The Billionare's Disguise (COMPLETED)

Chapter1. My First Kiss

PROLOGUE:

Shion Zeek Macapagal's POV

"Naku! Ang hirap dito sa siyudad. Gusto ko na lang bumalik sa amin," mangiyak-ngiyak na saad ko sa sarili. Kagat-kagat ang kuko ng daliri. 

Nandito kasi ako sa labas ng mall. Ang pinakamataas at pinakamalaking mall sa siyudad. 

Pumunta kasi ako rito sa city para maghanap ng trabaho, kaso ang putcha! Ninakaw ng snatcher ang mga gamit ko. Pati bag ko natangay rin. Okay, lang sana kung pitaka lang kinuha niya pero pati bag ko, eh. Binili ko pa naman 'yon sa divisoria. Mahal yon, eh. Mahal pa sa buhay ng snatcher na 'yon, tig-bebente lang bili ko nun tapos nanakaw pa.

"Miss, huwag ka riyan umupo. Tinitignan ka ng mga taong pumapasok ng mall. Hindi ito stanby area."

Napatingin ako roon sa gwardiya na nakatayo sa hambahan ng pinto. Iyong tiyan niya ang laki. May anak pa yatang dala sa sinapupunan.

"Ikaw, bakit ka nandiyan?" tanong ko sabay tayo. Nasa gilid kasi ako ng pinto, sa harapan ng malaking mall na ito at naka-upo habang ngangat ang kuko. Si manong guard naman nasa tabi ko lang. Kanina niya pa ako sinisita, hindi pa rin ako nagpapatinag.

"Aba'y syempre, Miss. Ako ang tagabantay rito, eh. Hindi mo ba nakita? Gwardiya ako rito," mayabang niyang saad. Tumango-tango naman ako. Tila na-gets ang ipinunto niya.

"Sana ay 'di ka na lang naging gwardiya, manong. Hindi makaraan 'yong mga tao sa entrance, eh. Mas’yadong malaki 'yang tiyan mo, abala sa kanila 'yan,"seryosong sambit ko.

"Aba! Itong batang----"

"Hindi na ako bata! Matanda na ako. Nakikita mo bang ngumangawa ako rito, dahil ini-snatch 'yong bag ko, ha! Diba hindi."

Nanlaki ang malaki niyang ilong dahil sa sinabi ko. Ganito talaga ako kapag badtrip. Nambebwesit din ako.

"Aba! Pisteng kang bata ka! Umalis ka nga rito, pilosopo 'to. Alis!" 

Aba! Ang sama-sama ng pag-uugali ng guard na'to. Tama ba na ipagtabuyan ako na parang aso? Anong gusto niya, suntokan? Aba, hindi ko siya uurungan!

"Hoy! Papasok ako at isusumbong kita sa may-ari ng mall na'to!" sigaw ko.

"Ano!" 

Hindi ko siya pinansin. Nagflip-hair ako saka pumasok na ako sa loob ng mall. Binangga ko pa ang malaki niyang tiyan. 'Kala mo ha!

"Aba'y! 'Wag ka lang magpapakita sa aking bata ka------"

Hinarap ko ulit siya at saka tinaasan ng kilay habang naka pamewang. Nagkukunwaring galit.

"Ikaw ang 'wag magpapakita rito dahil ngayong araw, fired kana. Heh, buntis!” asar ko, sabay takbo sa loob ng mall.

Tumakbo na lang ako baka barilin ako ng gwardiya na 'yon. Mahirap na, tinawag ko pa naman siyang buntis. Eh, Ang laki kasi ng tiyan niya, kaya nagmumukha siyang buntis sa itsura niya.

Waaah! Hindi ko naman 'yon isusumbong sa may-ari ng mall na'to, eh. Ginawa ko lang 'yon para makalusot sa kanya. Kasi sa totoo lang, nahihiya na nga ako kanina pa. Ikaw ba naman ang titingan ng mga taong pumapasok ng mall. Sinong 'di mahihiya nun?

Huminga ako nang malalim bago inikot ang paningin sa paligid. Nakakahiya masiydo, pumasok ako ng mall na wala akong pera. Gutom na nga ako, eh.

Habang naglalakad, nakakita ako ng mga pagkainan sa loob. Hindi na ako nagdalawang isip na pumasok sa loob ng restaurant. Kahit wala akong pambayad nagsugal pa rin ako. Pagkapasok ko sa isang mamahaling restaurant. Nalanghap ko agad ang amoy ng pagkaing nakakapagpagutom pa lalo sa akin.