سيت بالخطوات كيقربوا لباب الطواليط ، بداو يدي كيترعدوا و كلي كنرجف ، و هاد الحالة كتجيني فاش كنكون تحت الضغط و لا متوترة ، ما جا فين تحل الباب تا غيبت .بديت كنحل فعينيا بشوية ، لقيت راسي مغطية بليزار ، و بانليا فهد جالس فطرف الناموسية كيدير ليا الريحة عند نيفي
فهد : ( بعصبية ) واخدة ليا بيتي و زايداها بالدوخة واش مسالي لك نبقى مقابلك
هبطت عينيا للارض ، معمر شي حد تعامل معايا فحال هكا ، الاغلبية لي محاوطوني كانوا كيراعيوا عليا حينت عارفين مرضي و قليل فين كان شي حد كيرفع صوتو عليا و لو تا بالضحك .
بلا ما نطق بتا شي كلمة ، نضت ، حيدت ليزار و لويت فوطتي ، جريت لفاليز و مشيت لبيت آخور .
يلاه غنسد الباب و هو يدفعو :مني ندوي معاك عودي شوفي فيا و متعطينيش ظهرك و تزيدي سمعتي !
باقي مقديتش نجاوبو حينت معمري تحطيت فهاد الموقف و ما عارفاش نتعامل معاه ، شحال صعيب ميكونش عندك مشاعير ، مني كيكونوا عالاقل كيوجهوك فتصرفاتك و ردات فعلك ، حينت العقل كيبقى محدود و الوظيفة ديالو و لو تكون مهمة مكتكونش كافية .
أنت تقرأ
احبني رغم مشاعري
Romanceقصة حب لي زوينا بزاف كتبتها مغايرة على القصص لي موالفين ? نتمنا تعجبكوم