موجوع كلبي💔

أّلَبًأّرتٌـ أّلَأّوٌلَ

علياء
كل ما اشعر به الان انو قلبي يتمزق واشعر بالاختناق ولا مااكدر احجي كلشي كل ما اتذكر كلامه انو اني مجنونه تبدا دموعي وشهقاتي تعله وادخل في نوبه عصبيه فقط ابجي واصيح اريد احجي بس فقدت. ثقتي بكل الناس او بالاحرى فقدت ثقتي بنفسي وعدت نفسي انو اتغير وابدا حياه جديده بس بالاول انتقم منه وادفعه ثمن كلامه غالي

فلاش باك

علياء بعد ما اجينه لتركيا واستقرينه وبلشت حياه جديدة بتركيا لان اني جنت تحت حصار داعش وعانيت هوايه وصارت عندي خوف من كلشي وبلشت فعلا وكدرت اتجاوز الخوف بمساعده ابن عمي الي جان دائما ينصحني ويعلمني الصح من الغلط وهوة ساعدني اتجاوز الصار ويايه
جنت اتصفح مواقع التواصل الاجتماعي وجنت اعلق بكروب اقربائنا من نفس المدينه واني جنت احب هذا الكروب لان كل الي اعرفهم بي من جيران وصديقات جنت دائما اعلق واتفاعل جنت معجبه باابن عم صديقتي جانت ويايه بنفس المدرسه وهوة جان ياخذه من المدرسه لان عايشين بنفس البيت وهيه ماعده اخوة كبار هيه اكبر وحدة وجنت اشوفه بس اسلم وامشي جنت كلش اخجل من اشوفه وبعد ما شفته على الفيس كلش فرحت بس جنت خايفه كلش انو ميبادلني نفس الشعور جنت اعلق على كل منشور ينزله وجنت محبوبه كلش بالكروب وجانت منشوراتي كله عاديه ومرة نزلت عن الحب كبو عليه وعبالهم احب وكلهم علقو اله هوة جنت انتضر تعليقه بس ما علق وجانت اكو وحدة كلش اكره جانت حاطه عينه عليه وهوة جان ضارب ميانه وياه اني جنت ما انطي مجال لاحد لان ما احب احد ياخذ عني نضره محلوة جان ابن اعمي ينصحني ويكلي لتحجين ويا ولد ولتعلقين بس جنت ما اكدر ما اعلقله صارت مشكله بالنت وانقطع النت عن البيت وضليت اسبوع بلا نت ما كدرت اسيطر على نفسي بالكوة خلص هل الاسبوع ومن اجه النت فتحت الفيس وشفت 27 رساله فتحته جانت من صديقتي ولفت انتباهي رساله على الخاص فتحته جانت من عده ضليت اكرر الرساله مالته براسي جان محتواه (هلوو علياء شلونج صاير وياج شي اشو صارلج اسبوع ماكو اسف دخلتلج خاص بس حبيت اكلج انو مبروك ان شاءلله يكون من نصيبج ) بقيت صافنه معقوله دزلي وبعدين على شنو مبروك جنت خايفه كلش ارد بس اتجرئت ودزيت
علياء : اهلا والله زينه الحمدلله. لا ماكو شي بسانقطع النت جان اكو عطل وصلحو وبعدين على شنو مبروك. دزت الرساله ورة دقائق دزله
عبدلله : اها لعد الحمدلله على سلامتج سمعت انو نخطبتي
علياء انصدمت : شنوو منو كالك شنو مخطوبه هه شدا تحجي
عبدلله : اني سألت سارة كالتلي. انو  نخطبتي وكالت انو جاي تجهزين لخطوبتج
جنت متوقعه انو هيه لان جانت تعرف  احبه فهيج سوت
علياء : لا انتو فاهمين غلط اني انقطعت بسبب النت
عبدلله : يعني ممخطوبه
علياء : لا
عبدلله : زين لعد اريد اكلج شي
علياء بفضول. وتعمدت تكول اخي : تفضل اخي

عبدلله انصدم : اولا اني مو اخوج ثانيا اني معجب بيج من فترة وردت اكلج بس من سمعت مخطوبه عفتج بس متوقعت انو سارة تجذب المهم اني هسه معجب بيج يمكن تعديت مرحلت الاعجاب اني احبج كلش  كلش واريدج تفكرين ورديلي خبر مراح اجبرج على شي
علياء : م

علياء فرحت كلش لان اخيرا طلع يحبه بس جانت خايفه من اهله لان ميقبلون تحجي ويا ولد فهي خافت وبنفس الوقت من ابن عمه الي تحجيله كلشي يصير وياه لان وعدته متضم عليه بس كالت اني انتضرته هوايه راح احجي ويا لان احبه
وضلت تفكر ثاني يوم الصبح دزتله
علياء : صباح الخير عبودي
عبودي : صباحج عسل ورد جوري يا احلى علوشه
علياء خجلت كلش : ☺☺
عبودي : فدوة للخجلانه اي علياء فكرتي
علياء : اي فكرت الصراحه يعني اي موافقه بس عبودي اذكر انت عندك اخوات فلازم تخاف عليه مثل متخاف عليهم
عبودي : اروحلج فدوة والله لاحطج بعيوني ياحبيبت كلبي انتي
علياء : فديتك بس اريد اسال سؤال
عبودي : تفضلي حبيبتي انتي
علياء : من شوكت تحبني
عبودي : الصراحه اني مجنت اعرفج بالفيس  اعجبت بيج وحبيتج ومن شفت صداقه مشتركه بينج وبينه مروة سالته وكالت انتي صديقته واذكرتج من جنت اجيبه من المدرسه واشوفج الصراحه حبيتج كلش

علياء : واني هم احبك كلش

عبودي : وانتي من شوكت تحبيني
علياء : من جنت تاخذ مروه جنت كلش احبك متوقعت انو راح تبادلني نفس الشعور بس اني مستسلمت وضل عندي امل وفعلا اجه هذا اليوم

عبودي : ياحبيبتي كلبي لعد اني الغبي مشفتج مل هل الفترة اوعدج اعوضج
علياء : حشاك حبيبي المهم انت هسه يمي والحمدلله

عبودي : يا حبيبتي انتي اروحلج فدوة

طبعا جانو كل يوم يحجون ويا بعض وتعلقت علياء بعبودي اكثر واكثر الى ان جا هذا اليوم الي صارت الحادثه الي خلت علياءتتعرض لحاله نفسيه وتتحول الى فتاه ثانيه تختلف عن علياء كليا

هلووو شلونكم حبايب كلبي 😍😍طبعا الى هنا انتهى البارت اوعدكم انزللكم بس اريد دعمكم للروايه حتى استمررر