🌻🌻

Ginawa ko lahat ng aking makakaya makalayo lamang sa kanila. Nakasalubong ko pa nga si Pink e. At ang mas masakit? Nahuli niya pa akong umiiyak.

"Wala kang karapatan na umiyak. Ikaw ang nang-iwan, kaya panindigan mo ang ginawa mo."

Sobrang lamig ng mata ni Pink. Noong mga oras na 'yon, parang hindi ko siya kilala. Halos lahat ng sinabi niya, tumagos sa puso ko.

"Hindi ko ginusto ang lahat. Kahit ayaw ko, pinipilit ko lang kasi kailangan. Magpinsan kami ni Red, Pink. Ikaw din pinsan din kita. Masisisi mo ba ako?"

Hindi ko na napigilan ang mga luha na kumawala sa mata ko. Bakit ba hindi nila maintindihan ang panig ko? Sana naman ay pakinggan nila ang explanations ko.

Lahat ng tao sa school, sobrang galit sa'kin. Sinabihan nila ako ng malandi, pokpok, two timer at kung anu-ano pang masasakit na salita.

At ang mas masakit? Wala man lang ginawa si Red para ipagtanggol ako.

Naalala ko, binubully ako ng mga kaklase ko. Tinignan ko siya para sana humingi ng tulong. Pero wala akong natanggap. Nilagpasan niya lang ako na parang hindi kami magkakilala.

"Alam mo naman palang magpinsan kayo e. Bakit ka nasasaktan dyan? Hayaan mo na siya, Agatha. 'Wag kang selfish, masaya na ang kapatid ko kay Margarette. So, back off."

Tinulak niya ako kaya napaupo ako sa sahig. Iniwan niya ako at umastang parang walang nangyari. Ngayon, napaisip ako. Bakit nga ba ako nasasaktan? Bakit pa din ako nagpapakatanga sa kanya?

Hindi ko din alam.

Mismong sarili ko, hindi ko alam ang sagot. Napatayo ako at nagbalak na pumuntang kusina. Kailangan ko ng tubig para mahimasmasan ako.

Binuksan ko ang ref at nagsalin ng tubig sa baso. Aalis na sana ako nang biglang nagkabanggaan kami ni Margarette. Natapon ang tubig sa katawan niya kaya halos nanlaki ang mata niya. Kitang-kita din sa mukha niya na naiinis siya sa'kin.

"OMG."

Agad naman akong lumuhod para punasan ang damit niya, ngunit tinabig niya lang ang kamay ko. Napatama 'yong likod ko sa may ref. Dahil do'n, lumapit siya sa'kin at sinabunutan ang buhok ko.

"Ikaw na babae ka, sinadya mo 'yon 'no? Ano, sumagot ka!"

Napahawak ako sa ulo ko. Pakiramdam ko, mawawalan ako ng anit noong mga oras na 'yon. She's really gettin' into my nerves. Kinuha ko ang shurikens ko sa aking bulsa at binato siya sa binti.

"Ouch! My legs! Gosh, you're.. bitch!"

Napasalampak siya sa sahig dahil sa ginawa ko. Nakikita ko na din ang bakas ng dugo dito. Napangiti ako ng mala-demonyo.

Blood, I love blood.

Akmang babatuhin ko ulit si Margarette nang biglang dumating si Red. Hindi ko natuloy ang binabalak ko. Napahinto lang ang mga kamay ko sa ere.