The Senorita | Published Under LIB

29-Muling Pagkikita

Patuloy lang ang buhay. Maraming maaring mangyari ngunit ang mga magagandang alaala ay nagsisilbing gabay para matuto at ngumiti pa rin sa kabila ng mga pagsubok.

Nakapagtapos na si Tammy ng kolehiyo. Agad din siyang nag-abroad patungong Hong Kong para magtrabaho sa insurance firm kung saan CEO ang kanyang ama. Ngunit di siya nagtagal doon. Pagkatapos ng isang taon, na-realize niya na di niya gusto ang trabahong pang-opisina at related sa insurance. Isa pa, ayaw din niya na nasa parehong trabaho kung saan nandoon ang kanyang ama. Naranasan kasi niya ang diskriminasyon dahil anak siya ng CEO.

I'm glad to be out there. It's no joke being the CEO's daughter. Aba, di naman ako asal-prinsesa doon, nanghuhusga pa rin sila. Now I don't know what to do after this. But at least I can start again. Maybe I should relax muna?

Ito ang mga nasa isip ni Tammy habang nakasakay ng eroplano pauwing Pilipinas.

Naisip niya na aligaga na naman siya dahil di niya alam ang magiging trabaho pagkatapos nito. Di excuse ang pagiging may kaya niya para di magtrabaho. Pero sa dami ng kanyang pinagdaanan, gusto niya munang matagpuan ang sarili at malaman kung ano ang tamang landas na kanyang tatahakin.

---

"Hija! Buti napadalaw ka."

Nakipagkita si Tammy kay Aling Simang sa dormitorio. Nasa may salas sila ngayon at nagkakape.

"Tagal na po nating hindi nagkikita. Kumusta po sila Dario?"

"Lahat sila ay tapos na sa pag-aaral. Doktor na ngayon si Dario at asawa niya si Tetay." Natawa si Senyora Simang sa naiisip.

"Talaga po?" Ang lawak ng ngiti ni Tammy nang marinig ang masayang balita.

"Si Juan naman, abogado na. Ngunit si Ilyong..."

Natigilan ang Senyora.

"Ano pong nangyari kay Ilyong?"

"May sinalihan na lihim na samahan at di na tinapos ang abogasya. Huli kong balita ay heneral na siya. Batang iyon... Ngunit di ko siya masisisi kung iyon ang gusto niya."