Sa bawat pagpitik
Ng kamay ng orasan
Narito ako
Handa kang pagsilbihan
Pero gusto kita
Kahit hindi maaari
Masakit mang isipin
Kaibigan lang kasi
Susuungin ko ang bagyo
Dadaan sa baga para sa 'yo
Ngunit hindi na bale
Kaibigan lang kasi
Habang tumitipa
Tumutulo ang luha
Sabi nga nila
Mahirap magmahal ng makata
Masyado raw seryoso
Masyadong mailusyon
Ngunit sa bawat pagpitik
Ng kamay ng orasan
Nandito lang ako
Handa kang saklolohan
Ngunit sa bawat pagpitik
Ng kamay ng orasan
Nandito pa rin ako
Kahit ako'y iyong nakaligtaan
Gagawin ko ang lahat
Buwan man ay aking mabuhat
Walang bilang sa'yo
Paano ba kasi
Reyna ka ng ibang hari
Hindi na ako tututol
Kaibigan lang kasi
BINABASA MO ANG
Kataga
PoetryKumpilasyon ng mga tulang nagawa upang maipadala ang mga nakakapagpabagabag na mensahe.